Jems 3:6 - Kaa n Kəzə̀ n fəghə mə

⁶ Nyim kə bɔɔmə loʼ soʼo tə a loʼ uvəllə. N badla tə uwû tə wù tədzəm, nyim kə loʼ zuŋ kə ghəə a bəbə ghən fa n mbi. Kə ney bə ghəə a bəbə ghə n wû u wù udzəm, kə bəəbə maʼa may tsu muu i wù n uvəllə, wû u wi, tə n fə daŋŋə kɔʼ soʼo tii n bùʼ kə Satan.

Jems 3:6 Mawu Ofanana

Matyo 12:24

Nghee tə ghə̂ a tə Falasi a kee zow tsunə sey, ghə n dza, “À teeli loʼ Belzebul, tɔŋŋə də̀ŋ kə zay u bwu wə, kə fuunə ghə̂ fən n daʼa kə nə̀ tə i dzum shiə zay u bəbə wə tii.”

Matyo 5:22

N kee dza bə tə̀ ghaa nə̀, abə wù fəələnə nəghə wə ghi waazə ə wi, tə kpiinu tə̀ ghə doʼlə naŋa wi n tay i saʼ. Abə wù tɔŋɔ ndòwnə waazə nə̀, ‘Ndzə̀ŋ ufow zən’, tə̀ kɔʼ kpiinu tə̀ ghə saʼ wi n ndaw tsə̂. Abə wù kpaalə ndownə waazə nə̀, ‘laʼlə ka fə̂ kən’, tə kpiinu tə̀ ghə maʼa wi nə uvələ, tə i fəʼlə fu.

Malakus 7:15

Fə kə loʼ kə way dzə wù zəə nyiə tsu ndòwnə nə unəghə, kə loʼ ni ghəŋŋə nə̀ tə i dzəə n sə̂ K-a-zə̀.”

Lukas 16:24

Sey tə n dey dza ndòw tə̀ Abraham nə̀, ‘Bày wuŋ Abraham! Kwɔɔlə sî zə n kow mə wə tûm tsu Lazarɔs tə tsum waa kəwɔɔ ə wi nə n mmuu tə n maŋ labi kayyə tsu waatɔŋ zuŋ tii, n təŋkey, n ngii zow ifɔbə fa nə uvələ.’

Kəfwaʼ 20:30

Ghə̂ a loʼ ghə i buʼu shiə kɔʼɔ soʼonu n fəŋŋə kə ghaa ghə i badla bə ghəə ghə, ni sìi laʼ dzûmə tə Klisto ghi ghə.

Kəfwaʼ 5:3

Pita n bəb tə wi nə̀, “Ananyas, a loʼ kee wə bəghəmnə nə Satan nyi bəghə doʼo n fə̀ŋ zə, tə ghəŋə wɔ nə wə bad aghəə tə Zay kə Zow kə ə? À loʼ kee wə khəə naŋa ndownə kəm kə ukhəə key wə fiinə luʼu kə tii tə̀ wû wə wə̀ ə?

Kəfwaʼ 6:13

Ghə n ney bə ghə̂ a loʼ ghə nə̀ ghə bə zɔʼ dza tsu nə̀, “Wù wən ka kam buu doʼo koʼ tsə nə̀ tə khəə way ghəə a bəbə ghə bòʼ ndaw Kəzə̀ ə saa i nii zən i zownə nsə laŋ u Mushi wə.

Taytus 1:11

Wə khə ni ghəŋə nə̀ ghə buu naŋa ghɔɔmə i ghə i tii zə, n təŋkey ghə fwɔdlɔ maʼa kaabə təndaw tədzəm nghee ghə diinə ghə n ghəə ghey ghə khə way daʼa kə ni dii. Ghə ghəə a badla ghən dii kaabə n təŋkey ghə ləghə nə̀ ghə̂ ghə i fuu bə ghə n khəə wə.

Jems 2:7

À loʼ ghə, ghə tsayyənə zəd i Yeso Klisto i dzuŋu zən ghə tɔŋɔnə ghaa tii.

Jems 3:7

Ghə̂ a loʼnu ni nyiələ lii tə tənyam tədzəm tə a loʼ nnən, nyam tən tə ghaŋŋənə nsə nyam tən tə muunə n dzuu.

2 Pita 3:3

N ləghə nə̀ ghaa zowkeeli tsu nə̀ n tsuʼu mən mbi may bənə, ghə̂ a loʼ ghə i bəghənu nə̀ ghə muu tən kə muu zey gow uwû ghə ləghənə. Ghə nə tsoʼo ghaa.

3 Jɔn 1:10

Abə mə i bənə, mə i tiilə dza bə ghəə a bəbə a loʼ ghən tə ghəŋənə nsə ghəə badla a loʼ ghən tə ghɔɔmənə bòʼ ghey. Tə ghəŋŋə kə way ghəə a ghən, tə tsəmə ləghə way ni kpiney ghə̂ a dii ghən ghə bwey bəghənə n dzəŋi kə dzûmə tə Klisto, tuu soʼo nə kə waazə a loʼ ghey nə kpiney bə ghə. Tə n dzùm shi daŋŋə ghə n dzəŋi kə dzûmə tə Klisto abə ghə ləghə ni kpiney bə ghə.

Chi dii 12:9

Ghə n tən maʼa shi tsu ndow faŋkwu kə ngəm key. À wən loʼ zuu i wey wey zən zə â loʼnə nə nzeyyə, ghə tɔŋŋə nə̀ à loʼ Avəətsəə nkee Satan. À loʼ wi tə â sii ndzəŋnə mbi idzəm. Ghə n tən maʼa shi tsu bə wi fa a ghəlitsə, tən maʼa tsu bə soʼo tsətəndəghə tə wi ghi wi.

Chi dii 13:14

Faalə mən zə â diinə n ghəŋə nə̀ ghə fuu wi n daʼa kə nə̀ zə i saʼa n tow kə faalə kə nyam mbvən kə sə isə key. Zə n sii ndzəŋ ndəmə aghə̂ a ghəlitsə. Zə n dza tə ghə nə̀ ghə bɔm kɔʼ fəmuʼu tə ghə ni ngɔɔmə, fə fiilənə faalə kə nyam mbvən kə sə isə key ghə â nyîmmənə wi n kɔb, zə n nam loʼ kə utaw.

Chi dii 18:23

Ghə nə kəm koʼ koʼ way daa kə baŋnə fu tii inaʼ. Ghə nə kəm zow koʼ way dzə̂ tə gheyzən ghən nkee gheynum ghən n zə̂ kən ghə neynə wû zə tii fuŋ nə fu inaʼ. Ghə̂ a bikiwən ghey ghə â loʼnə n naʼ zə â loʼ ghə̂ a səŋi ghə n mbi, wə n sìi ndzəŋ tsu ghə̂ a naʼa tə mbi adzəm n fənnə zey wə â khənə.

Chi dii 19:20

Ghə n fəd kwu fìi naŋa ndow faalə kə nyam mbvən key ghi tûm tə Kəzə̀ tə tsɔŋɔ tən tə â ghəŋŋənə faalə n tsɔŋɔ mə n sə kə wi. (À loʼ faalə n tsɔŋɔ mən tə a diinə, mə â ghəŋənə nə̀ ghə̂ ghən ghə â neynə tsə̀ə faalə kə nyam mbvən kən nsə ghə̂ ghən ghə â ngɔɔmənə muʼu fən fə fiilənə wi nə̀ ghə nyəŋ laʼ n baa wi). Ghə n kwu tsu faalə kə nyam mbvən key ghi tûm tə Kəzə̀ tə tsɔŋɔ tən maʼa nyi tsu utaw n nyî zə uvələ u bəʼlə ghi fə kə loʼ ghə tɔŋŋə nə̀ a loʼ sɔlfɔ.