Hibru 7:3 - Kaa n Kəzə̀ n fəghə mə

³ Luʼu kə loʼ kə way dzə ghə tɔ̀ɔ naŋanə wù wey tə̀ loʼnə bày Mekisedek, này wi nkee sali ndaw zey tə â shinə tii. Wù loʼ way dzə tə khənə tsuʼ fey ghə â jinə wi tii nkee tsuʼ fey tə â kpunə tii. Tə bɔɔmə fiilə kə waa Kəzə̀, loʼ soʼo fɔɔngili nə tənəŋə tədzəm.

Hibru 7:3 Mawu Ofanana

Matyo 4:3

Satan n ndòw bə, zey ni mɔm koʼ wi, dza tə̀ wi nə̀, “Abə wə ndzəm loʼnə Waa Kəzə̀, dza tsu nə̀ tay ghən a fəd doʼo kɔʼ baa kə nkala.”

Hibru 4:14

Sey, nghee i loʼ dzə nə̀ saa khənu taw kə fɔɔngili u nii nii wən tɔŋŋə Yeso, tə loʼnə waa Kəzə̀, nə̀ tə n tsəghə tɔɔlə, ndow nyi n luʼu key Zə̀ kə loʼnə tii idəŋ, saa bɔɔmə təmi tən tsu kə n bəghəm i fə̀ŋ zey saa khənə n kow Zə̀ kə.

Hibru 7:1

Mekisedek â loʼ kədə̀ŋ n naʼ i Salem, tə n loʼ soʼo fɔɔngili tə Zə̀ kən kə tsəghəshinə fə wə udzəm. Nghee Abraham dzəŋŋə bənə nə̀ tə n təm zə̂ də̀ŋ wə ukaykə n tsam, Mekisedek n kpiilə bə ghi wi n jìi, buulə tsu wi.

Hibru 7:17

I loʼ sey n təŋkey i loʼ n màʼlə K-a-zə̀ nə̀, “Wə i doʼlə fɔɔngili nə tənəŋə tədzəm, Tə̀ a loʼ Mekisedek.”

Hibru 7:2

Abraham n dzawwə tsu fə wən tə a təm zə kɔʼ n tsam nə tə badla ighəm tə loʼnə ighələ. Tə n ney fu ndow wi n bad kə kəmɔʼ. Zəd i Mekisedek n ghɔɔmə i Təjuu zə â dii nə̀ a loʼ, “Də̀ŋ kə tsətsəghə kə.” Ghə â tɔŋŋə soʼo wi nə̀ a loʼ, “Də̀ŋ kə Salem.” I dii tsu nə̀, “Də̀ŋ kən kə ney bənə buulə zə.”

Hibru 7:6

Mekisedek â way dzə waa waa Levi, tə n kee nam ney idzaw imɔʼ nə tədzawwə ighəm tə loʼnə ighələ n wɔ Abraham, buulə tsu Abraham wən Zə̀ kə â fuunə wi n təb kə.