Jems 2:14 - Kaa n Kəzə̀ n fəghə mə

¹⁴ Waazə ghuŋ ghə, wə zə̂ə kee abə wə dzanə nə̀ wə khə bəghəm i fə̀ŋ, kee dii bə way bəghəm i fə̀ŋ i tii zə n ghəə ghə a ghəŋŋə ghə ə? Wə moʼlə nə̀ ndzoʼo bəghəm i fə̀ŋ i tii i loʼnu ni bəghəshi wɔ ə?

Jems 2:14 Mawu Ofanana

Matyo 5:20

N dza bə tə̀ ghaa nə̀, a gɔʼɔ kə nə̀ muu i ghaa i loʼ tsətsəghə n sə k-a-zə̀ tsəghəshi tsu i ghə̂ a dii a kəlaŋ ghə nsə ghə̂ tə Falasi ghə, wù ghaa umɔʼ î way ni nyi dzə n fɔɔ wə idəŋ wə.”

Lukas 3:11

Tə n beeli ndòw ghə dza, “abə wù khənə ndzə tə təbəghə, tə n fu ndòw wù wey tə khə way ndzə imɔʼ. Abə wù khənə fəzəə wə, tə n dzaw fu ndòw wù wey tə khə way.”

Lukas 6:49

Abə wù wey tə zownə ghɔɔmə zûŋ zə, ghəŋə way ghə zey n dzanə. Tə loʼ tə a loʼ wù wey tə bɔmnə ndaw n ghəlikətsə nə tə ka tsə kə sət dzə. Ambə dzuu naali tsən bənə n ndaw tii, zə n beeli, luʼlə may tsu.”

Kəfwaʼ 15:9

Tə n ney ghə ighələ tə̀ tə â neynə saa nghee tə sow maʼa tsu fə̀ŋ tə ghə tə n ghəə a bəbə ghey ghə â ghəŋŋənə bòʼ bəghəm i fə̀ŋ zey ghə khənə n kow Yeso.

Kəfwaʼ 8:13

Shimun n wû u wi wə n bəghəm soʼo tûm tii, ney daŋŋə soʼo mmuu n Kəzə̀. Ambə tə ney kɔʼnə mmuu n Kəzə̀ mə, tə n bwey kaabə tsə ghi Filip n luʼu tey tədzəm tə â ndownə tii. Dzuu zə n ngii zum wi bòʼ faalə mey nsə ghəə a zum ghə idzuu ghey tə â koʼ Filip ghəŋŋənə.

Kəfwaʼ 8:21

Wə ka kɔʼ kpi dzə ni fwaʼ fwaʼ kən, n təŋkey, fə̀ŋ zə zow way n sə̂ K-a-zə̀.

Roma 2:25

Ni ndzəm səghə kətyi, loʼ abə wə bweynə nghee tə̀ laŋ kə Mushi kə diinə. Abə wù tii kee bwey way nghee tə laŋ kə diinə, tyi kə səghə key maŋ loʼ kənunu.

1 Kɔrint 15:2

À loʼ tûm i dzuŋu zən zə i ghəŋŋənə nə̀ Zə̀ kə bəghəshi ghaa abə ghaa tɔʼ kwu keeli tsu dzənə ghɔɔmə i Kəzə̀ zən mə â naʼanə tə̀ ghaa. Nə̀ à way sey, i sey dii nə̀ ghəə zey ghaa â bəghəmnə tii, ghaa â maŋ bəghəm nə kənunu.

1 Kɔrint 16:22

Ngoʼ loʼ n kôw wù wey tə ləghə way Mûkəbii. Bəghə a Mûkəbii ghey!

Galeshia 5:13

Waazə, ghə Zə̀ kə a say shi bə ghaa nə̀ kə ghaa nə kəm muulənə tə a loʼ ukɔd n tənə kəlaŋ. I kə ghaa nə kee ney kɔʼɔnə nə̀ nghee ghaa kəm way kɔd wə n tənə kəlaŋ, a loʼ kəbùʼ tə ghaa ni ghəŋŋə ghəə a bəbə ghən gow uwû ghaa ləghənə ni ghəŋŋə. Fət ney na buʼ kə tii kə ni gaamə tiilə wû i ghaa nə iləghə.

Galeshia 5:6

Nghee saa doʼo bə dzənə nə kəfə kəmɔʼ ghi Yeso Klisto, abə ghə səghə tyi kə kə̀ mɔ ghə ka səghə ə, i zey khə way ghə i loʼ zə ni ghəŋə ghi muu i ghaa zə. Ghə i səŋi zey i loʼnə tii, loʼ bəghəm i fə̀ŋ zən saa khənə nsə ləghə zən saa khənə n wû i saa.

1 Tesalonika 1:3

Abə ghey gɔŋŋənə tə̀ Zə̀ kə tə loʼnə Bày saa, ghey n moʼlə bə fwaʼ key ghaa fwaʼanə bòʼ bəghəm i fə̀ŋ i ghaa, nsə ghəə a dzuŋu ghey ghaa ghəŋənə bòʼ ləghə zey ghaa khənə n wû i ghaa, ghaa n təmi taw soʼo bòʼ bəghəm i fə̀ŋ zey ghaa khənə n kow Mûkəbii ə saa Yeso Klisto.

1 Timoti 1:5

Zuŋ key wə khənə ni fuu ghə n laŋ kən lo nə̀, dzûmə tə Klisto tədzəm tə i ləghə wû i ghə zə. Ghə i ndzəm khə ləghə zən i nuu bənə n fə̀ŋ tə ghə tə dzuŋu tə, i nuu bənə n moʼlə tə dzuŋu tə, i nuu bə soʼo n ndzəm ndzəm kə bəghəm n kow Klisto.

1 Timoti 4:8

I dzɔbənu ni dəŋ naŋa wû wə ni naalə wû wə, a kee loʼ nə̀, a dzɔb tsəghəshi ni dəŋ naŋa wû wə n ghəə a Kəzə̀, n təŋkey, ghəə a Kəzə̀ a khə təb key kə khənə muu zən nya nsə i zey zə i nam khə ni bə.

Taytus 1:16

Ghə maŋa dza nə̀ idzuu nə̀ ghə khənu Zə̀ kə, loʼ sey nə̀ ghəə a ghə a ghəŋŋə a dii bənu nə̀ ghə tuu maʼanu wi. Ghə khə mwam n bəbə mə, zow way tə̀ Zə̀ kə, way soʼo ni ghəŋə ghə i loʼ zə i dzɔbənə.

Taytus 3:8

Ghəə ghən n dza bənə fa tə̀ wɔ ndzəm loʼ isəŋə. N ləghə nə̀ wə i tɔʼɔ dza kuulə ndow ghəə ghən tə̀ ghə, sey nə̀ ghə̂ ghən ghə bəghəmnə tə̀ Zə̀ kə, loʼ ni khə zày ni ghəŋŋə ghəə ghey a dzɔbənə. Ghəə a tii a dzɔbənu, loʼ soʼo ni gaamə aghə̂ adzəm.

Hibru 11:17

À loʼ bəghəm i fə̀ŋ zə â ghəŋənə nə̀ Abraham fuu waa wi Ayzik tə a loʼ umaʼlə tə̀ Zə̀ kə nghee Zə̀ kə â mɔm koʼonə wi. Wù mɔʼɔ wən Zə̀ kə â təb naŋanə wi n waa a waa ghə n ndəm, tə n tey tən ni fuu ndow sɔʼi fə waa wi tə̀ Zə̀ kə tə̀ a loʼ umaʼlə.

Hibru 13:9

Kə ghaa i nyəŋ laʼ n bàa ndəmə tə aghəə tə loʼ tən ghə diinə nə̀ a way ghəə a Kəzə̀. I dzɔbə nə̀ fə̀ŋ tə saa tə i taw dzɔbə n ndzuŋ ə Kəzə̀, nə̀ a way dzə n ghəə a naŋŋə a laŋ u ghəə ghə ufəzəə. Laŋ u ghəə ghə ufəzəə ghən ka kam gaamə koʼ tsə ghə̂ ghey ghə naŋŋənə laŋ u tii wə n ghə i loʼ zə.

Jems 1:16

Waazə ghuŋ a dzuŋu ghə, kə wù loʼ nə nəbənə ghaa.

Jems 2:16

Abə wə dza ndownə tə wi nə̀, “Ndow kədzuŋ, Zə̀ kə buulə wɔ! I dzəŋŋə kɔʼɔ ndzə̂ tə ufəb tə nə uwû, wə i zə̂ə dzɔbə soʼo.” Loʼ sey nə̀ wə ka fuu wi n fə wey tə laʼanə. Wə moʼlə nə̀ wə n wi gaamə n ghə i loʼ zə ə?

Jems 2:18

Wù loʼ loʼnu ni dza bə nə̀, “Ghə̂ a loʼ a khə bəghəm i fə̀ŋ, a loʼ ghə u kee khə kənə fə̀ŋ ni ghəŋŋə ghəə a dzuŋu ghə.” N dza bə tə̀ wù tii nə̀, wə way dzə ni dii bə mə n wù loʼ tə khənə bəghəm i fə̀ŋ zə nə̀ tə ghəŋŋə way ghəə a dzuŋu ghə, n kee loʼnu ni dii bə bəghəm i fə̀ŋ zuŋ n ghəə a dzuŋu ghey n ghəŋŋənə.

Jems 2:26

Nghee tə i loʼ nə̀ wù wey tə loʼ nə̀ zay kə wi kə nuu n shi, loʼ wù kpuu, a loʼ soʼo ighələ ghi wù wey tə dza nə̀ i khə bəghəm i fə̀ŋ nə̀ tə ghəŋŋə way ghəə a dzuŋu ghə loʼ nə̀ bəghəm i fə̀ŋ i wi tii i maŋ loʼ kənunu.

2 Pita 1:5

À wən loʼ ghə i tii zə, ghaa khə ni ngii dəm tsu ni koʼ nə̀ nghee ghaa khənə bəghəm i fə̀ŋ zə, ghaa keeli tsu soʼo fə̀ŋ i dzuŋu zə, nghee ghaa khənə fə̀ŋ i dzuŋu zə, ghaa keeli tsu soʼo ghəə a Kəzə̀.