Jems 3:1 - Kaa n Kəzə̀ n fəghə mə

¹ Waazə ghə, kə ndəm ə ghaa nə mbuŋŋənə ni doʼo ghə̂ a dii ghə, n dzəŋi kə dzûmə tə Klisto, n təŋkey, ghaa khənu nə Zə̀ kə i saʼa ghey ghən ghey diinə tsəghəshi ghə̂ a loʼ ghən.

Jems 3:1 Mawu Ofanana

Matyo 10:24

“Waa kəmàʼlə u loʼ u way dzə tə tsəghəshinə wù dii ə wi. Wù kəfwaʼ u loʼ u way tə tsəghəshinə mûkəbii ə wi.

Matyo 23:13

Yeso n dza tə ghə nə̀, “Ngoʼ î loʼ tə̀ ghaa, ghə̂ a dii a kəlaŋ ghə nsə ghə̂ a tə Falasi ghə, n təŋkey, ghaa loʼ ghə nəb ityim. Ghaa fii naŋŋə fuʼ u ndaw u fɔɔ wə idəŋ wə nə̀ kə̂ ghə̂ a nə̂ nyiənə tii, wû u ghaa, ghaa u nyiə soʼo way tii, ghaa u ləghə way nə̀ ghə̂ a loʼ a nyi.

Matyo 23:14

[Ngoʼ î loʼ tə̀ ghaa, ghə̂ a dii a kəlaŋ ghə nsə ghə̂ a tə Falasi ghə, n təŋkey, ghaa loʼ ghə nəb ityim. Ghaa tsii ghey a kpusə, nəəbə zə̂ə fə̂ u ghə. Gɔŋŋə daabə tə̀ ghə̂ a koʼ tsu nə̀ ghaa khənu ni gɔŋŋə. Ngoʼo ghaa î tsəghəshiə i ghə̂ a loʼ ghey.]

Matyo 9:11

Ambə ghə̂ a tə Falasi à koʼnə ghəə ghən, ghə n bəb tə̀ ngəd tə Yeso tə nə̀, “Mûkəbii ə ghaa zə̂ə dzəŋi ghî ghə̂ a kwɔɔ a màʼlə kə tsow kə, nsə ghə̂ ghey ghə dzum nuunə ghə nə̀ à loʼ kee?”

Lukas 16:2

Tə n tɔŋɔ naŋa bə wi, bəb ndòw tə̀ wi nə̀, ‘À wən loʼ ghəə a ghaa ghə n zownə bòʼ wɔ? Fu bə taŋ n fə wùŋ udzəm, n təŋkey wə kəm way ni laalə fə wùŋ.’

Lukas 6:37

Kə ghaa nə saʼabəəbənə ghə̂ ghə, n təŋkey Zə̀ kə i saʼa bəəbə soʼo ghaa. Kə ghaa nə tsəʼlənə saʼ n kow ghə̂ a loʼ ghə təŋkey Zə̀ kə i tsəʼlə saʼ soʼo n kow ghaa. Ghaa khə ni neyzəə ghəə a bəbə ghey ghə ghəŋənə tə ghaa, Zə̀ kə i neyzəə soʼo ghəə a ghaa a bəbə ghə.

Tùm i dzuŋu zə kuum Yeso Klisto tə Jɔn â tɔɔnə 3:10

Yeso n beeli dza ndòw tə̀ wi nə̀, “Wə ndzəm loʼ wù dii u səŋi wə n naʼ zə Izree, a loʼ kee wə sə khə way ghəə ghən ə?

Kəfwaʼ 13:1

N fəŋŋə kə dzûmə tə Klisto tey tə â loʼnə n Antyɔk, ghə̂ a tətûm a Kəzə̀ nsə ghə̂ a dii ghə n loʼ tii. Ghə â loʼ Banabas, Shimiɔŋ ghə a tɔŋŋə nə̀ a loʼ wù ləŋə, Lusiɔs wù Sirin, Manen tə â nyim shi kɔʼ bənə n wɔɔ kə Herɔd tə a loʼnə gɔvənɔ nsə Sɔl.

1 Kɔrint 12:28

Zə̀ kə sày naŋa aghə̂ n dzəŋi kə dzûmə tə Klisto nə ulii. A sə̂ kə bə ngəd tə Yeso, ghə̂ ghey ghə naʼlənə tûm Kəzə̀ ghə u dzûmə ndow nə̀, ghə̂ ghey ghə diinə ghəə a Kəzə̀ ghə, ghə u dzûmə bənə ghə. A ghə dzûmə ndow ghə̂ ghən ghə ghəŋŋənə faalə mə, a ghən Zə̀ kə fuunə ghə n daʼa kə ni baŋŋə ghə̂ ghə u dzûmə ndow, ghə̂ ghən ghə gaamə nduŋŋə ndownə ghə̂ ghə u dzûmə ndow, a ghən ghə loʼnə ni kwu keeli aghə̂ u dzûmə ndow, tə̀ ghə̂ ghey ghə ghɔɔmənə lii tə təghɔɔmə tə i sə dzûmə ndow.

2 Kɔrint 5:10

Saa adzəm khə ni teeli təmi n sə̂ kə Klisto, tə saʼ saa. Tə i fuu kə naamə kə kay wù n fwaʼ kən tə fwaʼnə fa mbi tə̀ a loʼ a wù sɔŋtsuʼ, nə̀ a loʼ kə fwaʼ kə dzuŋu kə nkee kə bəbə kə.

Efesus 4:11

À loʼ wi tə â fuunə naamə wən n dzəŋi kə dzûmə tə Klisto. Naamə u tii u loʼ nə̀, tə ghəŋə nə̀ ghə̂ a loʼ a doʼo ngəd tə wi, naŋa a loʼ ghə tə̀ a loʼ tûm tə Kəzə̀, naŋa a loʼ ghə tə̀ a loʼ ghə̂ ghən ghə bwey naʼlənə tûm i dzuŋu zə, naŋa a loʼ tə̀ a loʼ ghə fɔɔngili, naŋa soʼo a loʼ ghə nə̀ a loʼ ghə̂ dii ghə.

1 Timoti 1:7

Ghə dəmə ni doʼo ghə̂ ghən ghə diinə laŋ kə Mushi kə, loʼ sey nə̀ ghəə ghey ghə dzanə, ghə buʼu zowkeeli soʼo way, nkee ghəə ghey ghə tsɔbənə fə̀ŋ tii.

1 Timoti 2:7

À wən loʼ zuŋ key Zə̀ kə â sàynə mə tə a loʼ ngəd tə Yeso Klisto, tûm ndow soʼo mə tə̀ a loʼ wù dii nə̀ n ndow naʼa tûm i dzuŋu zə tə ghə̂ ghən ghə way ghə̂ a Təjuu ghə bòʼ bəghəm i fə̀ŋ nsə isəŋə kuum Yeso. Ghəə ghən n dzanə, loʼ isəŋə, n badla dzə way ghəə ghə.

2 Timoti 1:11

Zə̀ kə n sày kɔʼ mə nə̀ n doʼo ngəd ə Klisto, wù dii wə, nsə wù wən tə naʼlənə tûm i dzuŋu zə.

Hibru 13:17

Ghaa i zow tə̀ ghə̂ ghey ghə diinə ghaa n jìi, ghəŋŋə ndow ghəə ghey ghə dzanə. À loʼ ghə, ghə laalənə tow u ghaa wə, à i tiilə dza soʼo ghə tə̀ Zə̀ kə ghəə ghey adzəm ghə â fwaʼnə tə̀ ghaa. Abə ghaa zownə tə̀ ghə, ghə i fwaʼa fwaʼ kə ghə kə tə̀ ghaa nə iduʼlə. Abə ghaa zow way tə̀ ghə, ghə i fwaʼa fwaʼ kə ghə kə nə imow. Abə ghə fwaʼanə nə imow, zə i gaamə way ghaa n ghə i loʼ zə.

Jems 1:16

Waazə ghuŋ a dzuŋu ghə, kə wù loʼ nə nəbənə ghaa.

Jems 1:19

Waazə ghuŋ a dzuŋu ghə, n ləghə nə̀ ghaa keeli tsu nə̀ ghaa adzəm ghaa khə ni maʼa tsu iwû ni tɔʼɔ zəllə ghəə ghə. Kə ghaa nə tsɔɔ beelinə ghəə ghə, kə ghaa nə mbadla fəələ soʼonə n nəghə wə.

Jems 3:10

I sey dii nə̀ ghaa ney dzuu i mɔʼɔ zə, kɔʼlə Kəzə̀ tii, tsɔɔmə soʼo aghə̂ tii. Waazə ghə, n moʼlə nə̀ à way dzə ghə i dzuŋu zə.

1 Pita 5:3

Kə ghaa nə baŋŋə sə ghə n kow ghə̂ ghey ghə fuu naŋa nə̀ ghaa i laalə. Ghaa fəd khə ni dii ndow mwam u dzuŋu wə tə̀ ghə ni koʼ ney.