Jems 1:10 - Kaa n Kəzə̀ n fəghə mə

¹⁰ À kee bə tə tey tə kuum nə̀, khə ni duʼlə nə̀ Zə̀ kə n ghə tsuulə naŋa. I loʼ sey n təŋkey, ghə̂ a kûm a duʼlə tsuŋŋə way, ighələ tə bəllə wə ughìi u doʼlə tsuŋŋə way.

Jems 1:10 Mawu Ofanana

Matyo 5:3

Buulə i loʼ tə̀ ghə̂ ghey ghə koʼo keelinə nə̀ fə̀ŋ tə ghə tə taw way n sə̂ K-a-zə̀, N təŋkey, fɔɔ wə idəŋ u loʼ tə̀ ghə.

Matyo 6:30

Abə Zə̀ kə loʼ ni dzəŋə təndzə̂ n kow ghìi wən u nyim kɔʼɔ na, ambə tsətsə nə̀ ghə sàŋ, kpəghə maʼa nə uvəllə, tə i boʼo laalə ngee tə ghaa a? A loʼ nə̀ bəghəm i fə̀ŋ zey ghaa khənə tə Zə̀ kə, i ngii təbənu.

1 Kɔrint 7:31

Abə a ghey ghə fwaʼanə n fə̂ u mbi, kə ghə nə ngii fuu nyiə ndownə wû i ghə zə tii n təŋkey mbi zən a loʼnə tii, nya tsəghə daŋŋənu.

Filipi 3:8

N ney ghəə a tii ghə adzəm tə a loʼ ghəə a kənunu tə̀ mə̀. Mə n maʼa ndow ghəə a tii ghə adzəm n tənkey, à dzɔb tsəghəshi ni tɔʼ keeli tsu Yeso Klisto, Mûkəbii wuŋ. Kùmnə a loʼ bòʼ wi mə â ndzəm maʼanə fə̂ wə udzəm, naŋa ndow nə̀ a loʼ udzə, sey nə̀ n keeli tsu kə Klisto,

1 Timoti 6:17

Dza ndow tə ghə̂ ghey ghə kuumnə n mbi zən nya nə̀ kə ghə nə ghaŋŋə wû wə, kə ghə nə gaʼa soʼonə fə̀ŋ tə ghə tə n fə u mbi nə u doʼlə tsuŋŋə way, ghə fəd gaʼ ndow fə̀ŋ tə ghə n kow Zə̀ kə, tə fuunə saa n fə wə udzəm nə saa i muu muu i dzuŋu zə naʼ idzəm.

Jems 4:14

Ghaa ghaŋŋə iwû sey nə̀ ghaa bùʼ khə way nghee tə muu i ghaa zə i loʼnə tii tsətsə. Ghaa maŋ loʼ tə a loʼ dəm k-a-nyoʼ kən kə shiə kɔʼɔ bənə, ghab kə n ka shi nə̀ kə n ghaʼi saŋ nuu.

1 Pita 1:24

I loʼ tə i tɔ̀ɔ doʼonə n màʼlə K-a-zə̀ nə̀, “Wù sɔŋtsuʼ maŋ loʼ kə tə a loʼ kəghìi, Nyiələ i ghə i maŋ loʼ kə tə a loʼ bəllə u ghii u mbvən wə. Ghii u tii u fɔɔ zum nuu kɔʼɔnu, bəllə u tii wə n zəʼlə nuu tsu.

1 Jɔn 2:17

Mbi zən nsə fə wən udzəm u loʼ nə tii ghə̂ a ləghə nə̀, u tsəghə daŋŋənu. À kee loʼ nə̀, ghə̂ ghey ghə ghəŋŋənə ghəə ghey Zə̀ kə ləghənə, ghə keeli muu zə itsali.