Jems 2:15 - Kaa n Kəzə̀ n fəghə mə

¹⁵ Ney kɔʼ n na nə̀ ghaa khə waazə u loʼ wə n dzəŋi kə dzûmə tə Klisto, weynum nkee weyzən, tə loʼnə n saʼ u fə wə nə uwû, ngəmsə khə soʼo way fə kə zəə kə.

Jems 2:15 Mawu Ofanana

Malakus 14:7

Ghaa nə laʼ koʼ way ghə̂ a laa ghə n fəŋŋə kə ghaa, ghaa loʼ ni gaamə ghə n nəŋə zey ghaa i ləghənə. Abə mə, mə i way dzə ghi ghaa nəŋə tədzəm

Lukas 3:11

Tə n beeli ndòw ghə dza, “abə wù khənə ndzə tə təbəghə, tə n fu ndòw wù wey tə khə way ndzə imɔʼ. Abə wù khənə fəzəə wə, tə n dzaw fu ndòw wù wey tə khə way.”

Kəfwaʼ 9:29

Ghɔɔmə i wi zə n bəghəm dzəŋi way ghi ghə̂ a Təjuu ghey ghə a ghɔɔmənə ghɔɔmə i Grik zə. Sey, ghə n kee kəŋə jii ni wey wi.

Hibru 11:37

Ghə n təmmə wey ghə nə atay. Ghə n səʼlə khəələ a loʼ ghə nə təsɔɔ nə ukə̀m ubəghə, sawwə wey a loʼ ghə nə təkɔb. A loʼ ghə n laʼa bwey kaabə nə̀ ghə n dzəŋə keeli gow tə tənjì tə nsə gow tə təji tə nə uwû. Ghə n ngii laa soʼo, ghə̂ ghə n koʼo kìi ghə, chɔdlɔ soʼo ghə.

Jems 2:5

Zow na a waazə ghuŋ a dzuŋu ghə! N dza Zə̀ kə n mgbaŋ sày ghə̂ ghən ghə̂ a mbi a koʼnə nə̀ a loʼ ghə̂ a laa ghə nə̀ ghə doʼo tə a loʼ ghə̂ a kûm ghə bòʼ bəghəm i fə̀ŋ, ghə doʼo soʼo ghə̂ ghey ghə i zə̂ənə fə wən u loʼnə n fɔɔ wən tə â təb naŋanə tə̀ ghə̂ ghey ghə ləghənə wi ə?

1 Jɔn 3:17

Ghə̂ a kûm ghən fa n mbi ghə koʼo ndownə waazə ghən ghə muunə nə̀ ghə khə way fə kə, ka kwɔɔlə isî n kow ghə, ghə way dzə ni dza nə̀ ghə ləghənu Zə̀ kə.