Hibru 8:6 - Kaa n Kəzə̀ n fəghə mə

⁶ A kee bə nya, Zə̀ kə n fuu Yeso n fwaʼ kə fɔɔngili kən kə tsəghəshinə kə fɔɔngili tə wey tey, ighələ tə̀ kaa mey Klisto â bayyənə tə̀ Zə̀ kə ghi ghə̂ a wi ghə, dzɔb tsəghəshinə n sə isə mey n təŋkey, Zə̀ kə â dza n təb kə fəghə kən nə̀, ghə̂ ghə i keeli fə u dzuŋu wə a tii tsəghəshi u wey ghə â keelinə n laŋ kə Mushi.

Hibru 8:6 Mawu Ofanana

Lukas 22:20

Ambə ghə zə̂ may kɔʼnə, tə n ney pkiʼi kɔʼ wɔɔ nlə, fu ndow tə ghə dza, “Wɔɔ nlə zən loʼ nkaa n fəghə mə ghaa zəə ghi Zə̀ kə n kaŋ tuŋ n fəələnə bòʼ ghaa.

Roma 9:4

Ghə loʼ ghə̂ ghə Izree ghən Zə̀ kə â sàynə ghə nə̀ ghə doʼo waa a wi. Tə u dii bə kɔʼlə n wi mə tə ghə. Zə̀ kə â zə̂ nkaa ghi ghə, fuu ghə n laŋ u wi wə, ghəŋə nə̀ ghə i ngɔɔmə wi n jìi zey i kpiinə. À loʼ tə ghə, Zə̀ kə â təb naŋanə ghəə ghə n ndəm.

Efesus 2:12

N tsuʼu n tii mə, ghaa â buʼ khə way Klisto, ghaa â way dzə n taŋ a ghə̂ ghey Zə̀ kə sàynə, tɔŋŋə ghə̂ ghə Izree. Ghaa n khə way ghə i loʼ zə kuum kaa n tii mə nsə təb key Zə̀ kə â təb naŋanə tə̀ ghə̂ a wi ghə. Ghaa n muu fa n mbi nə̀ ghaa khə way Zə̀ kə, ghaa n buʼ khə way moʼlə zə ni kɔʼ idəŋ n səə Kəzə̀.

1 Timoti 2:5

I loʼ sey n təŋkey, Zə̀ kə loʼ kə kəmɔ̀ʼ, wù loʼ soʼo umɔʼ tə təmə dzəŋinə ghə̂ ghə ghi Zə̀ kə, wù tii loʼ Yeso Klisto.

Taytus 1:2

Isəŋə zən i ghəŋŋənu, ghə i loʼ ni muu, ləmmə tənə nə̀ Zə̀ kə i fuunu ghə n muu zən i may way. Zə̀ kə kən kə badla way ghəə ghə, â təb naŋa saa n muu zə itsali zən tə̀ wi ni bɔm mbi.

Hibru 12:24

Ghaa n bə n səə Yeso wən tə bayyənə nkaa n fəghə mə nsə n səə kaŋ tə wi tən tə â fəələnə ni sow maʼa ibəb i dzɔb tsəghəshi kaŋ tə Ebel tey tə loʼnə ni dey təngəmə.

Hibru 7:22

N kaa mən nya, Yeso n bə ghəŋə nə̀ saa i khə tən nə̀ kaa mən à zə̂nə saa ghi Zə̀ kə nya, tsəghəshinu n wey mey.

2 Pita 1:4

À loʼ n jìi i zən tə â fuunə saa n naamə u səŋi wey tə â təb naŋanə tə̀ saa. À loʼ naamə u səŋi wən u ghəŋŋənə nə̀ ghaa tyi nuu shi bə n ghəə a bəbə ghey gow uwû ləghənə fa n mbi, sey nə̀, ghaa loʼ ni mbɔŋ keeli soʼo muu zey Zə̀ kə khənə.