Hibru 6:8 - Kaa n Kəzə̀ n fəghə mə

⁸ A kee bə ghəlitsə kən kaakaa u nyîmmə tii nsə kɔɔ tə ughìi tə, kə khə way fwaʼ kə loʼ kə. Zə̀ kə loʼ ni ləŋ naŋa ndzoʼo luʼu kə tii kə, vəllə wə i fə nuu kɔʼ.

Hibru 6:8 Mawu Ofanana

Matyo 25:41

“Tə i dza ndòw tə̀ ghə̂ ghey n kpii kə wi kə kwɔ kə nə̀, ‘Nuu na n səə mə, ghaa ghən Zə̀ kə ləŋ naŋanə, ndòw na n vəllə wey u nəmmə tsə way ghə bayyə naŋanə tə̀ Satan nsə tsətəndəghə tə wi.

Matyo 3:10

Fôw i loʼ tən n key ghə nkaʼ, abə kàʼ fə məə way tam u dzuŋu wə, ghə i fùŋ maʼa, ghə ney maʼa ndòw nə uvəllə.

Matyo 7:19

Abə kaʼ fə mə̂ə way tam u dzuŋu wə, ghə n fùŋ maʼa tsu, kpəghə ndòw nə uvəllə.

Malakus 11:14

Yeso n lɔʼ ndòw kaʼ fə tii fə dza nə̀, “Wə nə kəm mə̂ koʼ way tam kə tə̀ mbi nə bə may.” Ngəd tə wi tə n zow tsu ghəə ghey tə dzanə tə̀ kaʼ fə tii fə.

Malakus 11:21

Pita n daŋŋə moʼlə tsu ghəə zey zə â shinə, dza tə̀ Yeso nə̀, “Wù dii wə, koʼo kaʼ fə Fik fey wə â lɔʼnə, fə n kpu.”

Tùm i dzuŋu zə kuum Yeso Klisto tə Jɔn â tɔɔnə 15:6

Wù wey tə way ghi mə nə kəfə kəmɔʼ, a khəə maʼa shiə ndow wi tə a loʼ kpìi kə fəkaʼ kə bəbə kə, kə n fɔbi zum kɔʼ, ghə n kuumə kpəghə ndow nə uvəllə, kə n fə fu.

Hibru 10:27

Abə saa ndzəm ghəŋə tsunə bəb zə sey, saa i bɔɔmə ləmmə tənə kə tsuʼ fey Zə̀ kə i saʼanə mbi tii nə itsəŋ, tsəŋə soʼo faalə kə uvəllə key kə i bə ləŋi maʼanə ghə̂ a təngəmə a wi ghə.

Hibru 12:17

Ghaa khənu nə̀ nghee tə â ləghə ni kəm ney buulə zey bày wi â ləghənə ni fuu tə̀ wi, bày wi n tuu ni fuu wi n buulə i tii zə n təŋkey, tə a kəm khə way jìi i loʼ zə ni kweyyə kɔʼ ghəə zey tə â ghəŋənə nghee tə â buʼu ləghə kə buulə i tii zə n sə̂ mə idey mə.

Chi dii 20:15

Wù wey zəd i wi zə â way n màʼlə key ghə tɔ̀ɔ naŋanə zəd a ghə̂ ghey ghə i keelinə muu zə itsali zə, ghə n ney maʼa nyi tsu ndow ghə n nyî zə uvələ.