Jems 1:25 - Kaa n Kəzə̀ n fəghə mə

²⁵ Wù wey tə kee tɔʼ laalə nyi tsunə ghəə ghə tə̀ laŋ kən kə bəghəshiənə ghə̂ ghə diinə, təmi taw tsu kə tii ni ghəŋŋə ndow ghəə ghey tə zownə nə̀ tə neyzəə way, Zə̀ kə i buulə wi n ghəə ghey tə ghəə ghey tə ghəŋŋənə.

Jems 1:25 Mawu Ofanana

Lukas 11:28

Yeso n beeli ndòw wi dza, “buulə i fəd loʼ tə̀ ghə̂ ghey ghə zownə ghɔɔmə i Kəzə̀ zə naŋŋə.”

Tùm i dzuŋu zə kuum Yeso Klisto tə Jɔn â tɔɔnə 13:17

Nya wən ghaa khənə isəŋə zən, Zə̀ kə i fuu ghaa n buulə zə abə ghaa dii ndow isəŋə i tii zə n ghəə a ghaa a ghəŋŋə ghə.”

Tùm i dzuŋu zə kuum Yeso Klisto tə Jɔn â tɔɔnə 8:36

Sey, abə Waa wù sɔŋtsuʼ chi zəghə tsunə wɔ, wə sey nya ndzəm loʼ n ngəŋ.

Kəfwaʼ 13:43

Ambə ghə sali tsunə n ndaw kədzəŋi, ndəm ə ghə̂ a Təjuu nsə ghə̂ ghən ghə way ghə̂ a Təjuu ghə, ghə ngɔɔmənə Zə̀ kə Təjuu kə n dzûmə ndow Pɔl nsə Banabas. Pɔl nsə Banabas n kuu fə̀ŋ tə ghə nə ghə təmi taw tsu n ndzuŋ ə Kəzə̀ zən ghə keeli kɔʼnə.

Kəfwaʼ 2:42

Ghə n fuu nyi ndow wû i ghə ni zoʼlə ghəə ghey ngəd tə Yeso tə diinə, təmə dzəŋi ghi ghə, gɔŋŋə, zəə dzəŋi soʼo baa K-a-zə̀ ghi ghə.

Kəfwaʼ 26:22

Ni bə kùm na, n muu nə a loʼ Kəzə̀ kə gaamənə mə. Mə n loʼ ni təmi na fa tiilə dza bə aghəə tə ghə̂ ghə adzəm, tiilə dza kə ghə i mɔʼɔ zə tə ghə̂ ghən ghə loʼ ghə̂ a səŋi ghə nsə tə ghə̂ ghən ghə way ghə̂ a səŋi ghə. Ghəə ghey n dza nə̀ ghə i bə ney kəbənə bɔɔmə loʼ ghəə ghey tûm tə Kəzə̀ ghi Mushi â nə dza naŋanə nə̀ a nə bə ney kəbənə.

Roma 11:22

Ghaa n koʼ nghee tə Zə̀ kə khənə fə̀ŋ i dzuŋu zə a tii, nsə ghee tə nyeynə tii. Tə chɔdlɔ ghə̂ ghey ghə ghəŋə bəəbənə, kee dii ghaa n ndzuŋ ə wi abə ghaa ghəŋŋə dzənə ghəə ghey tə ləghənə nə̀ ghaa i ghəŋŋə, nə̀ à way sey, tə i khəm maʼa shi bə soʼo ghaa tə̀ a loʼ kpìi kə fəkaʼ.

Roma 2:13

I loʼ sey n təŋkey, a way dzə wù wey tə khənə ghəə ghey laŋ kə dzanə, tə doʼlənə tsətsəghə n sə K-a-zə̀, à loʼ wù wey tə ghəŋŋə ghəə ghə tə laŋ kə diinə, tə doʼlənə tsətsəghə n sə K-a-zə̀.

Roma 7:12

I sey dii nə̀ laŋ kə bəbə dzə way, ghəə ghey laŋ kə dzanə a nuu bə n wɔ Kəzə̀, kə loʼ tsətsəghə, dzɔbə tə̀ ghə̂ ghə adzəm.

Roma 8:15

Sey, Zay kə Zow key Zə̀ kə â fuunə tə ghaa ghəŋŋə dzə way nə̀ ghaa doʼo ukɔd, kə ghəŋŋə soʼo way nə̀ ghaa i tsəŋə. Zay kə Zow key Zə̀ kə â fuunə tə ghaa fədlə ghəŋŋə nə̀ ghaa i loʼ waa a Kəzə̀ ghə. À loʼ wi tə ghəŋŋənə nə̀ saa i tɔŋŋə ndow Zə̀ kə tɔŋŋə kuulə nə̀, “Bày! A Bày wuŋ!”

Roma 8:2

I sey loʼ ntənkey, nghee tə saa loʼ soʼonə nə kəfə̂ kəmɔʼ ghi Yeso Klisto, Zay kə Zow kən kə fuunə muu zə, kə nya fwaʼa n kow mə, ghəŋŋə nə̀ mə i naŋŋə laŋ u wi. Kə n bəghəshi soʼonə mə wɔ daʼa kə ghəə a bəbə kən kə ney bənə və zə.

1 Kɔrint 15:58

Sey, waazə ghuŋ a dzuŋu ghə, təmi taw tsu na n bəghəm i fə̀ŋ i ghaa, kə̂ fə̂ kə loʼ kə nə̂ soʼlənə ghaa. Fuu nyi ndòw na wû i ghaa zə n fwaʼ kə Mûkəbii, n təŋkey ghaa khənu nə̀ fwaʼ kən ghaa fwaʼanə tə̀ wi way dzə kənunu.

2 Kɔrint 13:5

Laalə tsu na wû i ghaa zə̀ ni koʼ nə̀ ghaa nam gaʼnu fə̀ŋ n kow Klisto ə? Ghaa koʼo keeli way nə̀ Klisto ndzəm loʼ n kow ghaa ə? À may kə nə̀ ghaa koʼ tsu nə̀ ghaa n bwu khə̂mə.

Galeshia 2:4

Ghə nəb ityim a loʼ ghə n nyi bə n fəŋŋə kə ghey tə a loʼ ghə̂ a tətsìi. Ghə â bə ni tsi koʼ muu i dzuŋu zən ghey khənə nghee ghey loʼnə nə kəfə kəmɔʼ ghi Yeso Klisto. Ghə â ləghə ni ghəŋə nə̀ ghey doʼo ukɔd n laŋ u ghə̂ a Təjuu.

Galeshia 5:1

Zuŋ key Klisto â kùmshinə saa tii loʼ ni ghəŋə nə̀ kə saa nə doʼlənə kɔd wə n tənə kəlaŋ. Sey, ney na ghə̂mə zə kə wù loʼ nə kəm sii dzəŋŋə nə ghaa nə ghaa kəm doʼo ukɔd n tənə kəlaŋ.

Galeshia 6:2

I tɔɔmə tiilə na wû i ghaa zə n nəŋə zə uchɔd n jii i zən. Abə ghaa ghəŋŋə nə̀ sey, ghaa sey naŋŋə laŋ kə Klisto.

Kolose 1:23

A kee loʼ kə nə̀, ghaa təmi taw tsu n bəghəm i fə̀ŋ i ghaa n tûm i dzuŋu zən ghaa zownə. Kə ghaa nə bəghəmnə nə wù loʼ kəm soʼlə ghaa n tûm i dzuŋu zən ghaa â zownə, ghaa n gaʼ fə̀ŋ tii. À loʼ bòʼ tûm i dzuŋu zən, mə Pɔl, n loʼnə wù kəfwaʼ ə Klisto tɔŋŋə tûm i dzuŋu zən ghə naʼlənə tə mbi idzəm.

1 Timoti 2:15

Weyzən nə keeli ibəghəshi n bam i waa ghən tə nə jiə bənə nsə abə tə loʼ ni kow fə̀ŋ n bəghəm i fə̀ŋ i wi, nə iləghə nsə n jìi zey i zownə nə̀ tə zuŋu tsu uwû.

1 Timoti 4:16

Ney ghə̂mə zə n jìi zey wə muunə tii nsə ghəə ghey wə diinə ghə̂ ghə tii. Təmi taw tsu kə n ghəə ghey a kpiilənə, n təŋkey, abə wə ghəŋŋə dzənə sey, wə i keeli ibəghəshi, ghə̂ ghey ghə zownə ghəə ghey wə dzanə i keeli soʼo ibəghəshi.

Hibru 12:15

Dəmə tsu n na nə̀ kə wù ghaa u loʼ u nə doʼlə nə̀ Zə̀ kə ka dii wi n fə̀ŋ ə wi i dzuŋu zə. Kə wù ghaa u loʼ u nə doʼlə naŋ kə bəbə kə n fəŋŋə kə ghaa, kə loʼ ni ghəŋə nə̀ unaŋ udzəm u fway.

Jems 2:12

Ghaa khə ni ghɔɔmə, ghəŋŋə ndow soʼo aghəə tə a loʼ ghə̂ ghən ghə khənə nə̀ Zə̀ kə i saʼa ghə n laŋ kən kə bəghəshiənə ghə̂ ghə.

1 Pita 2:16

Ghaa khə muu tə a loʼ ghə̂ ghən ghə way n tənə wù. Kə ghaa nə kee taa daŋanə n ndzoʼo muu zən ni ghəŋŋə ghəə a bəbə ghə. Ghaa khə ni fəd muu tə a loʼ ghə̂ a kəfwaʼ a Kəzə̀.

1 Jɔn 2:24

Sey, ghaa i tɔʼɔ naŋŋə tûm zən ghaa â zownə n nəŋə zey ghaa â bəghəmnə tii tə̀ Zə̀ kə. Abə ghaa naŋŋə dzɔbənə tûm tii n fə̀ŋ tə ghaa, ghaa i loʼ tən tsə kə nə kəfə kəmɔʼ ghi Waa nsə Bày.

Chi dii 14:13

Sey, mə n zow dzə̀ i loʼ zə idəŋ i ghɔɔmə nə̀, “Tɔ̀ɔ naŋa tsu nə̀, ni ney nuu tsu nya, ndow n sə kə, Zə̀ kə i buulə ghə̂ ghən ghə kpunə nə̀ ghə fwaʼa fwaʼ kə Mûkəbii!” Zay kə Zow kə dza nə̀, “Ndzəm ndzəm, ghə i keelinu zayyə zə n fwaʼ kə taw kən ghə fwaʼanə, n təŋkey, ghəə a dzuŋu ghey ghə ghəŋŋənə dii bə fə key ghə loʼnə ghii kə.”

Chi dii 22:14

Zə̀ kə i buulə ghə̂ ghey ghə sow ndzə̂ tə ghə tə nə̀ tə i zow, ghə i khə daʼa kə ni zə tam wən u məə n kaʼ fey fə fuu muu zə nsə ni tsəghə nyi n fuʼ u mbàa u naʼ tii zə.