Hibru 7:18 - Kaa n Kəzə̀ n fəghə mə

¹⁸ Zə̀ kə â baʼ naŋa kɔʼ laŋ kə wey kə n təŋkey, kə â khə way daʼa kə, khə soʼo way fwaʼ kə loʼ kə.

Hibru 7:18 Mawu Ofanana

Kəfwaʼ 13:39

Sey, ghə̂ ghey adzəm ghə bəghəmnə tə wi, ghə i doʼlənu tsətsəghə n sə K-a-zə̀, loʼ sey nə̀ ghə â way ni doʼo tsətsəghə n sə kə K-a-zə̀ a dza ghə naŋŋə laŋ kə Mushi.

Roma 3:31

Nghee tə saa khə dzənə bəghəm i fə̀ŋ zə, i sey dii nə̀ laŋ kə kəm way n taŋ ə? Ngaŋ! Saa fədlə ghəŋŋə nə̀ laŋ kə khə daʼa kə wi kə tə̀ Zə̀ kə â naŋanə.

Roma 8:3

Zə̀ kə mâ ghəŋə ghəə ghey laŋ kə Mushi kə â way ni ghəŋə n kow ghey təŋkey gow uwû ləghə way ni ghəŋŋə ghəə ghey laŋ kə dzanə. Tə n ney kɔʼ waa wi tûm bə fa n mbi n wû u wù sɔŋtsuʼ tə a loʼ umaʼlə ni ghəŋə nə̀ kə bəb i nə kəm keelinə daʼa kə n kow saa.

Galeshia 3:15

Waazə ghə, ney kɔʼ na n muu zən saa muu nə a tii tsuʼ ndzəm. Abə aghə̂ a bəghə a bəghəm dzəŋi kɔʼnə nə ighəə, zə̂ kɔʼ nkaa tii, wù loʼ way ni tuu maʼa nkee ni kuu kpiʼi ghə i loʼ zə tii.

Galeshia 3:17

Ghəə zey n dzanə loʼ nə̀, Zə̀ kə a zə̂ nkaa ghi Abraham tə n təb naŋa tsu nə i naŋŋənu kaa n tii mə. Laŋ kən Zə̀ kə a fuunə n bam i tənum nbɔm kaykə nsə ghəm mə ntəghə, kə â ka kaa maʼa dzə nkaa mey tə â zə̂ naŋanə. Dii tsu nə̀, ghəə zey tə a bəghəm naŋa nə̀, nam teynu.

Galeshia 3:21

N dza n bəb bə nə̀, laŋ K-a-zə̀ kə nya ballə kɔʼɔ bə ghi təb K-a-zə̀ kə ə? Ngaŋ! Abə laŋ kə mə loʼ ni ghəŋə saa nə̀ a keeli imuu, ghə̂ adzəm a mə ndzəmə naŋŋə laŋ u tii wə, sey nə̀, ghə loʼ ni loʼ tsətsəghə n sə K-a-zə̀.

Galeshia 4:21

Ghaa ghən ghaa ləghə ni muu n tənə kəlaŋ, dza bə na tə mə, ghaa məghənu fə key laŋ kə tii kə diinə ə?

Galeshia 4:9

Nya wən ghaa keeli dzə Zə̀ kə, nkee, n loʼ ni dza nə̀ Zə̀ kə n ghaa keeli, a kəm loʼ kee ghaa dzəŋŋə ndownə ni doʼo ukɔd tə fəghə mə nzə̀ n lay n kənunu mən n saʼa mbi ə?

1 Timoti 4:8

I dzɔbənu ni dəŋ naŋa wû wə ni naalə wû wə, a kee loʼ nə̀, a dzɔb tsəghəshi ni dəŋ naŋa wû wə n ghəə a Kəzə̀, n təŋkey, ghəə a Kəzə̀ a khə təb key kə khənə muu zən nya nsə i zey zə i nam khə ni bə.

Hibru 13:9

Kə ghaa i nyəŋ laʼ n bàa ndəmə tə aghəə tə loʼ tən ghə diinə nə̀ a way ghəə a Kəzə̀. I dzɔbə nə̀ fə̀ŋ tə saa tə i taw dzɔbə n ndzuŋ ə Kəzə̀, nə̀ a way dzə n ghəə a naŋŋə a laŋ u ghəə ghə ufəzəə. Laŋ u ghəə ghə ufəzəə ghən ka kam gaamə koʼ tsə ghə̂ ghey ghə naŋŋənə laŋ u tii wə n ghə i loʼ zə.

Hibru 7:19

Tə â ghəŋə sey n təŋkey, laŋ kə â way ni ghəŋə ghə i loʼ zə i khə way chɔd wə. Abə nya ghə n dii saa n jii i dzuŋu zey saa khə ni ləmmə, nə̀ saa loʼ ni tsəghə tii ni ndow n səə Kəzə̀.