Jems 2:23 - Kaa n Kəzə̀ n fəghə mə

²³ Ghəə zey i tɔ̀ɔ doʼonə n màʼlə K-a-zə̀ nə̀, “Abraham â bəghəm tə̀ Zə̀ kə, Zə̀ kə n ney naŋa kɔʼ wi nə̀ a loʼ wù wey tə loʼnə tsətsəghə.” Ghəə zən n ghəŋə nə̀ ghə i tɔŋŋə wi nə̀ a loʼ wù fə ə Kəzə̀.

Jems 2:23 Mawu Ofanana

Malakus 12:10

N moʼlə nə̀ ghaa n tɔŋɔ koʼ ghəə ghən n màʼlə K-a-zə̀, a dzanə nə̀, “Tay zey wù bɔm u təndaw wə â tuu maʼanə, A fəd loʼ i ghii i bə doʼo bənə num itay n tsə kə ndaw.

Malakus 15:27

Ghə n baa naŋa kɔʼ soʼo ghə̂ a tsɔŋɔ ghə abəghə n zat kə fəkaʼ ghi wi, umɔʼ n kpii u wi u təmə wə, u loʼ wey n kpii u wi u kwɔɔ wə.

Lukas 4:21

Tə n dza tə̀ ghə nə̀, “Ghɔɔmə i Kəzə̀ zən ghaa zownə na, ghəə a tii ghə n ney bənə kə.”

Kəfwaʼ 1:16

Tə n dza tə ghə nə̀, “Waazə ghə, ghəə ghən a tɔ̀ɔ doʼonə n màʼlə K-a-zə̀ a khə ni teeli bə shi, tɔŋɔ ghəə ghən Zay kə Zow kə â ghəŋə nə̀ fɔ̀ɔ Devid dza zey kuum Judas wən tə â diinə jii nə ghə bə kwu Yeso.

Roma 11:2

I loʼ nə̀ Zə̀ kə ka tuu maʼa dzə ghə̂ ghən tə â sày naŋa kɔʼnə nə̀ a loʼ ghə̂ a wi nə nzeyyə. Ghaa məghənu ghəə zey i tɔ̀ɔ doʼonə n màʼlə K-a-zə̀ kuum Elayja ə? Ghə məghənu nghee Elayja â buʼnə wɔɔ kə tii tə̀ Zə̀ kə n tow u ghə̂ ghə Izree? Tə â buʼ kəwɔɔ nə̀,

Roma 9:17

À wey loʼ ghə i tɔ̀ɔ doʼo n màʼlə K-a-zə̀ nə̀ Zə̀ kə â dza tə̀ Ferɔ nə̀, “Zuŋ key mə sàynə wɔ nə̀ wə doʼo kədə̀ŋ â loʼ ni ney wɔ, n dii daʼa key n khənə, n ghəŋə soʼo nə̀ aghə̂ adzəm fa n mbi fuu zɔŋ wə n zəd zuŋ.”

Galeshia 3:22

I fəd tɔ̀ɔ doʼo n màʼlə K-a-zə̀ nə̀, mbi idzəm neyyə doʼo n ghəə a bəbə ghə. A sey loʼ kə ghə̂ ghən ghə bəghəmnə tə Yeso Klisto, Zə̀ kə i fuunə ghə n naamə kən tə â dza naŋanə.

Galeshia 3:6

Ney kɔʼ na Abraham, tə̀ màʼlə K-a-zə̀ kə dzanə nə̀, “Tə â ngii bəghəm tə Zə̀ kə, Zə̀ kə n ney naŋa kɔʼ wi nə a loʼ wù wey tə loʼ nə tsətsəghə.”

2 Timoti 3:16

À loʼ Kəzə̀ kə ghəŋŋənə nə̀ ghə̂ a tɔ̀ɔ ghəə ghey a tɔ̀ɔ doʼonə n màʼlə K-a-zə̀. Ghɔɔmə i Kəzə̀ zən loʼ ni dii ghə̂ ghə nə̀ isəŋə tii, kpaa ghə̂ ghey ghə ghəŋŋənə ghəə a bəbə ghə tii, ni dza ndow ghəə ghey ghə̂ a ghəŋə bəəbənə sey nə̀, ghə loʼ ni ghəŋə ghəə a dzuŋu ghə tii. Ghɔɔmə i Kəzə̀ i tii i loʼ soʼo ni tsə̀ə ghə̂ ghə tii nə̀ ghə i muu n jìi zey i loʼnə tsətsəghə.

Jems 2:24

Ghaa n tɔʼ koʼ nya nə̀ wù doʼlə tsətsəghə n sə K-a-zə̀ n ghəə ghey tə ghəŋŋənə, a maŋ way kə n bəghəm i fə̀ŋ i wi.

1 Pita 2:6

N dza sey n təŋkey i tɔ̀ɔ doʼo n màʼlə K-a-zə̀ nə̀, “Koʼo n na, mə n sày tay i səŋi zə, À loʼ i ghii n gaʼa nyiə tsunə tə a loʼ tay i bow i ndaw n Zayɔn, Wù wey tə bəghəm fuu soʼonə tə̀ wi, Tə nə dey koʼ tsə way wû wə.”