Jems 2:8 - Kaa n Kəzə̀ n fəghə mə

⁸ Abə ghaa ndzəmə naŋŋənə laŋ kə fɔɔ u Kəzə̀ wən kə tɔ̀ɔ doʼonə n màʼlə K-a-zə̀ nə̀, “Wə khə ni ləghə wù wey tə kuʼlə loʼnə n səə wɔ tə wə ləghə wû wə wə̀.” Ghaa sey ghəŋŋə ghə i dzuŋu zə.

Jems 2:8 Mawu Ofanana

Matyo 22:39

Laŋ key kə dzûmə ndòwnə bɔɔmə loʼ soʼo tə a loʼ kə kən, kə dza nə̀, ‘I ləghə wù wey tə kuʼlə loʼnə n səə wɔ tə̀ wə ləghənə wû wə wə̀.’

Matyo 25:21

Mûkəbii wey n dza ndòw tə̀ wi nə̀, ‘Wə n fwaʼ dzɔb, wə loʼ wù kəfwaʼ u dzuŋu wə, wù loʼnu ni gaʼ fə̀ŋ n kow wɔ. Wə n kwu keeli dzɔb nyaŋi fən n mə fuunə tə̀ wɔ, sey mə î kɔʼlə naŋa kɔʼɔ wɔ, wə i laalə ndəmə ufə̂. Bə̀ doʼo tsu, wə i saŋŋə ghi mûkəbii wə.’

Matyo 25:23

Mûkəbii wey n dza ndòw tə̀ wi nə̀, ‘Wə n ghəŋə dzɔb, wə loʼ wù kəfwaʼ u dzuŋu wə, wù loʼ ni gaʼ fə̀ŋ n kow wɔ. Wə n kwu keeli dzɔb nyaŋi fən n mə fuu naŋanə tə̀ wɔ, sey mə î kɔʼlə naŋŋə kɔʼɔ wɔ, wə i laalə ndəmə ufə̂. Bə̀ doʼo tsu, wə i saŋŋə ghi mûkəbii wə.’

Matyo 7:12

Sey ghaa i ghəŋŋə ndòw ghəə ghə tə̀ ghə̂ ghə nghee tə̀ ghaa ləghənə nə̀ ghə i ghəŋŋə bə soʼo tə̀ ghaa. À wən loʼ ndzoʼo doʼo zey laŋ kə Mushi nsə Tûm tə Kəzə̀ tə diinə.”

Roma 13:10

Abə wə ləghə dzənə wù wey tə kuʼlə loʼnə n səə wɔ, u way dzə ni kəm ghəŋə wù tii n bəb zə. I sey dii nə̀, wù wey tə diinə ləghə zə, sey naŋa may dzə ulaŋ udzəm.

Galeshia 5:14

Keeli tsu na nə̀ laŋ u Kəzə̀ udzəm u bəghə doʼo n laŋ kə kən kəmɔʼ, laŋ kə tii kə loʼ nə, “Wə khə ni ləghə wù wey n səə wɔ tə wə ləghənə wû wə wə̀.”

Galeshia 6:2

I tɔɔmə tiilə na wû i ghaa zə n nəŋə zə uchɔd n jii i zən. Abə ghaa ghəŋŋə nə̀ sey, ghaa sey naŋŋə laŋ kə Klisto.

Filipi 4:14

 nam loʼnu ghə i dzuŋu zə tə̀ ghaa ni gaamə mə n chɔd wuŋ.

1 Tesalonika 4:9

Ni ghɔɔmə nya kuum ləghə zey ghaa khənə ni khə n wû i ghaa tə̀ a loʼ awaazə, ghey kəm khə dzə way ghəə i loʼ zə ni dza tə̀ ghaa, n təŋkey Zə̀ kə n ghaa dəŋ n jìi zey ghaa khənə ni ləghə tiillə wù zə.

Jems 1:25

Wù wey tə kee tɔʼ laalə nyi tsunə ghəə ghə tə̀ laŋ kən kə bəghəshiənə ghə̂ ghə diinə, təmi taw tsu kə tii ni ghəŋŋə ndow ghəə ghey tə zownə nə̀ tə neyzəə way, Zə̀ kə i buulə wi n ghəə ghey tə ghəə ghey tə ghəŋŋənə.

Jems 2:12

Ghaa khə ni ghɔɔmə, ghəŋŋə ndow soʼo aghəə tə a loʼ ghə̂ ghən ghə khənə nə̀ Zə̀ kə i saʼa ghə n laŋ kən kə bəghəshiənə ghə̂ ghə.

Jems 2:19

À loʼnu ghə i dzuŋu zə nə̀ ghaa bəghəmnu nə̀ Zə̀ kə loʼ kə kəmɔʼ. Ghaa n ghəŋə dzɔb. Vəətsəə a bəghəm soʼonu nə̀ Zə̀ kə loʼ kə kəmɔʼ buʼu tsəŋə daŋŋə soʼo wi.

Jems 4:11

Waazə ghə, kə ghaa nə khəə fəghəm tə n wû i ghaa. Wù wən tə khəənə fəghəm tə n tow kə waazə nkee saʼa wi, tə sey kii maʼa kəlaŋ, saʼa soʼo. Abə wə saʼa laŋ kə, wə sey way dzə wù wey wə naŋŋənə laŋ kə, wə fəd loʼ wù wey wə kii maʼlənə laŋ kə.

1 Pita 2:9

A kee bə ghaa, ghaa loʼ ghə̂ ghən ghə sày kɔʼnə, ghaa loʼ ghə fɔɔngili tə̀ də̀ŋ kə, kə loʼnə Zə̀ kə, ghaa loʼ naʼ i zow zə, ghaa loʼ ghə̂ a Kəzə̀, ghaa loʼ ghə̂ ghən tə sày kɔʼ nə̀ ghə naʼa ghəə a wi a dzuŋu ghən tə ghəŋŋənə. Tə tɔŋɔ nuu shi bə ghaa nə kələm, naŋa bə ghaa n dzɔbə dzɔbə kə tsə kə wi.