Jems 4:4 - Kaa n Kəzə̀ n fəghə mə

⁴ Ghə nəb ityim tə a loʼ ghaa! Ghaa khə way nə̀ abə ghaa ngii gaʼnə fə̀ŋ n fə u mbi, i sey dii nə̀ ghaa loʼ ghə̂ a təngəmə tə Zə̀ kə ə? Keeli tsu na nə̀, ghə̂ ghey ghə ləghənə fə u mbi wə, ghəŋŋə wû i ghə nə̀ ghə doʼo ghə̂ a təngəmə ghi Zə̀ kə.

Jems 4:4 Mawu Ofanana

Matyo 12:39

Yeso n kee beeli ndòw ghə nə̀, “Bəbə bəbə tə aghə̂ nsə ghə nəb ityim a num tə tən, ghə bəbə bə tsəə tə̀ mə, mə i tsəm dii way ghaa n tsəə i loʼ zə, a may kə tsəə zey zə â shinə tə̀ wù tûm Kəzə̀ Jona.

Matyo 16:4

Ghə̂ a bəbə ghə nsə ghə nəb ityim a num tə tən, ghaa bəbə bə ghə i faalə zə tə̀ mə! Ghə i faalə i loʼ i kəm way dzə tə̀ ghaa tsəghəshiə way ghə i faalə zey zə â shinə tə̀ Jona.” Ambə tə dza tsu sey, tə n daŋŋə zəghə tsu ghə, nuu i ndòw.

Matyo 6:24

“Wù kəfwaʼ way ni keeli dzə ghə mûkəbii abəghə nəŋə imɔʼ. Abə tə ghəŋənə sey, tə i ləghə umɔʼ, bàa u loʼ wey, nkee tə i ngii ngɔɔmə umɔʼ, koʼo kìi u loʼ wey. A loʼ soʼo ighələ nə̀, wù way ni ləghə Zə̀ kə, tə i ləghə soʼo khəə wə.”

Lukas 19:27

Abə ghə̂ a təngəmmə ghuŋ ghey ghə â ləghə way nə n doʼo kədəŋ, ney bə na ghə n səə mə, ghaa wey tsu mə i koʼo.’”

Tùm i dzuŋu zə kuum Yeso Klisto tə Jɔn â tɔɔnə 15:19

Abə ghaa mə loʼ ghə̂ a mbi ghə, tə mbi mə ləghə ghaa. À sə fa loʼ kə nə̀ mə â sày nuu shi bə ghaa nə̀ ghaa ka kəm doʼo soʼo tə a loʼ ghə̂ a mbi. À wey loʼ ghə i tii zə ghə̂ a mbi a bàanə ghaa.

Tùm i dzuŋu zə kuum Yeso Klisto tə Jɔn â tɔɔnə 17:14

N mâ ghɔɔmə zə i fuu tə̀ ghə, ghə̂ a mbi ghə a bàa ghə, n təŋkey, ghə way dzə tə a loʼ ghə̂ a mbi, ighələ tə̀ n nghee n way wù mbi.

Tùm i dzuŋu zə kuum Yeso Klisto tə Jɔn â tɔɔnə 7:7

Ghə̂ a mbi a khə way zùŋ kə ni baa ghaa, ghə kee baa mə, n təŋkey, n tiilə dza nə̀ ghəə a ghə a ghəŋŋə a loʼ ghəə a bəbə ghə.

Roma 5:10

N sey dza n təŋkey, abə və i waa wi zə â loʼ ni ghəŋə nə̀ saa ghə̂ a təngəmə a Kəzə̀ a doʼo bə nə kəfə kəmɔʼ ghi Zə̀ kə. Nya wən saa loʼnə nə kəfə kəmɔʼ ghi Zə̀ kə, i sey dii nə̀ Klisto i bəghəshiənu saa n təŋkey tə loʼ utaw.

Roma 8:7

I loʼ sey n təŋkey, ghə̂ ghey fə̀ŋ tə ghə tə loʼ tən kə n ghəə ghey gow uwû ləghənə, ghə loʼ tən tsə kə ghə̂ a təngəmə a Kəzə̀. Ghə naŋŋə way laŋ u Kəzə̀ wə. Ndzəm ndzəm, ghə naŋŋə way laŋ u tii wə abə ghə mə buʼu ləghə kə ni naŋa.

1 Kɔrint 1:20

Sey, ghə̂ ghey ghə moʼlə nə̀ ghə tɔbənu, ghə loʼ ghee? Ghə̂ a dii a kəlaŋ ghə, ghə loʼ ghee? Ghə̂ ghey ghə dza nə̀ ghə tɔʼ khə ni khəə ghəə ghə, ghə loʼ ghee? Zə̀ kə n mgbaŋ dii nə̀ tɔb wən ghə̂ a mbi a moʼlə nə̀ ghə khənu loʼ ilaʼlə.

1 Kɔrint 1:21

I loʼ sey n təŋkey, Zə̀ kə n ghəŋə n tɔb u wi nə̀ ghə̂ a way dzə ni keeli wi n tɔb u ghə. Zə̀ kə n ghəŋə nə̀ ghə̂ a mbi a fəd keeli wi n bam i tûm i dzuŋu zən ghə naʼlənə ghə tɔŋŋənə nə̀ a loʼ ilaʼlə. Zə̀ kə n tsəm tsu ni bəghəshi ghə̂ ghey ghə bəghəmnə tə̀ tûm i dzuŋu zən ghə̂ a mbi a tɔŋŋə nə̀ a loʼ ilaʼlə.

Galeshia 1:10

Ghaa moʼlə nə̀ n kəŋə kɔʼlə n wù sɔŋtsuʼ mɔ kɔʼlə n Kəzə̀ ə? Nkee ghaa moʼlə nə̀ n fwaʼa nə ghə̂ ghə i kali bə mə ə? Abə à mə loʼ nə n nam fwaʼa nə ghə̂ ghə i kali bə mə, i sey dii nə̀ n way dzə wù Kəfwaʼ a Klisto.

Jems 1:27

Ghəə a Kəzə̀ ghən a zow dzɔbənə loʼ soʼo tsətsəghə n sə kə Bày saa wən tə loʼnə Zə̀ kə, loʼ ni laalə tə waa a chi ghə nsə ghey a kpusə ghə n chɔd mən ghə khənə. À loʼ soʼo ni ghəŋə nə̀ kə ghəə a mbi a nə dzəələnə muu i ghaa zə.