Hibru 9:8 - Kaa n Kəzə̀ n fəghə mə

⁸ Jìi zey fə wən a bayyə doʼonə tii udzəm, Zay kə Zow kə dii may bənu nə̀, jìi ni nyi tɔɔlə ndow n luʼu kən kə zow tsəghənə luʼu tə tədzəm fìi doʼonu abə ghə nam ngɔɔmənə Zə̀ kə n dzuu i sə isə zey nə kəfəə.

Hibru 9:8 Mawu Ofanana

Lukas 1:80

Waa tii, tɔŋɔ Jɔn n nyim kɔʼ bə n wù, keeli tsu fə̀ŋ, ndow muu doʼo ndow n mbvən ə ntsaŋ ni ndòw kùm n nəŋə zey tə â kaʼnə ni naʼa tûm Kəzə̀ tə̀ ghə̂ ghə Izree ghə n mgbaŋ.

Tùm i dzuŋu zə kuum Yeso Klisto tə Jɔn â tɔɔnə 10:7

Sey Yeso n kəm dza ndòw tə̀ ghə nə̀, “N kùm dza bə tə̀ ghaa nə̀, n loʼ fuʼ u mbàa u tənjì.

Tùm i dzuŋu zə kuum Yeso Klisto tə Jɔn â tɔɔnə 10:9

N loʼ fû u mbàa, wù wey tə̀ tsəghə nyinə tii, tə î keeli ibəghəshi. Ghə i shiə fəə ghii wə, nyiə dzəŋŋə nə̀ ghə khə way fəmmə kə loʼ kə.

Tùm i dzuŋu zə kuum Yeso Klisto tə Jɔn â tɔɔnə 14:6

Yeso n beeli ndow wi nə̀, “N loʼ jii, isəŋə nsə muu zə. Wù way dzə ni bə n səə Bày nə̀ a ka ney ndòw mə wi n səə wi.

Kəfwaʼ 28:25

Ghə n nuu dzawwə doʼo tsu n wû i ghə, zey nə u nuulə wə nghee ghə zow Pɔl dza tsunə nə̀, “Zay kə Zow kə â ka nɔʼ dzə ni dza tə ghə bày bày a ghaa ghə n bam i wù tûm Kəzə̀ Ayzaya nə̀,

Galeshia 3:8

I mâ tɔ̀ɔ doʼo zey n màʼlə K-a-zə̀ nə Zə̀ kə i ghəŋə ghə̂ ghən ghə way ghə̂ a Təjuu ghə, i doʼo bə tsətsəghə n bam i bəghəm i fə̀ŋ. Zə̀ kə mâ dza naŋa zey soʼo tûm i dzuŋu zə tə Abraham nə̀, “N bam zə, naʼa tədzəm tə i keeli ibuulə.”

Efesus 2:18

À loʼ n bam i Klisto saa dzəŋi loʼnə ni bə n sə̂ K-a-zə̀ n daʼa kə Zay kə Zow kə.

Hibru 10:15

Zay kə Zow kə tiilə dza bə soʼonu ghə i mɔʼɔ zə tə̀ saa nghee kə dzanə nə̀,

Hibru 3:7

Sey, tə Zay kə Zow kə dzanə nə̀, “Abə ghaa zow tsunə ghɔɔmə i Kəzə̀ zə n tsuʼ fə na fən,

Hibru 9:3

N bàa kə̀ŋ kə loʼ key kə â loʼnə fu, â loʼ fəə fə loʼ fey n fə̀ŋ ghə â tɔŋŋə nə̀ à loʼ Luʼu key kə Zow tsəghəshinə Luʼu tə tədzəm.

2 Pita 1:21

N dza sey n təŋkey, wù sɔŋtsuʼ u loʼ u way dzə tə â tsə̀m koʼ kɔʼnə n nəŋə wi ni dza ghəə ghey a nuu bənə n wɔ Zə̀ kə. Â fəd loʼ Zay kə Zow kə, kə â ghəŋənə nə̀ ghə i dza bə ghəə ghey a nuu bənə n wɔ Zə̀ kə.