Jems 1:22 - Kaa n Kəzə̀ n fəghə mə

²² Kə ghaa nə maŋa zəllə kənə ghɔɔmə i Kəzə̀ zə, ghaa khə ni ghəŋŋə ndow ghəə zey i dzanə. Nə à way sey, ghaa sey maŋa nəbə wû i ghaa.

Jems 1:22 Mawu Ofanana

Matyo 12:50

Wù wey tə ghəŋŋənə ghəə ghey Bày wuŋ idəŋ ləghənə, tə sey loʼ waazə wuŋ u num wə, waazə wuŋ u zən wə nsə này wuŋ.”

Matyo 28:20

dii ndòw ghə n ghəə ghə, nə̀ ghə i naŋŋə laŋ wey udzəm â fuunə tə̀ ghaa. Keeli tsu na nə̀ mə i loʼ ghi ghaa nəŋə tədzəm, tə̀ mbi nə̂ bə may.”

Lukas 11:28

Yeso n beeli ndòw wi dza, “buulə i fəd loʼ tə̀ ghə̂ ghey ghə zownə ghɔɔmə i Kəzə̀ zə naŋŋə.”

Tùm i dzuŋu zə kuum Yeso Klisto tə Jɔn â tɔɔnə 13:17

Nya wən ghaa khənə isəŋə zən, Zə̀ kə i fuu ghaa n buulə zə abə ghaa dii ndow isəŋə i tii zə n ghəə a ghaa a ghəŋŋə ghə.”

Roma 2:13

I loʼ sey n təŋkey, a way dzə wù wey tə khənə ghəə ghey laŋ kə dzanə, tə doʼlənə tsətsəghə n sə K-a-zə̀, à loʼ wù wey tə ghəŋŋə ghəə ghə tə laŋ kə diinə, tə doʼlənə tsətsəghə n sə K-a-zə̀.

1 Kɔrint 15:33

Sey, kə ghaa i nyəŋ laʼ n baa ghə̂ ghən ghə dzanə ndzoʼo ghəə ghən, n təŋkey, “Fə a bəbə a bəəbə maʼa wù wey tə khənə mwam u dzuŋu wə.”

1 Kɔrint 3:18

Kə̂ ghaa nə̂ nəbənə wû i ghaa zə, abə wù ghaa u loʼ u moʼlənə nə̀ tə khə utɔb n ghəə a mbi, tə khə ni doʼo tə̀ a loʼ wù laʼlə, tə i baa loʼ ni keeli tsu utɔb.

1 Kɔrint 6:9

Ghaa khə way nə̀ ghə̂ ghey ghə ghəŋŋənə ghəə a bəbə ghə, ghə î zə̂ way Fɔɔ u Kəzə̀ wə ə? Kə̂ wù loʼ nə nəbənə ghaa! N dza bə tə̀ ghaa nə̀, ghə̂ a laŋŋə ghə, ghə̂ ghey ghə ngɔɔmənə muʼu mə, ghə̂ ghən ghə taa zaʼa wû zə, gheynum ghən ghə nyəŋinə n wû i ghə,

Galeshia 6:3

Abə wə moʼlə nə̀ wə dow tsəghənu ni fuu wù n gaamə zə, wə sey nəbə wû wə, n təŋkey, wə ka dow tsəghə dzə.

Galeshia 6:7

Kə ghaa nə nəbənə wû i ghaa zə, wù way ni tsìi Kəzə̀. Fə key wə zəghənə, wə i keeli soʼo kə ghii.

Filipi 4:8

Ni guŋ kɔʼ ghɔɔmə zən a waazə ghə, ghaa khə ni naŋa tsu moʼlə tə ghaa n ghəə ghey a loʼnə isəŋə, ghəə ghey a khənə ngɔɔmə zə, ghəə ghey a loʼnə tsətsəghə, ghəə ghey a zownə, ghəə ghey a dzɔbənə, ghəə ghey a khənə kɔʼləmə, ghəə ghey ghə̂ ghə î ləghənə ni zow nsə ghəə ghey ghə î duʼlənə ni koʼ.

Kolose 3:17

Ghəə zey ghaa ghəŋŋənə nkee ghaa dzanə, i khə ni loʼ n zəd i Mûkəbii Yeso, fuu ndow kəzɔŋŋə tə Zə̀ kə tə loʼnə Bày n zəd i Mûkəbii Yeso.

2 Timoti 3:13

Ghə̂ a bəbə ghə nsə ghə nəb ityim nə faalə bəb njaʼ may ndow. Ghə nə nəbə ghə̂ ghə, ghə̂ a nə nəbə soʼo ghə.

Taytus 3:3

N dza sey n təŋkey, saa soʼo, saa â bùʼ loʼ tsə ghə̂ a laʼlə ghə tə a loʼ ghə. Saa â zow way tə̀ Zə̀ kə, ghəŋŋə soʼo ghəə a bəbə ghə. Ghə n məŋŋə naŋa saa, saa n fəd doʼo ndow ukɔd n baa fə u mbi. Saa n muu tən kə ni ghəŋŋə ghəə a bəbə ghə nsə ni mbuŋŋə fə wey ghə̂ a khənə. Saa n ghəŋə nə̀ ghə̂ ghə i baa saa, saa n baa soʼo wû i saa.

Jems 1:26

Wù wey tə moʼlənə nə̀ i ghəŋŋə ghəə ghey a kpiilənə n sə K-a-zə̀ nə̀ tə way ni kəmə naŋa dzuu i wi, tə maŋa nəbə wû u wi, ghəə a Kəzə̀ a wi a tii ghə u maŋ loʼnə kənunu.

Jems 4:11

Waazə ghə, kə ghaa nə khəə fəghəm tə n wû i ghaa. Wù wən tə khəənə fəghəm tə n tow kə waazə nkee saʼa wi, tə sey kii maʼa kəlaŋ, saʼa soʼo. Abə wə saʼa laŋ kə, wə sey way dzə wù wey wə naŋŋənə laŋ kə, wə fəd loʼ wù wey wə kii maʼlənə laŋ kə.

Jems 4:17

Keeli tsu na nə̀, abə wù khənə nə̀ à wən loʼ ghəə zey i kpiilənə ni ghəŋə, tə ka ghəŋə ghə i tii zə, wù tii n sey ghəŋə bəəbə.

2 Pita 2:13

Zə̀ kə i chɔdlɔ ghə̂ ghən ni tsə dzəŋŋə ghə n ghəə a bəbə ghən ghə ghəŋŋənə. Ghə ney nə̀ à loʼ ghə i dzuŋu zə tə̀ ghə ni zəələ wû i ghə zə, ghəŋŋə kaabə tsə dzəə dzəə tə aghəə n mgbala tsə tə. Ghə loʼ tə a loʼ tɔɔlə tə dzəə tə, tə ngii ney bənə tow kə dədlə kə n fəŋŋə kə ghaa abə ghə zəələnə wû zə n ghəələ n ghə n tsɔŋɔ mey.

1 Jɔn 1:8

Abə saa dzanə nə̀ saa ka ghəŋə bəəbə dzə ghə i loʼ zə, saa nəbə wû i saa, saa a dza soʼo way isəŋə i loʼ zə.

1 Jɔn 2:3

Abə saa naŋŋənə laŋ u Kəzə̀ wə, i sey dii nə̀ saa kuum khənu wi.

1 Jɔn 3:7

Ghaa ghən ghaa loʼnə waa ghuŋ a dzuŋu ghə, kə ghaa i bəghəm nə wù loʼ nəb ghaa. Wù wey tə ghəŋŋənə ghəə ghə tsətsəghə n sə̂ K-a-zə̀, sey loʼ tsətsəghə ighələ tə̀ Klisto loʼnə tsətsəghə n sə̂ K-a-zə̀.

3 Jɔn 1:11

N fə̂, kə wə nə dzûmə ndzoʼo mwam u bəbə wən, i dzûmə ndow ghəə a dzuŋu ghə. Wə keeli tsu nə ghə̂ ghən ghə ghəŋŋə ndzuŋ, dii bə nə ghə loʼ waa a Kəzə̀. A ghey ghə ghəŋŋə ghəə a bəbə ghə, ghə khə way Zə̀ kə.

Chi dii 12:9

Ghə n tən maʼa shi tsu ndow faŋkwu kə ngəm key. À wən loʼ zuu i wey wey zən zə â loʼnə nə nzeyyə, ghə tɔŋŋə nə̀ à loʼ Avəətsəə nkee Satan. À loʼ wi tə â sii ndzəŋnə mbi idzəm. Ghə n tən maʼa shi tsu bə wi fa a ghəlitsə, tən maʼa tsu bə soʼo tsətəndəghə tə wi ghi wi.

Chi dii 22:7

Yeso dza nə̀, “Zow na! Mə i kuʼlə bəghənu! Zə̀ kə i buulə ghə̂ ghey ghə i dzûmənə ghɔɔmə zən ghə dza naŋa zeynə n màʼlə kən!”