Jems 1:18 - Kaa n Kəzə̀ n fəghə mə

¹⁸ Â tsəm kɔʼ Kəzə̀ nə saa doʼo bə waa a wi n bam i ghɔɔmə i wi zən i loʼnə isəŋə, sey nə̀, saa loʼ ni doʼo ghə̂ ghey ghə tsəghəshinə fə wən tə bɔmnə fa n mbi udzəm.

Jems 1:18 Mawu Ofanana

Tùm i dzuŋu zə kuum Yeso Klisto tə Jɔn â tɔɔnə 1:13

Ghə ka doʼo bə dzə waa a Kəzə̀ ghə, nə̀ Zə̀ kə ji bə ghə tə wù sɔŋtsuʼ nə jiənə waa, â ləghə tsu Kəzə̀ ni fuu ghə n muu i fəghə zə nə̀ ghə doʼo waa a wi.

Roma 4:17

I loʼ sey n təŋkey i tɔ̀ɔ doʼo n màʼlə K-a-zə̀ nə̀, Zə̀ kə â dza tə Abraham nə̀, “Mə n ghəŋə nə̀ wə doʼo bày tə̀ naʼa tə n ndəm.” Tə loʼ bày saa n sə̂ K-a-zə̀, Zə̀ kən tə â bəghəmnə tə̀ wi. À loʼ Kəzə̀ kə fuunə muu zə tə ghə̂ ghən ghə kpu dzənə, ghəŋŋə soʼo nə̀, fə wən u ka kam doʼo koʼ tsə, nə̀ u doʼo bə.

1 Kɔrint 4:15

Abə ghaa bùʼ khə kənə ghə̂ ghə tə a loʼ təkam ighəm ghə dəŋənə ghaa nə̀ ghaa i loʼ nə kəfə kəmɔʼ ghi Klisto, ghaa khə kə bày umɔʼ. A may kə mə, mə â doʼo bə tə̀ a loʼ bày ghaa n təŋkey, ghaa â doʼo bə nə kəfə kəmɔʼ ghi Klisto nə̀ à loʼ mə n ney bənə tûm i dzuŋu zə tə̀ ghaa.

2 Kɔrint 6:7

Ghey dza isəŋə nəŋə tədzəm, Zə̀ kə u fuu soʼonə ghey n daʼa kə ni ghəŋŋə ghəə ghey a kpiinə. Ghəə a dzuŋu ghən ghey ghəŋŋənə loʼ tə̀ a loʼ fə u tsam u ghey n kpii kə zə̂ə kə nsə n kpii kə kwɔɔ kə.

Efesus 1:12

Tə ghəə ghən ghəŋə sey nə̀, saa ghən saa loʼnə ghə̂ a sə̂ isə ghə ni gaʼ fə̀ŋ n kow Klisto, saa i muu ni fuu nkɔʼlə tə wi kuum ghaʼ i wi.

Efesus 1:13

Ghaa â zow soʼonu isəŋə, tɔŋŋə tûm i dzuŋu zən i fuunə ghaa n bəghəshi zə. Ambə ghaa bəghəmnə tə̀ Klisto, Zə̀ kə n fuu ghaa n tsəə zey tə â təb naŋanə, tɔŋŋə Zay kə Zow kə, ni dii nə̀ ghaa loʼ ghə̂ a wi.

2 Timoti 2:15

Ndəmi tsu wû wə ni doʼo tə a loʼ wù kəfwaʼ wən Zə̀ kə bəghəm naŋanə, ndzoʼo wù kəfwaʼ wey tə dədlə way n tow kə, wù kəfwaʼ wey tə loʼ soʼonə ni tɔʼ tiilə dza tûm zən i loʼnə isəŋə.

Hibru 12:23

Ghaa n bə n dzəŋi kə ghə̂ ghey ghə loʼ tə a loʼ waa a Kəzə̀ a sə isə ghən zəd a ghə a tɔ̀ɔ doʼonə idəŋ. Ghaa n bə n səə Zə̀ key kə saʼanə ghə̂ ghə adzəm. Ghaa n bə n luʼu key zay u ghə̂ a Kəzə̀ ghən muu i ghə zə â loʼnə tsətsəghə, Zə̀ kə n ghəŋə nə̀ ghə kpii tsu ghə̂ ghey tə ləghənə nə̀ ghə i loʼ ghii kə.

Jems 1:15

Ambə moʼlə tə bəbə tən nyi bəghə taw tsunə n fə̀ŋ zə, wə n zey ndow ni ghəŋə ghəə a bəbə ghə. Ambə wə ghəŋə tsəghə tsunə ghəə a bəbə ghə, və zə n bə ney nuu kɔʼ wɔ.

Jems 1:21

Sey, ghaa khə ni maʼa mwam u dzəə wə nsə ghəə a bəbə ghən a loʼnə n fəŋŋə kə ghaa. Ghaa bɔɔmə ney naŋa ghɔɔmə i Kəzə̀ zey tə kuu naŋanə n fə̀ŋ tə ghaa, a loʼ i ghii zə i bəghəshiənə ghaa.

Jems 3:14

Abə i kee loʼ nə̀ ghaa khə ghoʼ kə bəbə kə n fə̀ŋ tə ghaa, ngii shiə soʼo n sə ghə, kə ghaa nə nəŋŋə nyiə naŋŋənə isəŋə, ghaŋŋə iwû nə̀ ghaa khə utɔb.

1 Pita 1:23

N dza sey n təŋkey n bam i ghɔɔmə i Kəzə̀ zən i fuunə muu zə, i loʼ soʼonə nəŋə tədzəm, ghə n ji kuulə ghaa tə a loʼ waa a wù wey tə kpuu way, nə̀ à way dzə tə a loʼ waa a wù sɔŋtsuʼ wey tə loʼ nə̀ tə kpuunu.

1 Pita 1:3

Saa fuu kəzɔŋŋə tə̀ Zə̀ kə tə loʼnə Bày tə Mûkəbii saa Yeso Klisto! Nghee tə ngii khənə sî i kwɔɔlə zə, tə n ghəŋə nə̀ saa i khə muu i fəghə zə nghee tə zhəm dzəŋŋə bənə Yeso Klisto nə ivə. À wən loʼ ghə i tii zə, saa muunə, ləmmə tənə nə̀ Zə̀ kə i fuunu saa n fə key tə â təb naŋanə tə̀ saa.

1 Jɔn 3:9

Ghə̂ ghən ghə loʼnə waa a Kəzə̀ ghə, kəm way ni ghəŋŋə ghəə a bəbə ghə bòʼ nə̀ mwam u Kəzə̀ a loʼ n kow ghə, nsə təŋkey, Zə̀ kə loʼ Bày ghə, sey, ghə kəm way ni tsəghə ndow n sə kə ni ghəŋŋə ghəə a bəbə ghə.

Chi dii 14:4

À wən loʼ ghə̂ ghən ghə â ka dzəələ wû i ghə ghi gheyzən ghə, boʼnə ghə â doʼo tən kə nə̀ ghə ka nyəŋi koʼ ghi weyzən. Ghə n dzûmə Waa Nji zey n luʼu tey tədzəm tə ndownə. Ghə loʼ ghə̂ ghən ghə bəghəshi bənə ghə n wɔɔ kə wù sɔŋtsuʼ. Ghə loʼ fə u sə isə wən u fən bə nə usum, saa fuu ndownə tə̀ Zə̀ kə nsə tə̀ Waa Nji.