Hibru 8:10 - Kaa n Kəzə̀ n fəghə mə

¹⁰ Sey, Mə Mûkəbii, n dza nə̀, à wey loʼ kaa n fəghə mən mə i zə̂ənə ghi ghə̂ ghə Izree ghə N tsuʼu mən n bəghənə. Mə i kuu naŋa ndow laŋ wuŋ n tow u ghə N tɔ̀ɔ naŋa ndow soʼo n fə̀ŋ tə ghə. Mə i doʼlə Zə̀ kə ghə, Ghə i doʼo soʼo ghə̂ ghuŋ.

Hibru 8:10 Mawu Ofanana

Matyo 22:32

‘N loʼ Zə̀ kə Abraham, Zə̀ kə Ayzik, nsə Zə̀ kə Yakɔb kə.’ Tə way dzə Zə̀ kə ghə̂ a kpuu ghə, tə̀ loʼ Zə̀ kə ghə̂ ghey ghə loʼnə utaw.”

Roma 11:27

À wən loʼ nkaa mən mə i zə̂ənə ghi ghə, Abə mə i ney nuu kɔʼnə ghəə a ghə a bəbə ghə.”

1 Kɔrint 6:16

Ghaa khə way nə̀ wù wey tə təm dzəŋinə wû wə ghi kpala kə, sey doʼo dzə gow uwû imɔʼ ghi wi ə? I tɔ̀ɔ doʼo n màʼlə K-a-zə̀ nə̀, “Tow ghə ubəghə ghə i doʼlə bə uwû umɔʼ.”

2 Kɔrint 3:3

Ghaa dii bənu nə̀ ghaa loʼ kəmàʼlə Klisto tɔ̀ɔ bənə, tûm bə n wɔ ghey. Klisto â ka tɔ̀ɔ dzə màʼlə kə tii kə n dzaŋ k-a-màʼlə, tə â tɔ̀ɔ n Zay kə Zə̀ kən kə loʼnə utaw. Tə â ka tɔ̀ɔ soʼo màʼlə kə tii kə nə atay, tə â fəd tɔ̀ɔ n fə̀ŋ tə aghə̂.

Taytus 2:14

À loʼ wi tə â fuu ndownə wû u wi wə ni kpu n tow u saa ni bəghəshi saa n ghəə a saa a bəbə ghə adzəm nsə ni sow maʼa ghəə a saa a bəbə ghə, sey nə̀, saa doʼo bə ghə̂ a wi, khə tən soʼo zày ni ghəŋŋə ghəə ghey a dzɔbənə.

Hibru 11:16

Ghə n fədlə mbuŋŋə ndow naʼ zey i dzɔb tsəghənə, tɔŋŋə naʼ zey i loʼnə idəŋ. Sey, Zə̀ kə dədlə way n tow kə abə ghə tɔŋŋənə wi nə̀ loʼ Zə̀ kə ghə bòʼ nə̀ tə n bayyə naŋa naʼ zə tə̀ ghə.

Jems 1:18

 tsəm kɔʼ Kəzə̀ nə saa doʼo bə waa a wi n bam i ghɔɔmə i wi zən i loʼnə isəŋə, sey nə̀, saa loʼ ni doʼo ghə̂ ghey ghə tsəghəshinə fə wən tə bɔmnə fa n mbi udzəm.

Jems 1:21

Sey, ghaa khə ni maʼa mwam u dzəə wə nsə ghəə a bəbə ghən a loʼnə n fəŋŋə kə ghaa. Ghaa bɔɔmə ney naŋa ghɔɔmə i Kəzə̀ zey tə kuu naŋanə n fə̀ŋ tə ghaa, a loʼ i ghii zə i bəghəshiənə ghaa.

1 Pita 1:23

N dza sey n təŋkey n bam i ghɔɔmə i Kəzə̀ zən i fuunə muu zə, i loʼ soʼonə nəŋə tədzəm, ghə n ji kuulə ghaa tə a loʼ waa a wù wey tə kpuu way, nə̀ à way dzə tə a loʼ waa a wù sɔŋtsuʼ wey tə loʼ nə̀ tə kpuunu.

1 Pita 2:9

A kee bə ghaa, ghaa loʼ ghə̂ ghən ghə sày kɔʼnə, ghaa loʼ ghə fɔɔngili tə̀ də̀ŋ kə, kə loʼnə Zə̀ kə, ghaa loʼ naʼ i zow zə, ghaa loʼ ghə̂ a Kəzə̀, ghaa loʼ ghə̂ ghən tə sày kɔʼ nə̀ ghə naʼa ghəə a wi a dzuŋu ghən tə ghəŋŋənə. Tə tɔŋɔ nuu shi bə ghaa nə kələm, naŋa bə ghaa n dzɔbə dzɔbə kə tsə kə wi.