Jems 3:13 - Kaa n Kəzə̀ n fəghə mə

¹³ Abə wù loʼnə n fəŋŋə kə ghaa tə moʼlənə nə̀ i tɔbənu, zowkeeli soʼo aghəə, tə dii tsu ghəə a tii ghə n jìi zey tə muunə tii. Ghəə a dzuŋu ghey tə ghəŋŋənə nsə buulə kə umwam kə wi kə dii bənu nə̀ tə khənu tɔb wə.

Jems 3:13 Mawu Ofanana

Matyo 11:29

Ney kɔʼ na fwaʼ kuŋ kə n wû i ghaa zə, ghaa zoʼlə tsu aghəə n wɔ mə̀, n təŋkey, n loʼ zəələ kə wù, khə soʼo fə̀ŋ i dzuŋu zə, ghaa i keeli izayyə.

Matyo 21:5

Dza ndòw tə̀ naʼ i Zayɔn zə nə̀, Koʼo ndòw, Də̀ŋ kə ghaa kə key kə bəghənə n səə ghaa, Nə ingɔɔmə, tə nyaʼnə nə fənjakas, Nsə waa fə fənjakas fə.

Matyo 5:5

Buulə i loʼ tə̀ ghə̂ ghey ghə tsuulə tsunə wû i ghə zə, N təŋkey, ghə î keeli fə u mbi wən udzəm Zə̀ kə naŋanə tə ghə.

Matyo 7:24

Yeso n dza tə̀ ghə nə̀, “Wù wey tə zownə ghɔɔmə zuŋ zən, ghəŋŋə ndòw ghəə ghey n dzanə, loʼ tə̀ à loʼ wù tɔbə wey tə â dza i bəghə ndaw, tə n səd tsu dzə tsə̂ kə tii kə nə atay.

1 Kɔrint 6:5

À wən ngii loʼ tow kə dədlə kə tə̀ ghaa! Abə à loʼnə nə̀ wù umɔʼ way n fəŋŋə kə ghaa dzûmə Klisto, tə khənə tɔb wə ni saʼ chɔd wey ghaa khənə n wû i ghaa.

2 Kɔrint 10:1

À loʼ mə̀ Pɔl n wû wuŋ wə, n maʼa tsunə wû wə ni buʼ kəwɔɔ tə̀ ghaa n zəd i Klisto wən tə buulənə, zə̀ələ loʼ soʼo. À loʼ mə wən ghə̂ a loʼ a dza kaabənə nə̀ abə n loʼnə n sə kə ghaa, mə n tsəŋə, kee tɔɔbə ghɔɔmə abə n nuu ndownə.

2 Kɔrint 8:24

Sey dii ndòw na tə̀ ghə nə̀ ghaa ndzəm ləghənu ghə̂ ghə, sey nə̀, dzəŋi u dzûmə tə Klisto u keeli tsu nə̀ ghey tsɔbə dzə way fə̀ŋ bòʼ ghaa tə̀ ghə nə kənunu.

Galeshia 5:23

ni bɔɔmə ghəŋŋə ghəə ghə nsə zuŋ kə umwam kə. Laŋ kə loʼ kə way dzə kə tuunə nə wə ka ghəŋə ghəə ghən.

Galeshia 6:1

Waazə ghuŋ ghə, abə wù ghaa u loʼ u ghəŋə bəəbə tsunə ghə zə, ghaa ghən ghaa muu nə n daʼa Zay kə Zow kə, ghaa khə ni nyoʼlə bɔɔ teyyə dzəŋŋə bə wù tii n jii ibam, kee ghə̂mə kə nə kə fə kə loʼ kə nə chimmənə ghaa nə ghaa nyi ndow soʼo ni ghəŋə ghəə a bəbə ghə.

Galeshia 6:4

Kay wù khə ni tɔʼ laalə kɔʼ bə muu i wi ni koʼ nə̀ i dzɔbə kənu ə. Abə i dzɔbə nə̀, wə loʼnu ni tsɔb fə̀ŋ zə n nəŋə i tii zə n ghəə ghey wə ghəŋənə. Wə khə dzə way ni ney ghəə ghey wə ghəŋənə, wə baalə ndow ghi ghəə zey wù loʼ ghəŋənə.

Efesus 4:2

Ghaa i muu tən kə nə ingɔɔmə, maʼlə tsu uwû, kwɔ keeli fə̀ŋ tə ghaa, tɔɔmə kɔʼɔ ndow wû i ghaa nə iləghə.

Filipi 1:27

Abə i loʼ kə ngee, ghaa khə ni muu muu i ghaa zə tə̀ tûm i dzuŋu zə kùm Klisto diinə. I loʼ sey nə̀ abə n bənə n sə̀ə ghaa nkee n ka bə koʼ ghaa, nə̀ n zow kə ghaa nə kətuŋŋə, mə i khə nə̀ ghaa dzəŋi tey n fə̀ŋ imɔʼ, dzəŋi təmə tsam ə tûm i dzuŋu zə nə kəfə kəmɔʼ, ni ghəŋə nə̀ ghə̂ a keeli bəghəm i fə̀ŋ tə tûm i dzuŋu i diinə.

Kolose 3:12

Zə̀ kə n sày ghaa nə ghaa doʼo ghə̂ a wi a zow ghən tə ngii ləghənə, sey, ghaa khə teeli khə sî i kwɔɔlə zə, fə̀ŋ i dzuŋu zə, zuŋ kə umwam, ni buulə nsə ni kow fə̀ŋ.

1 Timoti 4:12

I kə wə nə bəghəmnə nə̀ wù loʼ koʼ kìi wɔ a dza wə loʼ winətəghə. Wə khə ni fəd loʼ wù wey wə moʼo diinə ghəə ghə tə ghə̂ ghən ghə bəghəm tə Zə̀ kə, n ghɔɔmə zə, n mwam wə, n jìi zey wə ləghənə ghə̂ ghə tii, n bəghəm i fə̀ŋ zey wə khənə, nsə n jìi zey muu zə i zownə tii.

1 Timoti 6:11

A kee bə wɔ a Timoti, wə loʼ wù wən wə bəghəm fuunə tə Zə̀ kə, kə wə nə bəghəm naŋŋə ndzoʼo ghəə a bəbə ghən. I fədlə dzûmə ndow muu zən i loʼnə tsətsəghə, fwaʼa ndow fwaʼ key Zə̀ kə ləghənə, fə̀ŋ zə i loʼ tən kə n kow Zə̀ kə, wə i ləghə ghə̂ ghə adzəm, kow fə̀ŋ nə aghəə adzəm, wə keeli tsu soʼo zuŋ kə umwam.

2 Timoti 2:25

Tə khə ni dii ndow ghə̂ ghey ghə zuulə baalənə wi nyaŋi fənyaŋi, n nəŋə i loʼ zə Zə̀ kə loʼnu ni ghəŋə nə̀ ghə kweyyə nuu bə fə̀ŋ tə ghə n ghəə a bəbə ghə, ghə zowkeeli soʼo isəŋə.

Taytus 3:2

Dza tə̀ ghə nə̀ kə ghə i ghɔɔmə ghə i bəbə zə bòʼ wù loʼ. Kə ghə nə kəŋənə chɔd wə, ghə i maʼlə tsu wû wə n ghəə a ghə a ghəŋŋə ghə, dii ndow soʼo mwam u dzuŋu wə tə̀ ghə̂ ghə adzəm.

Hibru 13:5

Kə ghaa nə ləghənə ghəə ghə ukhəə ghə n muu i ghaa, ghaa i duʼlə n fə key ghaa khənə, n təŋkey Zə̀ kə dza nə̀, “Mə i bwuulə maʼa koʼ way ghaa, Mə i tûmmə naŋa koʼ soʼo way ghaa.”

Jems 1:21

Sey, ghaa khə ni maʼa mwam u dzəə wə nsə ghəə a bəbə ghən a loʼnə n fəŋŋə kə ghaa. Ghaa bɔɔmə ney naŋa ghɔɔmə i Kəzə̀ zey tə kuu naŋanə n fə̀ŋ tə ghaa, a loʼ i ghii zə i bəghəshiənə ghaa.

Jems 2:18

Wù loʼ loʼnu ni dza bə nə̀, “Ghə̂ a loʼ a khə bəghəm i fə̀ŋ, a loʼ ghə u kee khə kənə fə̀ŋ ni ghəŋŋə ghəə a dzuŋu ghə.” N dza bə tə̀ wù tii nə̀, wə way dzə ni dii bə mə n wù loʼ tə khənə bəghəm i fə̀ŋ zə nə̀ tə ghəŋŋə way ghəə a dzuŋu ghə, n kee loʼnu ni dii bə bəghəm i fə̀ŋ zuŋ n ghəə a dzuŋu ghey n ghəŋŋənə.

Jems 3:1

Waazə ghə, kə ndəm ə ghaa nə mbuŋŋənə ni doʼo ghə̂ a dii ghə, n dzəŋi kə dzûmə tə Klisto, n təŋkey, ghaa khənu nə Zə̀ kə i saʼa ghey ghən ghey diinə tsəghəshi ghə̂ a loʼ ghən.

Jems 3:17

A kee loʼ nə̀, ghə̂ ghey ghə khənə ndzoʼo tɔb wən Zə̀ kə idəŋ kə fuu bənə, khə fə̀ŋ tə zow tə. Ghə ləghə nə̀ ghə̂ ghə i loʼ nə ibuulə, zə̀ələ ghəŋŋə aghəə, ləghə aghə̂. Ghə khə sî i kwɔɔlə zə, ghəŋŋə soʼo ghəə a dzuŋu ghə. Ghə badla way ghəə ghə, loʼ soʼo tsətsəghə.

1 Pita 1:15

Nghee i kee loʼ nə̀ wù wey tə tɔŋɔnə ghaa zownu, ghaa khə ni zow soʼo tə a loʼ wi n ghəə a ghaa a ghəŋŋə ghə adzəm

1 Pita 2:12

Ghaa ndow kə n sə kə ni ghəŋŋə ghəə a dzuŋu ghə n fəŋŋə kə ghə̂ ghey ghə kam khə way Zə̀ kə, sey nə̀, abə ghə tsəm dza i kwu kə ghaa nə̀ ghaa ghəŋŋə ghəə a bəbə ghə, ghə i loʼ ni dza nə̀ ghaa ghəŋŋə ghəə ghey a dzɔbənə. Sey ghə i loʼ ni fuu nkɔʼlə tə Zə̀ kə n tsuʼ fey tə i kəm bəghənə tii ni bə saʼ aghə̂.

1 Pita 2:9

A kee bə ghaa, ghaa loʼ ghə̂ ghən ghə sày kɔʼnə, ghaa loʼ ghə fɔɔngili tə̀ də̀ŋ kə, kə loʼnə Zə̀ kə, ghaa loʼ naʼ i zow zə, ghaa loʼ ghə̂ a Kəzə̀, ghaa loʼ ghə̂ ghən tə sày kɔʼ nə̀ ghə naʼa ghəə a wi a dzuŋu ghən tə ghəŋŋənə. Tə tɔŋɔ nuu shi bə ghaa nə kələm, naŋa bə ghaa n dzɔbə dzɔbə kə tsə kə wi.

1 Pita 3:4

Ghaa khə ni fəd ghəŋə nə̀ fə̀ŋ tə ghaa tə i dzɔbə n mwam u dzuŋu wey ghaa khənə nə u kweyyə way. Ghaa khə ni khə zuŋ kə umwam kə nsə fə̀ŋ i dzuŋu zə n təŋkey, à loʼ ghəə ghey a ngii dzɔbənə tə̀ Zə̀ kə.