Jems 2:26 - Kaa n Kəzə̀ n fəghə mə

²⁶ Nghee tə i loʼ nə̀ wù wey tə loʼ nə̀ zay kə wi kə nuu n shi, loʼ wù kpuu, a loʼ soʼo ighələ ghi wù wey tə dza nə̀ i khə bəghəm i fə̀ŋ nə̀ tə ghəŋŋə way ghəə a dzuŋu ghə loʼ nə̀ bəghəm i fə̀ŋ i wi tii i maŋ loʼ kənunu.

Jems 2:26 Mawu Ofanana

Lukas 23:46

Yeso n dey shi kɔʼ n dzə̀ i taw zə dza, “Bày, zay kuŋ wɔɔ ghə.” Ambə tə dza tsunə sey, tə n tsəmə i tsu.

Galeshia 5:6

Nghee saa doʼo bə dzənə nə kəfə kəmɔʼ ghi Yeso Klisto, abə ghə səghə tyi kə kə̀ mɔ ghə ka səghə ə, i zey khə way ghə i loʼ zə ni ghəŋə ghi muu i ghaa zə. Ghə i səŋi zey i loʼnə tii, loʼ bəghəm i fə̀ŋ zən saa khənə nsə ləghə zən saa khənə n wû i saa.

Jems 2:14

Waazə ghuŋ ghə, wə zə̂ə kee abə wə dzanə nə̀ wə khə bəghəm i fə̀ŋ, kee dii bə way bəghəm i fə̀ŋ i tii zə n ghəə ghə a ghəŋŋə ghə ə? Wə moʼlə nə̀ ndzoʼo bəghəm i fə̀ŋ i tii i loʼnu ni bəghəshi wɔ ə?

Jems 2:17

A wey bɔɔmə loʼ nghee i loʼnə abə wù dzanə nə̀ tə khə bəghəm i fə̀ŋ nə̀ tə maŋa dza kə nə idzuu. Abə tə ghəŋŋə ndow way ghəə a dzuŋu ghə tə a loʼ wù wey tə khənə bəghəm i fə̀ŋ zə, bəghəm i fə̀ŋ i wi tii i maŋ loʼ kənunu.

Jems 2:20

Laʼlə k-a-fə kən! Wə ləghə nə̀ n dii bə tə wɔ nə̀ abə wə khənə bəghəm i fə̀ŋ zə nə̀ wə ghəŋŋə ndow way ghə̂ a dzuŋu, bəghəm i fə̀ŋ i tii i maŋ loʼ kənunu ə?