Hibru 8:5 - Kaa n Kəzə̀ n fəghə mə

⁵ Fwaʼ key ghə fwaʼanə tə̀ a loʼ ghə fɔɔngili maŋa fiilə ghəə ghey a loʼnə idəŋ, a baa way dzə ghəə ghey a loʼ idəŋ. À wey loʼ ghə i tii zə nghee Mushi a dza i khəm kɔʼ fəə fə tii fə, Zə̀ kə n dza tə̀ wi nə̀, “Tɔʼɔ laalə nyi tsu ni koʼ nə̀ ufə udzəm u bɔɔmə loʼ tə̀ a loʼ u wey wə â koʼnə nə ukaʼ.”

Hibru 8:5 Mawu Ofanana

Matyo 2:12

Ambə ghə dzəŋŋə ndownə, ghə n tsəghə ndòw jìi i nuu zə, n təŋkey, Zə̀ kə mâ tsə̀ ghə nə ujim nə̀, i kə̂ ghə nə̂ ndòw dzəŋŋənə n səə Helɔd.

Kəfwaʼ 7:44

Ghə bày bày a saa ghə â khə tsənu fəə key kə diinə nə̀ Zə̀ kə loʼnu ghi ghə nghee ghə â loʼnə n mbvən ə ntsaŋ. Ghə â khəm kɔʼ fəə fə tii fə n jìi zey Zə̀ kə a tiilə ndow tə Mushi. Ghə n bɔɔmə khəm tsu kə fəə fə tii fə n fòʼ zey Zə̀ kə â diinə tə Mushi.

Kolose 2:17

Ghəə ghən maŋ loʼ tə a loʼ kəzəŋŋə tə ghəə ghən a khə ni baa bə. Ghə i səŋi tii i baa loʼ Klisto.

Hibru 10:1

Laŋ kə maŋa dii bə nyaŋi fə ghəə a dzuŋu ghey ghə i bəghənə, kə dii may bə dzə way nghee tə̀ ghəə a dzuŋu a tii a baa loʼnə tii. À wən loʼ ghə i tii zə maʼlə u mɔʼɔ wən ghə fəələnə num tənum, way ni ghəŋə nə̀ ghə̂ ghən ghə bəghənə n səə Kəzə̀, nə̀ ghə doʼo nə̀ ghə khə way bwù i loʼ zə.

Hibru 11:7

A loʼ bəghəm i fə̀ŋ zə â ghəŋənə nə̀ Noa zow tsə̂ i Kəzə̀ n chɔd wən wə â khə ni bə shi nə̀ tə koʼo way. Tə n bɔɔmə zow ndow ghəə ghey Zə̀ kə dzanə, bəghə kɔʼ fə̀n kən kə â bəghəshinə wi ghi sali ndaw i wi zə. À loʼ bəghəm i fə̀ŋ zən Noa â khənə, tə a dii ndownə tə̀ ghə̂ ghə nə̀ ghə̂ a mbi a loʼ ghə̂ a bəbə ghə. Zə̀ kə â ney Noa nə̀ tə loʼ wù wən tə loʼnə tsətsəghə n təŋkey, tə â bəghəm tə̀ Zə̀ kə.

Hibru 12:25

Sey, ghaa ney ighə̂mə nə̀ kə ghaa i tuu ni zəllə tə̀ Zə̀ kə nghee tə ghɔɔmə bənə tə̀ ghaa. Abə ghə̂ ghə Izree ghə â ka nɔb shi nghee ghə â tuu ni zow tə̀ Mushi wey tə â fuunə ghə n tsə̀ zə fa a ghəlitsə, i sey dii nə̀ zə i bəbə tsəghəshiənu n kow saa, abə saa tuunə ni zow tə̀ wù wey tə ghɔɔmə tsuu bənə tə̀ saa idəŋ.

Hibru 13:10

Saa khə tsə zey ghə fəələnə maʼlə wə tii nə̀ ghə fɔɔngili ghən ghə fwaʼanə n fəə fey ghə̂ a Təjuu a ndow ngɔɔmənə Zə̀ kə tii, khə way daʼa kə ni zə̂ fə key ghə fəələ ndownə fu.

Hibru 9:9

Dzuu i sə isə zən loʼ tsəə i dii bənə tsuʼu mən saa loʼnə tii nya. I sey dii nə̀ fə wən nsə nyam tən ghə fəələ ndownə maʼlə wə tii tə̀ Zə̀ kə, way dzə ni ghəŋə nə̀ fə̀ŋ ə wù wey tə fuunə kɔʼlə n tii mə i kpii tə̀ Zə̀ kə.

Chi dii 15:5

Ambə ghəə ghən tsəghə tsunə mə n laalə, koʼ ndow ndaw Kəzə̀ i nii zə idəŋ chi tsunə, fəə fə Kəzə̀ fə n loʼ fu.