Jems 1:27 - Kaa n Kəzə̀ n fəghə mə

²⁷ Ghəə a Kəzə̀ ghən a zow dzɔbənə loʼ soʼo tsətsəghə n sə kə Bày saa wən tə loʼnə Zə̀ kə, loʼ ni laalə tə waa a chi ghə nsə ghey a kpusə ghə n chɔd mən ghə khənə. À loʼ soʼo ni ghəŋə nə̀ kə ghəə a mbi a nə dzəələnə muu i ghaa zə.

Jems 1:27 Mawu Ofanana

Matyo 12:32

Wù wey tə dzanə ghəə a bəbə ghə n kow Waa Weynum, ghə i neyzəənu bəb i wi zə, abə wù kee dzanə ghəə a bəbə ghə n kow Zay kə Zow kə, ghə i neyzəə koʼ way bəb i wi zə nya nkee tə̀ mbi nə bə may.”

Matyo 5:8

Buulə i loʼ tə̀ ghə̂ ghey fə̀ŋ tə ghə tə zownə, N təŋkey, ghə nə̂ koʼonu Zə̀ kə.

Lukas 1:6

Ghə n dzəŋi muu muu i dzuŋu zə n sə̂ K-a-zə̀, naŋŋə laŋ u Kəzə̀, khə way bwù i loʼ zə.

Roma 12:2

Kə ghaa nə dzûmənə ghow kə ibwey kə ghə̂ a mbi ghən, fəd zəghə tsu n na nə̀ Zə̀ kə kweyyə kɔʼ fə̀ŋ tə ghaa. Abə ghaa ghəŋənə sey, ghaa i loʼ ni keeli ghəə zey Zə̀ kə ləghənə. Ghaa i khə ghəə zey i loʼnə ghə i dzuŋu zə tə Zə̀ kə, khə ghəə zey i loʼnə tsətsəghə, kpiilə soʼo tə̀ wi.

Roma 2:13

I loʼ sey n təŋkey, a way dzə wù wey tə khənə ghəə ghey laŋ kə dzanə, tə doʼlənə tsətsəghə n sə K-a-zə̀, à loʼ wù wey tə ghəŋŋə ghəə ghə tə laŋ kə diinə, tə doʼlənə tsətsəghə n sə K-a-zə̀.

Galeshia 1:4

Yeso Klisto â bəghəm ni kpu bòʼ bəb i saa, nghee tə Zə̀ kə, tə loʼnə Bày, â bayyə naŋa nə̀, ni bəghəshi saa n mbi i bəbə zən a muunə tii nya.

Galeshia 3:11

I sey dii tsu nə a way dzə kəlaŋ kə ghəŋŋənə wù doʼo tsətsəghə n sə K-a-zə̀, tə i tɔ̀ɔ doʼo n màʼlə K-a-zə̀ nə̀, “Wù wey tə loʼnə tsətsəghə n sə K-a-zə̀ n bam i bəghəm i fə̀ŋ, tə i keeli imuu.”

Galeshia 5:6

Nghee saa doʼo bə dzənə nə kəfə kəmɔʼ ghi Yeso Klisto, abə ghə səghə tyi kə kə̀ mɔ ghə ka səghə ə, i zey khə way ghə i loʼ zə ni ghəŋə ghi muu i ghaa zə. Ghə i səŋi zey i loʼnə tii, loʼ bəghəm i fə̀ŋ zən saa khənə nsə ləghə zən saa khənə n wû i saa.

Galeshia 6:14

Abə mə, mə i kee ghaŋŋə kə uwû n ghəə ghey a shinə tə mə bòʼ və i Mûkəbii ə saa, Yeso Klisto n zat kə fəkaʼ. À loʼ bòʼ zat kə fəkaʼ n loʼnə tə a loʼ fə kə ivə tə ghəə a mbi ghə, ghəə a mbi ghə a kəm way soʼo n taŋ tə mə.

Efesus 2:2

Ghaa â muu tsə nə̀ ghaa dzûmə ndow ghəə a mbi a bəbə ghə, zow laŋ u Satan, Zay kə bəbə kən kə saʼanə zay u bəbə wən u loʼnə idəŋ. À loʼ wi tə fwaʼanə n kow ghə̂ ghən ghə naŋŋə way laŋ u Kəzə̀ wə.

1 Timoti 1:5

Zuŋ key wə khənə ni fuu ghə n laŋ kən lo nə̀, dzûmə tə Klisto tədzəm tə i ləghə wû i ghə zə. Ghə i ndzəm khə ləghə zən i nuu bənə n fə̀ŋ tə ghə tə dzuŋu tə, i nuu bənə n moʼlə tə dzuŋu tə, i nuu bə soʼo n ndzəm ndzəm kə bəghəm n kow Klisto.

1 Timoti 5:4

A kee bə ghey a kpusə ghən a khənə waa ghə nkee waa a waa, waa ghən nkee waa a waa ghən zey tsu dzə isə ni ghəŋŋə ghəə ghə nghee dzûmə tə Klisto tə khə ni ghəŋŋə n ndaw tə ghə. Abə ghə ghəŋŋənə sey, Zə̀ kə duʼlənu ghi ghə n təŋkey ghə sey tsəə dzəŋŋə ghə bày a ghə nsə ghə bày bày a ghə ghə.

Taytus 2:12

À loʼ n bam i fə̀ŋ i dzuŋu zən Zə̀ kə dza bənə tə̀ saa nə̀, saa tuu maʼa muu zey Zə̀ kə ləghə way, saa ka gaʼ soʼo fə̀ŋ tə n fə u mbi. Tə ləghə nə̀ saa i loʼ ni kwu keeli muu i saa, ghəŋŋə ghəə ghey a kpiinə, ghəŋŋə soʼo ghəə ghey tə ləghənə nghee saa muunə fa n mbi zən.

Jems 3:17

A kee loʼ nə̀, ghə̂ ghey ghə khənə ndzoʼo tɔb wən Zə̀ kə idəŋ kə fuu bənə, khə fə̀ŋ tə zow tə. Ghə ləghə nə̀ ghə̂ ghə i loʼ nə ibuulə, zə̀ələ ghəŋŋə aghəə, ləghə aghə̂. Ghə khə sî i kwɔɔlə zə, ghəŋŋə soʼo ghəə a dzuŋu ghə. Ghə badla way ghəə ghə, loʼ soʼo tsətsəghə.

Jems 3:9

Saa ney kənyim saa n fuu nkɔʼlə tə Mûkəbii saa nsə Bày saa. À loʼ nyim kə mɔʼɔ kə, saa tsɔɔmənə ghə̂ ghən Zə̀ kə bɔmnə nə̀ ghə i loʼ tə a loʼ wi.

Jems 4:4

Ghə nəb ityim tə a loʼ ghaa! Ghaa khə way nə̀ abə ghaa ngii gaʼnə fə̀ŋ n fə u mbi, i sey dii nə̀ ghaa loʼ ghə̂ a təngəmə tə Zə̀ kə ə? Keeli tsu na nə̀, ghə̂ ghey ghə ləghənə fə u mbi wə, ghəŋŋə wû i ghə nə̀ ghə doʼo ghə̂ a təngəmə ghi Zə̀ kə.

2 Pita 1:4

À loʼ n jìi i zən tə â fuunə saa n naamə u səŋi wey tə â təb naŋanə tə̀ saa. À loʼ naamə u səŋi wən u ghəŋŋənə nə̀ ghaa tyi nuu shi bə n ghəə a bəbə ghey gow uwû ləghənə fa n mbi, sey nə̀, ghaa loʼ ni mbɔŋ keeli soʼo muu zey Zə̀ kə khənə.

2 Pita 2:20

Abə ghə̂ a nɔb shi bə n wɔ bəb i mbi zən bòʼ nə̀ ghə n keeli Mûkəbii saa nsə bəghəshi ə saa Yeso Klisto, kəm bə bwu dzəŋŋə nyi ndow ni ghəŋŋə ghəə a bəbə ghə, ndzoʼo ghə̂ a tii ghə loʼ ghə̂ a bəbə ghə nya tsəghəshi nghee ghə â loʼ nə̀ ghə ka kam keeli Klisto.

2 Pita 3:14

Sey, fə ghuŋ a dzuŋu ghə, nghee ghaa ləmmənə tsuʼ fən, dəmə tən tsu n na ni koʼ nə̀ ghaa i zow, khə soʼo way bwu i loʼ zə n sə K-a-zə̀, loʼ soʼo nə ibuulə ghi wi.

1 Jɔn 5:18

Ghey khənu nə̀ waa Kəzə̀ u loʼ u way dzə ni tsəghə ndow n sə kə ni ghəŋŋə ghəə a bəbə ghə, n təŋkey, waa Kəzə̀ keyyə wi, vəətsəə ghə way soʼo ni mɔm wi.