Jems 1:24 - Kaa n Kəzə̀ n fəghə mə

²⁴ Ambə tə fwɔ̀t may tsunə tûm usə̂ u wi wə, tə̀ tə nuulə ndownə, tə n daŋŋə neyzəə tsu nghee u loʼnə tii.

Jems 1:24 Mawu Ofanana

Matyo 8:27

Dzuu zə n ngii zum ghə̂ ghey, ghə n bəbə nə̀, “À wən loʼ ndzoʼo wù ghaa wə? Zəŋ nsə tuŋutuŋu tə dzuu tə zow daŋŋə tə̀ wi!”

Lukas 1:66

Ghə̂ ghey ghə â zownə ghəə a tii ghə, n ney naŋa n fə̀ŋ tə ghə. Ghə n bəbə nə̀ “Waa wən i bəghə doʼlə ndzoʼo wù ghaa wə ə?” Ghə â bəbə sey, n təŋkey, ghə â koʼ tsunə daʼa K-a-zə̀ kə loʼ n kow wi.

Lukas 7:39

Ambə wù Falasi wey tə mə naʼanə Yeso koʼ tsunə sey, tə n moʼlə n fə̀ŋ ə wi nə̀, “Abə wù wən mə ndzəm lòʼnə wù tûm Kəzə̀, tə̂ tə mə khə wù wey tə mɔmmə nə wi, ndzoʼo weyzən wən tə lòʼ ghii wi, nə a loʼ weyzən u bəbə wə.”

1 Tesalonika 1:5

N ghəə ghən dza n tənkey, ghey ka maŋ naʼa dzə tûm i dzuŋu zən tə̀ ghaa nə idzuu. Ghey naʼa n daʼa K-a-zə̀, daʼa kə Zay kə Zow kə, nsə fə̀ŋ tə ghey tə tədzəm. Ghaa khənu jìi zey ghey â muunə tii n nəŋə zey ghey â loʼnə ghi ghaa. Ghey â muu sey n ndzuŋ ə ghaa.

Jems 1:23

Wù wey tə maŋa zəllənə ghɔɔmə i Kəzə̀ nə̀ tə ghəŋŋə ndow way ghəə zey tə zownə, tə loʼ tə a loʼ wù tə nyaŋŋənə tûm usə u wi wə nə kəlungali ni koʼ nghee tə loʼnə tii.

Jems 1:25

Wù wey tə kee tɔʼ laalə nyi tsunə ghəə ghə tə̀ laŋ kən kə bəghəshiənə ghə̂ ghə diinə, təmi taw tsu kə tii ni ghəŋŋə ndow ghəə ghey tə zownə nə̀ tə neyzəə way, Zə̀ kə i buulə wi n ghəə ghey tə ghəə ghey tə ghəŋŋənə.

2 Pita 3:11

Nghee i loʼ nə̀ Zə̀ kə i ləŋi maʼa fə wən udzəm n jìi i zən, i sey dii nə̀ ghaa khə ni muu ndzoʼo muu i ghaa zə ə? Ghaa khə ni muu muu i zow zə, ngɔɔmə soʼo Kəzə̀ nəŋə tədzəm,