Jems 3:17 - Kaa n Kəzə̀ n fəghə mə

¹⁷ A kee loʼ nə̀, ghə̂ ghey ghə khənə ndzoʼo tɔb wən Zə̀ kə idəŋ kə fuu bənə, khə fə̀ŋ tə zow tə. Ghə ləghə nə̀ ghə̂ ghə i loʼ nə ibuulə, zə̀ələ ghəŋŋə aghəə, ləghə aghə̂. Ghə khə sî i kwɔɔlə zə, ghəŋŋə soʼo ghəə a dzuŋu ghə. Ghə badla way ghəə ghə, loʼ soʼo tsətsəghə.

Jems 3:17 Mawu Ofanana

Matyo 23:28

A loʼ soʼo ighələ ghaa tɔʼɔ zow dzɔbə kə a bii tə̀ a loʼ ghə̂ a dzuŋu ghə̀, nə̀ a loʼ sey, n fə̀ŋ tə ghaa, ghaa loʼ ghə nəb ityim nsə ghə̂ a bəbə ghə.”

Matyo 5:8

Buulə i loʼ tə̀ ghə̂ ghey fə̀ŋ tə ghə tə zownə, N təŋkey, ghə nə̂ koʼonu Zə̀ kə.

Matyo 5:9

Buulə i loʼ tə̀ ghə̂ ghey ghə buulənə luʼu tə, N təŋkey, Zə̀ kə i tɔŋŋə ghə nə̀ ghə loʼ waa a wi.

Lukas 21:15

Boʼnə n nə fuu ghaa n ghɔɔmə i tii zə nsə tɔb wə n jìi zey ghə̂ a təngəmə a ghaa a nə way ni buʼ khə̂mə ghaa.

Lukas 6:36

I kwɔɔlə na sî zə tə̀ ghə̂ ghə ighələ tə̀ Bày ghaa kwɔɔlənə sî zə tə̀ ghə̂ ghə.

Tùm i dzuŋu zə kuum Yeso Klisto tə Jɔn â tɔɔnə 1:14

Sey Ghɔɔmə zə n doʼo bə wù sɔŋtsuʼ, bə muu bə n fəŋŋə kə saa. Tə n dii bə ndzuŋ nsə isəŋə bòʼ Kəzə̀. Saa n koʼ ghaʼ i wi, ghaʼ zən i dii bənə nə̀ a loʼ wi sɔʼi fə Waa fə, Bày khənə.

Tùm i dzuŋu zə kuum Yeso Klisto tə Jɔn â tɔɔnə 1:47

Nghee tə̀ Yeso koʼ tsunə Natanyə tə bəghənə n səə wi, tə n dza nə̀, “À wən ndzəm loʼ wù Izree, tə badla koʼo tsə way ghəə ghə.”

Kəfwaʼ 11:24

Banabas â loʼ wù dzuŋu, Zay kə Zow kə n loʼ ghi wi naʼ idzəm, tə n ngii khə soʼo bəghəm i fə̀ŋ. Sey, tə n loʼ ni naʼa tûm i dzuŋu zə n jìi zey i ghəŋŋənə nə̀ ndəmə aghə̂ a kweyyə nuu bə n ghəə a bəbə ghə, ghə bəghəm tə Mûkəbii.

Kəfwaʼ 9:36

Dzûmə ə Yeso u loʼ wə n naʼ i Jopa ghə â tɔŋŋə nə̀ a loʼ Tabita, n ghɔɔmə i Grik nə a loʼ Dɔkas, dii tsu nə a loʼ ngaw. Weyzən wən n ghəŋŋə tsə ghəə a dzuŋu ghə tə ghə̂ ghə nəŋə tədzəm, fuu soʼo igaamə tə ghə̂ a laa ghə.

Roma 12:18

Ndəmi tsu na wû zə ni koʼ nə̀ abə jii loʼnə, ghaa i muu nə ibuulə ghi ghə̂ ghə adzəm.

Roma 12:9

Ghaa khə ni ndzəmə dii ndow ləghə zə tə ghə̂ ghə. Ghaa khə ni taw ndow kə ni ghəŋŋə ghəə a dzuŋu ghə, kee baa ghəə a bəbə ghə.

Roma 15:14

Waazə ghə, n ndzəm khənu nə̀ ghaa khənu fə̀ŋ i dzuŋu zə ni ghəŋŋə ghəə ghey Zə̀ kə ləghənə, ghaa u loʼ soʼo nə̀ Zə̀ kə n fuu ghaa n tɔb wə naʼ idzəm. Ghaa n ndzəm kɔʼ kpii ni dii tiilə wû i ghaa zə.

1 Kɔrint 12:8

Zay kə Zow kə ghəŋŋə wù wən tə n ghɔɔmə ghəə ghey a khənə tɔb wə, Zay kə Zow kə mɔʼɔ kə n ghəŋə wù loʼ wey n kee khə utɔb ni khəə aghəə n jìi zey ghə̂ ghə i zowkeelinə.

2 Kɔrint 10:1

À loʼ mə̀ Pɔl n wû wuŋ wə, n maʼa tsunə wû wə ni buʼ kəwɔɔ tə̀ ghaa n zəd i Klisto wən tə buulənə, zə̀ələ loʼ soʼo. À loʼ mə wən ghə̂ a loʼ a dza kaabənə nə̀ abə n loʼnə n sə kə ghaa, mə n tsəŋə, kee tɔɔbə ghɔɔmə abə n nuu ndownə.

2 Kɔrint 6:6

Ghey n dii nə̀ ghey loʼ ghə̂ a kəfwaʼ a Kəzə̀ n muu i ghey i zow zə, n tɔb u ghey, n jìi zey ghey kownə fə̀ŋ tii, n mwam u ghey u dzuŋu wə. Zay kə Zow kə a loʼ n kow ghey, ghey u ləghənə ghə̂ ghə n fə̀ŋ tə ghey tə tədzəm.

2 Kɔrint 7:11

Koʼo na ghəə ghey mow zən i kpiilə n sə̂ K-a-zə̀ ney bənə tə ghaa. I ghəŋŋə nə̀ ghaa təmi kɔʼ n fuu zə, nyûmə n wû zə ni dii nə̀ wɔɔ a ghaa a zownu, bəghəm naŋŋə way ghəə zey i kpii way. Ghaa loʼ tən nə ighə̂mə, mbuŋŋə ni koʼ mə, kuu isəŋ ni ghəŋŋə ghəə a dzuŋu ghə, khə fə̀ŋ ni chɔd wù wey tə ghəŋə bəəbənə. N ghəə ghən adzəm ghaa n dii nə̀ ghaa khə way wɔɔ kə n ghə i tii zə.

2 Kɔrint 9:10

Sey, Zə̀ kən kə fuunə ndzoʼ tə tə̀ wù usum, nsə fəzəə wə tə̀ ghə̂ ghə, tə î fuu soʼonu ndzoʼ tə tə̀ ghaa naʼ idzəm, tə ghəŋə soʼo nə̀ ghaa ndəŋ keeli ufə nghee ghaa ngii buunə n wɔɔ kə.

Efesus 5:9

kuum nə̀, abə wù muunə nə ustə̀, tə n ghəŋŋə ndzuŋ, loʼ tsətsəghə, fwaʼa nə isəŋə.

Filipi 1:11

Ghaa i khə muu i dzuŋu zey wù keelinə n bam i Yeso Klisto. Seynə nkɔʼlə nsə kali wə i loʼ tə̀ Zə̀ kə.

Filipi 4:8

Ni guŋ kɔʼ ghɔɔmə zən a waazə ghə, ghaa khə ni naŋa tsu moʼlə tə ghaa n ghəə ghey a loʼnə isəŋə, ghəə ghey a khənə ngɔɔmə zə, ghəə ghey a loʼnə tsətsəghə, ghəə ghey a zownə, ghəə ghey a dzɔbənə, ghəə ghey a khənə kɔʼləmə, ghəə ghey ghə̂ ghə î ləghənə ni zow nsə ghəə ghey ghə î duʼlənə ni koʼ.

Kolose 1:10

Abə i loʼnə sey, saa i loʼ ni muu ndzoʼo muu zey Mûkəbii ləghənə, ghəŋŋə ndow ghəə ghey a dzɔbənə n sə kə wi nəŋə tədzəm. Ghaa i nyîmmə n ghəə a dzuŋu ghən ghaa ghəŋŋə, nyîmmə soʼo n jìi zey ghaa zowkeelinə Zə̀ kə a tii.

1 Tesalonika 2:7

Ghey â tsəm khənu daʼa kə tə̀ a loʼ ngəd tə Klisto ni bəb ghaa n fə̂ wə, ghey n fəd say kɔʼ ni laalə tə̀ ghaa tə̀ này waa nə buulə laalənə tə̀ waa wi.

1 Timoti 5:21

Nghee tə Zə̀ kə, Yeso Klisto nsə tsətəndəghə tə Kəzə̀ tən Zə̀ kə sày kɔʼnə loʼnə tə̀ a loʼ ghə təmi tiillə, n dza bə tə wɔ nə̀ wə dzûmə kɔʼ bə laŋ wən n fuu bənə tə wɔ nə̀ wə sày way wù, laalə soʼo way tûm usə u wù wə abə wə ghəŋŋənə ghəə zə.

2 Timoti 2:24

Wù wey tə loʼnə wù kəfwaʼ a Mûkəbii, khə way ni kəŋə ghɔɔmə zə, tə fəd khə ni khə fə̀ŋ i dzuŋu zə n kow ghə̂ ghə adzəm. Tə khə soʼo ni loʼ wù wey tə khə ni dii dzɔb aghə̂, khə soʼo ni kow fə̀ŋ abə tə diinə ghə̂ ghə.

Taytus 1:15

Fə udzəm u zownu tə̀ ghə̂ ghən ghə zownə. A kee bə ghə̂ ghey ghə fwɔdlɔnə luʼu tə, bəghəm soʼo way tə̀ Zə̀ kə, aghəə adzəm tə̀ ghə loʼ ghəə a dzəə ghə n təŋkey, moʼlə tə ghə nsə fə̀ŋ tə ghə tə fwɔd doʼo soʼonu.

Taytus 3:2

Dza tə̀ ghə nə̀ kə ghə i ghɔɔmə ghə i bəbə zə bòʼ wù loʼ. Kə ghə nə kəŋənə chɔd wə, ghə i maʼlə tsu wû wə n ghəə a ghə a ghəŋŋə ghə, dii ndow soʼo mwam u dzuŋu wə tə̀ ghə̂ ghə adzəm.

Hibru 12:11

Abə ghə fɔɔlənə saa, n nəŋə i tii zə, à n loʼ tə̀ ghə bàa saa, ləghə nə̀ saa i zow fɔɔbə zə. Ni tsuŋŋə kəŋə ndow, ghə̂ ghən ghə fɔɔlənə ghə n bə zoʼlə keeli kɔʼ nghee ghə khə ni muu tii nə ibuulə nsə ni muu muu zey i loʼnə tsətsəghə.

Hibru 12:14

Ndəmi n na wû zə nə̀ ghaa i muu nə ibuulə ghi ghə̂ ghə adzəm, ghaa i muu soʼo muu i zow zə, n təŋkey, wù way ni koʼ Mûkəbii abə tə muu way muu i zow zə.

Jems 1:17

Keeli tsu na nə a loʼ Zə̀ kə idəŋ kə, kə fuunə ghəə a dzuŋu ghə nsə fə u dzuŋu wən a keelinə fa n mbi udzəm. À loʼ wi tə khənə daa wən u loʼ idəŋ udzəm. Tə kweyyə koʼo tsə way n doʼo i wi tə a loʼ daa u wi wən u kweyyənə n jìi zey u baŋanə tii.

Jems 1:5

Abə wù ghaa u loʼ u khə way tɔb wə n ghəə zey Zə̀ kə ləghənə nə̀ tə ghəŋə, tə khə ni nɔɔ ndow tə Zə̀ kə, tə i fuu wi n fə key tə bəbənə, n təŋkey, Zə̀ kə buu n wɔɔ kə, tə fuu tə̀ ghə̂ ghə adzəm nə̀ tə kpaa way wù.

Jems 2:13

N sey dza n təŋkey Zə̀ kə i kwɔɔlə way sii zə n kow wù wey tə saʼanə nə tə kwɔɔlə way sii zə. Isəŋə loʼ nə̀ sî i kwɔɔlə i Kəzə̀ i bə kəsə abə tə saʼanə.

Jems 2:4

I sey dii nə̀ ghaa badla ukpey n wû i ghaa, ghaa a saʼa soʼonə ghəə ghə n moʼlə tə bəbə tə.

Jems 3:15

Ndzoʼo tɔb wən, à ka fuu bə dzə Zə̀ kə idəŋ kə, à loʼ tɔb u ghə̂ a mbi. À ka fuu bə dzə Zày kə Zow kə tɔb u tii wə, à loʼ tɔb wə avəətsəə.

Jems 4:8

Səŋ kəŋə bə na n səə Kəzə̀, Zə̀ kə i səŋ kəŋə bə soʼo n səə ghaa. Shiələ nuu na wɔɔ a ghaa ghə n ghəə a bəbə ghə, ghaa ghən ghaa ghəŋŋənə ghəə a bəbə ghə. Ghaa sow maʼa soʼo fə̀ŋ tə ghaa ghə nəb ityim.

1 Pita 1:22

Nya wən ghaa sow maʼa dzənə wû i ghaa zə nghee ghaa naŋŋənə isəŋə, sey nə̀, ghaa i ndzəmə ləghə wû i ghaa zə tə a loʼ a awaazə, i ndzəmə ləghə na wû i ghaa zə n fə̀ŋ tə ghaa tə tədzəm.

1 Pita 2:1

Nghee i loʼ nə̀ Zə̀ kə n fuu ghaa n muu i fəghə zə, i sey dii nə̀ ghaa khə ni kweyyə nuu bə n fə̀ŋ tə ghaa tə n ghəə a bəbə ghə adzəm, ghaa maʼa ghəə a nəbə ghə ityim ghə, ghaa maʼa ghəə a badla ghə, ghaa maʼa kəghoʼ, kə ghaa nə tsayyə soʼonə wù.

1 Pita 2:18

Ghə̂ ghən ghə fwaʼanə n tənə ghə mûkəbii ghə, khə ni zow tə ghə mûkəbii a ghə ghə, fuu ndow soʼo ghə n ngɔɔmə zə n fə̀ŋ tə ghaa tə tədzəm. Ghaa khə dzə way ni fuu kə ngɔɔmə zə tə̀ ghə mûkəbii ghey ghə diinə ghaa n fə̀ŋ i dzuŋu zə, zowkeeli soʼo aghəə, ghaa khə ni fuu ndow soʼo ngɔɔmə zə tə̀ ghə mûkəbii ghey ghə tɔɔbə ghɔɔmənə tə̀ ghaa.

1 Jɔn 3:18

Waa ghuŋ ghə, kə saa nə diinə ləghə zə nə idzuu kələ. Saa khə ni fədlə dii ndow ndzəm ndzəm kə iləghə kə n ghəə ghey saa ghəŋŋənə.

1 Jɔn 3:3

Wù wən tə khə ndzoʼo moʼlə zən n kow Klisto, sey sow zowwə naŋa wû u wi nə̀ tə i zow ighələ tə Klisto zownə.