Jems 2:21 - Kaa n Kəzə̀ n fəghə mə

²¹ Bày saa, Abraham, â kaʼ ngee ni doʼo wù tsətsəghə ghi Zə̀ kə ə? Â way nghee tə â ney gaʼ kɔʼnə waa wi Ayzik n tsə zey ghə fəələnə maʼlə wə tii ə?

Jems 2:21 Mawu Ofanana

Matyo 12:37

bòʼ nə̀, a loʼ kə n ghɔɔmə tey tə â shi bənə n dzuu zə, ghə i neynə ni saʼ wɔ ni koʼ nə̀ wə khənu chɔd wə nkee wə khə way chɔd wə.”

Matyo 3:9

I kə̂ ghaa nə moʼlənə nə̀ ghaa loʼ ni zə̂ kətow nghee ghaa dzanə nə̀, ‘Ghey loʼ waa waa ghə Abraham’ n təŋkey, Zə̀ kə loʼ ni ney kɔʼ tay ghən, tə ghəŋə nə̀ a doʼo waa ghə Abraham.

Lukas 1:73

tɔŋɔ kaa mey tə â zə̂nə ghi Abraham bày saa u sə isə wə;

Lukas 16:24

Sey tə n dey dza ndòw tə̀ Abraham nə̀, ‘Bày wuŋ Abraham! Kwɔɔlə sî zə n kow mə wə tûm tsu Lazarɔs tə tsum waa kəwɔɔ ə wi nə n mmuu tə n maŋ labi kayyə tsu waatɔŋ zuŋ tii, n təŋkey, n ngii zow ifɔbə fa nə uvələ.’

Lukas 16:30

Wù kûm wey n dza ndòw tə̀ Abraham nə̀, ‘Hayi, zə i ka nam bwey dzə a bày Abraham, abə wù ka zhəm dzəŋŋə bə nə ivə ni bə dza ghəə ghən n wɔ ghə, ghə way dzə ni kwey fə̀ŋ tə ghə.’

Tùm i dzuŋu zə kuum Yeso Klisto tə Jɔn â tɔɔnə 8:39

Ghə n beeli dza ndòw tə̀ wi nə̀, “Bày bày ghey loʼ Abraham.” Yeso n dza ndòw tə̀ ghə nə̀, “Abə ghaa mə ndzəm loʼnə waa a waa ghə Abraham ghə, tə̂ ghaa mə bɔɔmə ghəŋŋə ndòw kə ghəə ghey tə â ghəŋŋə tsənə.

Tùm i dzuŋu zə kuum Yeso Klisto tə Jɔn â tɔɔnə 8:53

Naʼa bày bày ghey Abraham mâ kpu, wə dza i dza nə̀ wə̀ tsəghəshinu Abraham ə? Kasə tûm tə Kəzə̀ tə ma kpu, wə kee boʼo loʼ ndee?”

Kəfwaʼ 7:2

Sətifən n beeli ndow ghə nə̀, “Waazə ghuŋ ghə, ghə bày wuŋ ghə, ghaa zow! Tə̀ bày bày saa Abraham ni ndow mû n naʼ i Haran, â loʼ nə Zə̀ kən kə khənə kɔʼlə mə n dii bə wû wə tə wi n naʼ i Mesopotemya.

Roma 3:20

I loʼ nə̀, wù umɔʼ way dzə tə doʼlənə tsətsəghə n sə K-a-zə̀ a dza tə naŋŋə kəlaŋ, n təŋkey laŋ kə fədlə ghəŋŋə nə̀ wù keeli nə̀ tə n bəb i ghəŋə.

Roma 4:1

Saa loʼ ni dza tsu nə̀ ngee kuum Abraham tɔŋŋə bày bày saa a? Tə a loʼ wù sɔŋtsuʼ, à loʼ ghə i ghaa zə zə â shinə tə wi ni dii bə nghee wù doʼlənə tsətsəghə n sə K-a-zə̀ ə?

Roma 4:12

Abraham loʼ soʼo bày tə ghə̂ ghən ghə loʼ nə̀ ghə n səghə tyi u ghə wə. Ghə səghə tyi u ghə n fə̀ŋ, à kad way kə a bii. Ghə a bəghəm soʼo tə̀ Zə̀ kə nghee tə̀ bày saa Abraham â bəghəmnə tə̀ wi nə̀ ghə ka kam səghə tyi kə wi kə.

Roma 4:16

À wey loʼ ghə i tii zə à may kə bəghəm i fə̀ŋ zən wù khənə n kow Zə̀ kə, i ghəŋŋənə nə̀ tə keeli fə key Zə̀ kə â təb naŋanə. Zə̀ kə i dii fə̀ŋ ə wi i dzuŋu zə tə̀ waa a waa ghə Abraham ghə adzəm ni luulə ghəə zey tə â təb naŋanə tə Abraham. Zə̀ kə i kad dii kə way fə̀ŋ ə wi i dzuŋu zə tə ghə̂ ghən ghə khənə laŋ kə, tə i dii soʼonu tə̀ ghə̂ ghey ghə bəghəmnə tə̀ wi tə̀ Abraham â bəghəmnə. I loʼ sey n təŋkey, Abraham loʼ bày tə ghə̂ ghey adzəm ghə bəghəmnə tə̀ Zə̀ kə.

Hibru 11:17

À loʼ bəghəm i fə̀ŋ zə â ghəŋənə nə̀ Abraham fuu waa wi Ayzik tə a loʼ umaʼlə tə̀ Zə̀ kə nghee Zə̀ kə â mɔm koʼonə wi. Wù mɔʼɔ wən Zə̀ kə â təb naŋanə wi n waa a waa ghə n ndəm, tə n tey tən ni fuu ndow sɔʼi fə waa wi tə̀ Zə̀ kə tə̀ a loʼ umaʼlə.

Jems 2:18

Wù loʼ loʼnu ni dza bə nə̀, “Ghə̂ a loʼ a khə bəghəm i fə̀ŋ, a loʼ ghə u kee khə kənə fə̀ŋ ni ghəŋŋə ghəə a dzuŋu ghə.” N dza bə tə̀ wù tii nə̀, wə way dzə ni dii bə mə n wù loʼ tə khənə bəghəm i fə̀ŋ zə nə̀ tə ghəŋŋə way ghəə a dzuŋu ghə, n kee loʼnu ni dii bə bəghəm i fə̀ŋ zuŋ n ghəə a dzuŋu ghey n ghəŋŋənə.

Jems 2:24

Ghaa n tɔʼ koʼ nya nə̀ wù doʼlə tsətsəghə n sə K-a-zə̀ n ghəə ghey tə ghəŋŋənə, a maŋ way kə n bəghəm i fə̀ŋ i wi.