Jems 1:1 - Kaa n Kəzə̀ n fəghə mə

¹ A màʼlə kən tɔ̀ɔ bə mə Jems. N loʼ wù kəfwaʼ tə Zə̀ kə, loʼ soʼo wù kəfwaʼ tə Mûkəbii Yeso Klisto. N tɔ̀ɔ bə tə̀ ghə̂ a Təjuu ghən ghə saali doʼo kaabənə n badla tə mbi tədzəm. N tɔŋɔ zow bə ghaa.

Jems 1:1 Mawu Ofanana

Matyo 10:3

Filip nsə Batolomiyo, Thɔmɔs, ghi Matyo tɔŋŋə wù kwɔɔ u kəmàʼlə, Jems, waa Afus, ghi Tadyos.

Matyo 13:55

À wən way waa Kamenda wən ə? Zə mgbaŋ way Maliya a? Waazə a wi a mgbaŋ way Jems, Yosef, Shimun nsə Judas ə?

Matyo 19:28

Yeso n dza ndòw tə̀ ghə nə̀, “N kuum dza bə tə̀ ghaa nə̀, abə Waa Weynum î doʼnə n kuu kə ufɔɔ kə wi kə nyiələ kə n mbi i fəghə zə, ghaa ghən ighəm n ghii ghə abəghə i doʼ soʼo fu n kuu u təfɔɔ, saʼa naʼa tə Izree tən ighəm n ghii tə təbəghə.

Malakus 3:18

Andria, Filip, Batolomyo, Matyo, Tɔmɔs, Jems waa Afus, Tadios, Shimun, wù wən tə a taʼa ghi ghə̂ ghən ghə ləghənə naʼ zə,

Lukas 22:30

Sey nə̀ ghaa i loʼ ghi mə̀ n baŋŋə kuŋ, n fɔɔ wùŋ, ghaa i zəə, ghaa i məə, ghaa doʼo ndow n kuu u təfɔɔ ni saʼ naʼa tə Izree tən ighəm n ghii tə təbəghə.”

Lukas 6:15

Matiə ghi Tɔmɔs; Jem waa Afus, nsə Shimun wən ghə â tɔŋŋə soʼonə wi nə̀ à loʼ wù wən tə ngii ləghənə naʼ i wi zə;

Tùm i dzuŋu zə kuum Yeso Klisto tə Jɔn â tɔɔnə 12:26

Wù wey tə ləghənə ni doʼo wù kəfwaʼ wuŋ, khə ni dzûmə mə, nə luʼu key n loʼnə tii, wù kəfwaʼ wuŋ i loʼ sòʼo fu. Abə wù fwaʼanə tə̀ mə, Bày wuŋ n ngɔɔmə wù tii.”

Tùm i dzuŋu zə kuum Yeso Klisto tə Jɔn â tɔɔnə 7:35

Ngəd tə Təjuu tə n zey ndòw ni ghɔɔmə n wû i ghə nə̀, “Tə dza i boʼo ndòw ghee, saa î way ni kəŋ koʼ wi ə? Tə moʼlə ni ndow n naʼ i Grik, n luʼu key ghə̂ a saa a muu kaabənə tii ni dii ndòw ghə̂ a Grik ghə ə?

Kəfwaʼ 1:13

Ambə ghə bə nyi bənə n Yerosalem, ghə n kɔʼ daŋŋə ndow n dzuu i ndaw zey ghə â muunə tii, i doʼo kuulə kɔʼ idəŋ. Ghə̂ ghey ghə â loʼnə fu â loʼ Pita, Jɔn, Jems, Andria, Filip, Tɔmas, Batolomio, Matyo, Jems waa Afus, Shimun, wù wey tə â ngii ləghənə naʼ i wi zə, nsə Judas waa Jems.

Kəfwaʼ 12:17

Tə n foʼlə tsu nə awɔɔ nə ghə doʼo tsu mɔŋ. Sey, tə n tiilə dza ndow tə ghə nghee Mûkəbii ney nuu shi bənə wi tii n ndaw tsaʼ. Tə n dza tə ghə nə̀, “Dza nduŋŋə ndow na ghəə ghən tə Jems nsə dzûmə tə Klisto tə loʼ tey tədzəm.” Nghee tə dza tsunə sey tə n daŋŋə nuu ndow soʼo n luʼu kə nuu kə.

Kəfwaʼ 15:13

Ambə ghə ghɔɔmə may tsunə, Jems n nuu təmi kɔʼ dza nə̀, “Waazə ghə, ghaa zow!

Kəfwaʼ 15:21

Ghə naʼlə tsə laŋ Mushi wən nə tənaʼa num tənum, tɔŋɔ soʼo n ndaw tə udzəŋi tə ghə̂ a Təjuu tədzəm n tsuʼu mə inaʼ.”

Kəfwaʼ 15:23

Ghə n tɔ̀ɔ tsu màlə kən, fuu tsu n wɔ ghə nə ghə ndow n ghii kə. Màʼlə kə tii kə â dza nə̀, “À màʼlə kən tɔ̀ɔ bə ghey waazə a ghaa, ghey loʼnə ngəd tə Yeso tə nsə ghə̂ a nii ghə n dzəŋi kə dzûmə tə Klisto n Yerosalem. Ghey tɔ̀ɔ bə tə dzûmə tə Klisto tən tə loʼ nə̀ a way ghə̂ a Təjuu n Antyɔk, Sirya nsə n Silishya. Ghey tɔŋŋə zow bə ghaa.

Kəfwaʼ 2:5

Ghəə ghən â shi nə̀ ghə̂ a Təjuu ghən ghə ngɔɔmənə Zə̀ kə n fə̀ŋ ə ghə idzəm loʼ n Yerosalem. Ghə â nuu bə n naʼa tə mbi tədzəm.

Kəfwaʼ 21:18

Tsətsə wey, ghey n dzəŋi ndow ghi Pɔl ni ndow koʼ Jems. Ngəd tə dzûmə tə Klisto tey fu tədzəm n loʼ soʼo fu.

Kəfwaʼ 23:26

“A loʼ mə Klodius Lishyas n tɔ̀ɔ bə màʼlə kən. Mûkəbii, n tɔŋɔ zow bə wɔ ə gɔvənɔ Feliks.

Kəfwaʼ 26:7

À wən loʼ təb kən naʼa tə ghey tən ighəm n ghii tə təbəghə tə ləmmə tənə ni keeli, nghee ghə ngɔɔmənə Zə̀ kə n tsə tə nsə n tsuʼu tə n fə̀ŋ tə ghə tə tədzəm. À loʼ bòʼ bəghəm zən a Mbee, ghə̂ a Təjuu a kwɔɔnə mə tii.

Kəfwaʼ 8:1

Sɔl â bəghəmnu n fə̀ŋ ə wi idzəm nə ghə wey Sətifən. Ni ney nuu tsu n tsuʼ fey ghə â weynə Sətifən tii, ghə n zey ni ngii chɔd ghə̂ a dzəŋi kə dzûmə tə Klisto n Yerosalem. Dzûmə tə Yeso tən tədzəm n saŋŋə nyi nuu ndow n naʼa tey n mboʼo Judeya nsə n Samaria. À n doʼo səə tsu kə ngəd tə Yeso fu tii n Yerosalem.

Roma 1:1

À màʼlə kən tɔ̀ɔ bə mə Pɔl wù kəfwaʼ ə Yeso Klisto. Zə̀ kə mâ mə sày tə a loʼ ngəd ə Yeso, naŋa mə nə̀ mə i naʼlə tûm wi i dzuŋu zə.

Galeshia 1:19

Mə â ka koʼ dzə ngəd tə Yeso tə loʼ tey tsəghəshiə way waazə Mûkəbii tɔŋŋə Jems.

Galeshia 2:12

I loʼ nə̀, Pita â zəə dzəŋi tsənu ghi ghə̂ ghən ghə way ghə̂ a Təjuu ghə. Ambə ghə̂ a Təjuu a loʼ a ndow bənə nə a ghə tûm bə Jems, Pita n doʼo ndow, kəm zəə dzəŋi way ghi ghə̂ ghən ghə way ghə̂ a Təjuu ghə. Tə â ghəŋə sey, n təŋkey tə â tsəŋə nə̀ kə ghə̂ a Təjuu ghən ghə â tey tənnə nə̀ ghə teeli khə ni səghə tyi kə wù, kə ghə nə sənnə nə nə̀ tə zəə dzəŋi ghi ghə̂ ghən ghə ka səghə tyi u ghə.

Galeshia 2:9

Ambə Jems, Pita nsə Jɔn, ghə â loʼnə tsən tə fu, koʼ keeli tsunə nə̀ Zə̀ kə n fuu mə n ndzuŋ, ghə n tɔʼ tɔŋɔ zow bə mə ghi Banabas ni dii tsu nə ghey fwaʼa fwaʼ kə mɔʼɔ kə ghi ghə. Ghə n bəghəm dzəŋi kɔʼ nə̀, Banabas ghi mə fwaʼa ghi ghə̂ ghən ghə way ghə̂ a Təjuu ghə, ghə u kee fwaʼa nə ghi ghə̂ a Təjuu ghə.

Filipi 1:1

À màʼlə kən tɔ̀ɔ bə mə̀ Pɔl nsə Timoti, ghey loʼnə ghə̂ a kəfwaʼ a Yeso Klisto ghə. N tɔ̀ɔ bə tə̀ ghə̂ a Kəzə̀ a zow ghə, ghə loʼnə nə kəfə kəmɔʼ ghi Yeso Klisto n naʼ i Filipi. N tɔ̀ɔ bə soʼo tə̀ ghə̂ ghey ghə loʼnə tow wə n Ndaw Kəzə̀ nsə ghə̂ ghən ghə fuunə gaamə zə n Ndaw Kəzə̀.

2 Timoti 4:21

Dəmə tsu nə wə bə tən nya nə̀ nəŋə zə ufəb i ka kam bə. Yubulus tûm bə wɔ n tɔŋɔ zow zə. Pudens, Laynus, Klodia nsə dzûmə tə Klisto tən fa adzəm, tûm bə soʼo itɔŋɔ zow.

Taytus 1:1

À màʼlə kən tɔ̀ɔ bə mə Pɔl. N loʼ wù kəfwaʼ ə Kəzə̀, lòʼ soʼo ngəd ə Yeso Klisto. Zə̀ kə â say kɔʼ mə, tûm bə nə̀ n bə gaamə ni ghəŋə nə̀ bəghəm i fə̀ŋ i ghə̂ ghən Zə̀ kə sày naŋa nə̀ ghə doʼo ghə̂ a wi, zə i nyîmmə, n ghəŋə soʼo nə̀ ghə keeli isəŋə zey i loʼ ni gaamə ghə nə̀ ghə i muu n jìi zey Zə̀ kə ləghənə.

1 Pita 1:1

À màʼlə kən tɔ̀ɔ bə mə Pita, n loʼnə ngəd ə Yeso Klisto. N tɔ̀ɔ bə tə̀ ghaa ghən Zə̀ kə sàynə, ghaa tyi nyi doʼo kaabə tsənə n mboʼo tə Pontus, Galeshya, Kapadoshya, Eshya, nsə n Bitinya.

2 Pita 1:1

À màʼlə kən tɔ̀ɔ bə mə Shimun tɔŋŋə Pita wən n loʼnə wù kəfwaʼ nsə ngəd ə Yeso Klisto. N tɔ̀ɔ bə tə̀ ghaa ghən Zə̀ kə ghəŋənə nə̀ ghaa bəghəm tə Klisto tə a loʼ ghey. À loʼ bòʼ ndzuŋ ə Zə̀ kə saa nsə bəghəshi ə saa Yeso Klisto i ghəŋənə nə saa i khə ndzoʼo bəghəm i fə̀ŋ zən.

Màʼlə kə Jud tə̀ ghə̂ a Kəzə̀ ghə 1:1

À màʼlə kən tɔ̀ɔ bə mə Jud wən n loʼ waazə Jems nsə wù kəfwaʼ a Yeso Klisto. N màʼlə kən tɔ̀ɔ bə tə̀ ghə̂ ghən adzəm, Zə̀ kən kə loʼnə Bày saa ləghənə, sày naŋa nə̀ ghə doʼo n tənə Yeso Klisto.

Chi dii 7:4

Sey, mə n zow taŋ aghə̂ ghey ghə a khənə tsə̀ə, zə n loʼ aghə̂ təkam fəbɔm nsə kam tə nghəm kaykə kam tə təkaykə (144,000) ghə shi n sali ndaw tən ighəm nsə ghii tə təbəghə n naʼ zə Izree.