Jems 3:15 - Kaa n Kəzə̀ n fəghə mə

¹⁵ Ndzoʼo tɔb wən, à ka fuu bə dzə Zə̀ kə idəŋ kə, à loʼ tɔb u ghə̂ a mbi. À ka fuu bə dzə Zày kə Zow kə tɔb u tii wə, à loʼ tɔb wə avəətsəə.

Jems 3:15 Mawu Ofanana

Lukas 16:8

Mûkəbii n fəd kaali ndòw wù kəfwaʼ wey n tɔb u tsɔŋɔ wey tə â khənə. À kùm lo isəŋə nə ghə̂ a mbi khə tɔb u tsii wə aghə̂ wə, tsəghəshi ghə̂ a Kəzə̀.

Tùm i dzuŋu zə kuum Yeso Klisto tə Jɔn â tɔɔnə 3:17

Zə̀ kə â ka tûm bə dzə Waa wi fa mbi nə̀ tə bə saʼ mbi, tə â fəd tûm bə wi nə̀ tə bə bəghəshi ghə̂ a mbi.

Tùm i dzuŋu zə kuum Yeso Klisto tə Jɔn â tɔɔnə 8:44

Ghaa loʼ kə tə̀ a loʼ bày ghaa, tɔŋŋə Satan, moʼlə tə ghaa tə loʼ kə ni ghəŋŋə ghəə ghey bày ghaa ləghənə. Ni ney nuu bə tə̀ mbi a nə kaʼnə, tə weyyə aghə̂, tə ka kam təmi koʼ tsə nə isəŋə, n təŋkey, tə khə dzə way isəŋə i loʼ zə n kow wi. Abə tə badlanə ghəə ghə, tə sey ghɔɔmə shiə bə kə ghəə ghey a loʼnə n fə̀ŋ ə wi, n təŋkey, tə loʼ wù badla wə aghəə wə, a loʼ də̀ŋ kə ghəə a badla ghə.

Kəfwaʼ 13:10

“Waa avəətsəə wən! Wə loʼ wù təngəmmə tə ghəə ghən a loʼnə tsətsəghə adzəm. Wə khə jii tə tsɔŋɔ tə tədzəm ni ghəŋŋə ghəə a bəbə ghə. Wə dəmə tənə tsə kə ni bwɔd fəd bə isəŋə zən i loʼnə bòʼ Mûkəbii n ghəə a badla ghə.

Roma 1:22

Ghə fəd doʼo kɔʼ ghə̂ a laʼlə, kee khə kə nə̀ ghə tɔbənu.

1 Kɔrint 1:27

Zə̀ kə n kee ndzəm sày kɔʼ ghəə ghey wù sɔŋtsuʼ ney nə̀ a loʼ ghəə a laʼlə ghə ni dədlə tow kə ghə̂ ghey ghə moʼlə nə̀ ghə tɔbənu, sày kɔʼ soʼo ghəə ghey wù sɔŋtsuʼ neynə nə̀ à loʼ ghəə a lay ghə ni dədlə tow kə ghə̂ ghey ghə moʼlənə nə̀ ghə khə kədaʼa.

1 Kɔrint 2:14

Wù wey tə khə way Zay kə Zow kə n kow wi, tə way dzə ni keeli naamə wey Zay K-a-zə̀ kə fuunə. Ndzoʼo ghə̂ a tii a koʼo ghəə tii ghə tə a loʼ ilaʼlə. Ghə way ni zowkeeli ghəə a tii ghə n təŋkey à loʼ kə Zay kə Zow kə, kə loʼ ni ghəŋə nə̀ ghə zowkeeli ghəə a tii ghə.

1 Kɔrint 3:19

I loʼ nə̀, fə̂ key mbi tɔŋŋənə nə̀ a loʼ utɔb, a loʼ ilaʼlə n sə K-a-zə̀. I loʼ tə i tɔ̀ɔ doʼonə n màʼlə K-a-zə̀ nə̀, “Zə̀ kə biilə kwɔɔ kɔʼɔ kə ghə̂ a tɔbə ghə n tɔb wey ghə dza ghə khənu.”

1 Kɔrint 3:3

I loʼ sey n, n təŋkey, ghaa nam muu ndzoʼo muu zən ghə̂ a mbi a muunə. Abə ghaa nam khənə ghoʼ kə n fəŋŋə kə ghaa, zuulə soʼo n wû i ghaa, i dii bənu nə̀ ghaa loʼ ghə̂ a mbi, ghaa a ghəŋŋə soʼo ghəə ghə tə a maŋ loʼ wù sɔŋtsuʼ wən tə khə way Zə̀ kə.

2 Kɔrint 1:12

Fə̀ŋ tə ghey tə zownu, ghey u loʼnə ni kɔʼlə iwû nə̀ muu i ghey fa mbi â loʼ tsətsəghə loʼ soʼo nə̀ isəŋə. A wey bɔɔmə loʼ nghee ghey muunə ghi ghaa. Ghey ghəŋŋə dzə way ghəə ghə n tɔb u mbi, ghey ghəŋŋə aghəə adzəm n ndzuŋ zey Zə̀ kə diinə tə ghey.

2 Kɔrint 11:3

N kee tsəŋə nə̀ nghee tə̀ zuu â nəb fuu tsunə If n tɔb u wi u tsɔŋɔ wə, ghə loʼ ni bə fwɔd maʼa kɔʼ soʼo tɔb u ghaa, ghaa i way ni kəm dzûmə Klisto n fə̀ŋ tə ghaa tə tədzəm.

Filipi 3:19

Muu i ghə zə î may nə̀ uchɔd, n təŋkey, zə̀ kə ghə kə loʼ fə key nə̀ghə̀ n ghə n ləghənə, ghə kɔʼlə iwû n ghəə ghey ghə mə khənə ni dədlə n tow kə tii, fə̀ŋ tə ghə tə loʼ kə n fə̂ u mbi.

2 Tesalonika 2:9

Wù wən tə sii ndzəŋŋənə ghə̂ ghə î bəghə n daʼa kə Satan. Tə i dii nfaalə, tə ghəŋə ghəə a zum ghə idzuu ghə ni nəb fu aghə̂.

1 Timoti 4:1

Zay kə Zow kə n ghəŋə nə̀ təjìi tədzəm nə̀ saa keeli nə̀ abə mbi nə may bənə, ndəmə aghə̂ a nə tuu ni bəghəm ghəə ghən dzûmə tə Klisto tə diinə, ghə nə fədlə dzûmə ndow ghəə a badla ghey vəətsəə a diinə.

Jems 1:17

Keeli tsu na nə a loʼ Zə̀ kə idəŋ kə, kə fuunə ghəə a dzuŋu ghə nsə fə u dzuŋu wən a keelinə fa n mbi udzəm. À loʼ wi tə khənə daa wən u loʼ idəŋ udzəm. Tə kweyyə koʼo tsə way n doʼo i wi tə a loʼ daa u wi wən u kweyyənə n jìi zey u baŋanə tii.

Jems 1:5

Abə wù ghaa u loʼ u khə way tɔb wə n ghəə zey Zə̀ kə ləghənə nə̀ tə ghəŋə, tə khə ni nɔɔ ndow tə Zə̀ kə, tə i fuu wi n fə key tə bəbənə, n təŋkey, Zə̀ kə buu n wɔɔ kə, tə fuu tə̀ ghə̂ ghə adzəm nə̀ tə kpaa way wù.

Jems 3:17

A kee loʼ nə̀, ghə̂ ghey ghə khənə ndzoʼo tɔb wən Zə̀ kə idəŋ kə fuu bənə, khə fə̀ŋ tə zow tə. Ghə ləghə nə̀ ghə̂ ghə i loʼ nə ibuulə, zə̀ələ ghəŋŋə aghəə, ləghə aghə̂. Ghə khə sî i kwɔɔlə zə, ghəŋŋə soʼo ghəə a dzuŋu ghə. Ghə badla way ghəə ghə, loʼ soʼo tsətsəghə.

Màʼlə kə Jud tə̀ ghə̂ a Kəzə̀ ghə 1:19

À wən loʼ ghə̂ ghey ghə ghəŋŋənə nə̀ ghə̂ ghə i dzawwə doʼlə kaabə tsə. Ndzoʼo ghə̂ ghən naŋa tən kə fə̀ŋ tə ghə n fə u mbi, Zay K-a-zə̀ kə a way soʼo n kow ghə.

Chi dii 12:9

Ghə n tən maʼa shi tsu ndow faŋkwu kə ngəm key. À wən loʼ zuu i wey wey zən zə â loʼnə nə nzeyyə, ghə tɔŋŋə nə̀ à loʼ Avəətsəə nkee Satan. À loʼ wi tə â sii ndzəŋnə mbi idzəm. Ghə n tən maʼa shi tsu bə wi fa a ghəlitsə, tən maʼa tsu bə soʼo tsətəndəghə tə wi ghi wi.

Chi dii 2:24

Sey, n dzaa bə tə ghaa a loʼ ghey n Tyatira, tɔŋŋə ghaa ghən ghaa ka koʼ ney ghəə a bəbə a wi ghən tə diinə nsə ghəə ghə tɔŋŋə nə̀ à loʼ ghəə a Satan a nyiə doʼo ghə nə̀ kəm kuu kpiʼi dzə way fəm kə loʼ kə n kow ghaa.

Chi dii 9:11

Ghə n khə də̀ŋ kə ghə nə a loʼ tsəndəghə zey i laalə fɔŋŋə k-a-bùʼ key kə kuʼu way. Zəd i wi n ghɔɔmə Hibru n loʼ nə̀ a loʼ Abadɔn. N ghɔɔmə i Grik, zə n loʼ nə̀ a loʼ Apoliɔn i diinə nə̀ a loʼ wù wey tə ləŋi maʼanə ghə̂ ghə.