Hibru 8:11 - Kaa n Kəzə̀ n fəghə mə

¹¹ Wù ghə umɔʼ i way ni kəm dii aghəə tə̀ waazə a ghə ghə Nkee ni dza tə̀ waazə a ghə ghə nə̀, ‘Wə khə ni keeli Mûkəbii,’ N təŋkey aghə̂ adzəm i keelinu ndzoʼo wù wey n loʼnə, Ni zey nuu tsu n nyaŋi mə aghə̂ ndow kuum ndow n ghə̂ a səŋi ghə.

Hibru 8:11 Mawu Ofanana

Tùm i dzuŋu zə kuum Yeso Klisto tə Jɔn â tɔɔnə 6:45

I loʼ n maʼlə key tûm tə Kəzə̀ tə â tɔ̀ɔ naŋa nə̀, ‘À loʼ Kəzə̀ kə î diinə ghə̂ ghə adzəm n ghəə ghə’. Ghə̂ ghey ghə zownə ghɔɔmə i Kəzə̀ zə̀, zoʼlə aghəə n wɔ wi, i bə doʼlənu ghi mə.

Kəfwaʼ 8:10

Aghə̂ adzəm fu tii n fə̀ŋ inaʼ, ghə̂ atəghə ghə, nsə ghə̂ nii ghə â zow tsə tə wi. Ghə n dza tsə nə̀, tə loʼ daʼa key kə nuu bə nə n wɔ̀ Zə̀ kə tɔŋɔ, “Daʼa kə səŋi kə.”

1 Jɔn 2:27

A kee bə ghaa, Klisto n ghaa tsuʼ naŋa nghee tə fuunə ghaa n Zay kə Zow kə wi kə. Nghee Zay kə Zow kə loʼ dzənə n kôw ghaa, ghaa kəm khə dzə way ni kəŋ wù loʼ nə̀ tə dii ghaa n ghəə ghə. Tə i dii ghaa n ghəə ghey adzəm ghaa ləghənə ni keeli. Ghəə ghən tə i diinə tə ghaa loʼ isəŋə, a way dzə ghəə a badla ghə. Sey, dzûmə na ghəə ghey tə diinə tə ghaa, tə ghaa doʼo nə kəfə kəmɔʼ ghi Klisto.

1 Jɔn 5:20

Ghey khənu nə̀ waa Kəzə̀ n bə, tə u fuunə ghey n zowkeeli zə, nə̀ ghey keeli Zə̀ kən kə loʼ nə isəŋə. Saa loʼ nə kəfə kəmɔʼ ghi Zə̀ kən kə loʼnə isəŋə nghee saa loʼnə nə kəfə kəmɔʼ ghi waa wi Yeso Klisto. À wən loʼ Zə̀ kən kə loʼnə isəŋə kə fuu soʼonə saa n muu zə itsali zə.