Jems 2:1 - Kaa n Kəzə̀ n fəghə mə

¹ Waazə ghuŋ ghə, kə ghaa nə badlanə kpey wə nghee ghaa khənə bəghəmnə i fə̀ŋ zə n kow Mûkəbii saa Yeso Klisto wən tə khənə kɔʼlə mə.

Jems 2:1 Mawu Ofanana

Matyo 22:16

Ghə n tûm tsu tsətəndəghə tə ghə nsə ghə̂ a Helɔd a loʼ ghə. Ghə n bə koʼ bə Yeso, dza tə̀ wi nə̀, “Wù dii wə, ghey khənu nə̀ wə dza tsə kə isəŋə, wə dii ghɔɔmə i Kəzə̀ tə̀ i khə ni doʼo, wə saʼa way ghɔɔmə tə aghə̂ tə, n təŋkey, wə khə way nəŋə i wù zə.

Kəfwaʼ 10:34

Ambə Pita zow tsunə ghəə ghən, tə n zey tsu ni ghɔɔmə nə̀, “Mə n ndzəm koʼ nya nə̀ Zə̀ kə badla way kpey wə,

Kəfwaʼ 20:21

N mâ kə̂ dza tə Juu tə nsə ghə̂ ghən ghə way ghə̂ a Təjuu ghə adzəm nə ghə ney ighə̂mə, ghə kweyyə nuu bə fə̀ŋ tə ghə n ghəə a bəbə ghə, ghə bəghəm fu ndow tə Zə̀ kə nsə Mûkəbii ə saa, Yeso Klisto.

Kəfwaʼ 24:24

Ambə tsuʼu n loʼ n tsəghə tsu, Feliks n ndow shi tsu bə ghi wey wi tɔŋɔ Drusila. Drusila â loʼ zən ə Juu. Tə n dza tsu nə ghə ney bə Pɔl. Ambə ghə ney bənə wi, ghə n tɔʼ zəllə nghee tə tiilə dzanə jìi zey ghə̂ a loʼ ni keeli bəghəm i fə̀ŋ tii n kow Yeso Klisto.

Kəfwaʼ 7:2

Sətifən n beeli ndow ghə nə̀, “Waazə ghuŋ ghə, ghə bày wuŋ ghə, ghaa zow! Tə̀ bày bày saa Abraham ni ndow mû n naʼ i Haran, â loʼ nə Zə̀ kən kə khənə kɔʼlə mə n dii bə wû wə tə wi n naʼ i Mesopotemya.

Roma 1:11

Zuŋ key n mbuŋənə ni bə n səə ghaa loʼnə mə i loʼ ni kuu fəŋ tə ghaa n naamə kən Zay kə Zow kə fuunə tə mə ni ghəŋə nə̀ bəghəm i fə̀ŋ i ghaa zə i taw.

1 Kɔrint 2:8

Wù umɔʼ way dzə n ghə̂ ghən ghə saʼanə mbi n num tən nya tə â zowkeelinə ghəə ghən, n təŋkey, abə ghə â zowkeelinə, tə̂ ghə â ka baa Mûkəbii wən ghə fuunə kɔʼləmə n dzəm n zat kə fəkaʼ.

Kolose 1:4

Ghey fuu kəzɔŋŋə tə Zə̀ kə n təŋkey, ghey n zow bəghəm i fə̀ŋ i ghaa zə n kow Yeso Klisto nsə nə ghaa khə iləghə tə ghə̂ a Kəzə̀ ghə adzəm.

1 Timoti 1:19

Tɔʼɔ təmi taw tsu kə n bəghəm i fə̀ŋ zey wə khənə n kow Klisto, wə i khə soʼo fə̀ŋ i zow zə. Ghə̂ a loʼnu nə̀ ghə n ndzəm tuu ni keeli fə̀ŋ tə zow tə, sey, ghə a bəəbə maʼa kɔʼ bəghəm i fə̀ŋ i ghə zə.

1 Timoti 5:21

Nghee tə Zə̀ kə, Yeso Klisto nsə tsətəndəghə tə Kəzə̀ tən Zə̀ kə sày kɔʼnə loʼnə tə̀ a loʼ ghə təmi tiillə, n dza bə tə wɔ nə̀ wə dzûmə kɔʼ bə laŋ wən n fuu bənə tə wɔ nə̀ wə sày way wù, laalə soʼo way tûm usə u wù wə abə wə ghəŋŋənə ghəə zə.

Taytus 1:1

À màʼlə kən tɔ̀ɔ bə mə Pɔl. N loʼ wù kəfwaʼ ə Kəzə̀, lòʼ soʼo ngəd ə Yeso Klisto. Zə̀ kə â say kɔʼ mə, tûm bə nə̀ n bə gaamə ni ghəŋə nə̀ bəghəm i fə̀ŋ i ghə̂ ghən Zə̀ kə sày naŋa nə̀ ghə doʼo ghə̂ a wi, zə i nyîmmə, n ghəŋə soʼo nə̀ ghə keeli isəŋə zey i loʼ ni gaamə ghə nə̀ ghə i muu n jìi zey Zə̀ kə ləghənə.

Taytus 2:13

Nghee tə saa ndzəmə ləmmənə tsuʼ fə nii fey saa khənə nə̀ fə i bə ghəŋŋə nə̀ saa ngii duʼlə, saa keyyə tənə nə̀ Zə̀ kə saa kə səŋi kə nsə bəghəshi ə saa tɔŋŋə Yeso Klisto, bə n wû u kədə̀ŋ.

Hibru 1:3

À loʼ wi tə dii bənə nghee tə kɔʼlə mən Zə̀ kə khənə nyiəllənə tii. Tə bɔɔmə fiilə kə Kəzə̀ nghee tə kwu keelinə mbi n daʼa kə ghɔɔmə i wi. Ambə tə sow maʼa tsunə ghəə ghə aghə̂ a bəbə ghə, tə n nuu kɔʼ ndow idəŋ, ndow doʼo tsu n kpii u Kəzə̀ u təmə wə, tə khənə daʼa kə tsəghəshi ufə udzəm.

Hibru 12:2

Saa bɔɔmə naŋa ndow kə sə a saa n kow Yeso wən tə â ghəŋə nə̀ saa bəghəm tə̀ Zə̀ kə, gaamə soʼo saa nə̀ bəghəm i fə̀ŋ i saa zə i taw. Tə n kow tsu kə fə̀ŋ ni fəghə, tə bə kpu n zat kə fəkaʼ. Tə n ka dədlə kətow n ghə i tii zə n təŋkey, tə â khənu duʼlə zey tə i keelinə isə. Tə nya doʼ n kpii kə təmə kə n kuu kə fɔɔ K-a-zə̀.

Jems 1:16

Waazə ghuŋ a dzuŋu ghə, kə wù loʼ nə nəbənə ghaa.

Jems 1:19

Waazə ghuŋ a dzuŋu ghə, n ləghə nə̀ ghaa keeli tsu nə̀ ghaa adzəm ghaa khə ni maʼa tsu iwû ni tɔʼɔ zəllə ghəə ghə. Kə ghaa nə tsɔɔ beelinə ghəə ghə, kə ghaa nə mbadla fəələ soʼonə n nəghə wə.

Jems 2:3

Abə ghaa tɔʼɔ dii ndownə ngɔɔmə zə tə wù wey tə lab dzɔbnə wû wə, dza ndow tə wi nə̀, “Mûkəbii doʼo bə fa.” Kee dza ndow tə wù laa wey nə̀, “Teemi tsəghə ndow fey,” nkee, “Doʼo bə fa aghəd n tənə fuu zuŋ.”

Jems 2:9

Abə ghaa fədlə badla kpey wə, ghaa sey ghəŋŋə ghə i bəbə zə, sey, ghə n ney soʼo ghaa n taŋa ghə̂ ghey ghə zaʼnə laŋ kə.

Jems 3:17

A kee loʼ nə̀, ghə̂ ghey ghə khənə ndzoʼo tɔb wən Zə̀ kə idəŋ kə fuu bənə, khə fə̀ŋ tə zow tə. Ghə ləghə nə̀ ghə̂ ghə i loʼ nə ibuulə, zə̀ələ ghəŋŋə aghəə, ləghə aghə̂. Ghə khə sî i kwɔɔlə zə, ghəŋŋə soʼo ghəə a dzuŋu ghə. Ghə badla way ghəə ghə, loʼ soʼo tsətsəghə.

2 Pita 1:1

À màʼlə kən tɔ̀ɔ bə mə Shimun tɔŋŋə Pita wən n loʼnə wù kəfwaʼ nsə ngəd ə Yeso Klisto. N tɔ̀ɔ bə tə̀ ghaa ghən Zə̀ kə ghəŋənə nə̀ ghaa bəghəm tə Klisto tə a loʼ ghey. À loʼ bòʼ ndzuŋ ə Zə̀ kə saa nsə bəghəshi ə saa Yeso Klisto i ghəŋənə nə saa i khə ndzoʼo bəghəm i fə̀ŋ zən.

Màʼlə kə Jud tə̀ ghə̂ a Kəzə̀ ghə 1:16

Ghə̂ ghən khə kə ni nyuŋŋə ghɔɔmə nsə ni kəŋə chɔd wə n kow ghə̂ a loʼ ghə. Ghə dzûmə ndow kə ghəə a ghə a bəbə ghey fə̀ŋ tə ghə tə ləghənə. Ghə ghaŋŋə kaabə tsə iwû, nəəbə soʼo aghə̂ nə idzuu ni keeli fə key ghə ləghənə.

Chi dii 14:12

Ghəə ghən dii tsu nə̀ ghə̂ a Kəzə̀ a khə ni kow tsu fə̀ŋ, tɔŋŋə ghə̂ ghən ghə naŋŋə laŋ u Kəzə̀ bəghəm tən soʼo tə̀ Yeso.