Hibru 6:4 - Kaa n Kəzə̀ n fəghə mə

⁴ Wə way dzə ni kəm ney bə ghə̂ ghey ghə â buʼ keeli dzənə ghəə ghən ibam, aghə̂ nə̀ ghə n mɔm zow naamə kən kə nuu bənə idəŋ n wɔ Zə̀ kə, keeli soʼo Zay kə Zow kə.

Hibru 6:4 Mawu Ofanana

Matyo 12:45

Tə n daŋŋə nuu dzəŋŋə ndòw, ndòw ney bə zay u bəbə u loʼ wə usəghəmbəghə, u bəb tsəghəshinə wi, ghə n bə muu nyi bə fu. Ghəə a wù tii ghə n kəm bəb tsəghəshi tsu nghee a mə loʼnə tii sə̂ i sə. À wən loʼ nghee zə î doʼlənə tii ghi ghə̂ a bəbə ghən n num tə tən.”

Matyo 5:13

Yeso n ndow n sə kə dza tə ghə nə̀, “Ghaa loʼ tə̀ a loʼ ntsoʼ tə̀ ghə̂ a mbi ghə adzəm. Abə ntsoʼ n kee nayyə maʼa tsunə tɔb i wi zə, jìi i loʼ i kəm way ni ghəŋə nə̀ n tɔb. N nya kəm khə way fwaʼ kə, n kpii kə ni ney feeli maʼa tə̀ ghə̂ a dəʼlə nə aghow.”

Tùm i dzuŋu zə kuum Yeso Klisto tə Jɔn â tɔɔnə 15:6

Wù wey tə way ghi mə nə kəfə kəmɔʼ, a khəə maʼa shiə ndow wi tə a loʼ kpìi kə fəkaʼ kə bəbə kə, kə n fɔbi zum kɔʼ, ghə n kuumə kpəghə ndow nə uvəllə, kə n fə fu.

Tùm i dzuŋu zə kuum Yeso Klisto tə Jɔn â tɔɔnə 3:27

Jɔn n beeli ndòw ghə nə̀, “Abə Zə̀ kə idəŋ kə ka fuu wù n fə̂ kə, wù way ni keeli koʼ fə̂ kə tii kə.

Tùm i dzuŋu zə kuum Yeso Klisto tə Jɔn â tɔɔnə 4:10

Yeso n beeli ndow wi dza nə̀, “Abə wə mə khənə ndzoʼo naamə key Zə̀ kə fuunə nsə ndzoʼo wù wey tə nɔɔnə wɔ n mmuu mə, wə mə fəd buʼ wi n wɔɔ kə nə̀ tə fu wɔ n mmuu mey n fuunə muu zə.”

Tùm i dzuŋu zə kuum Yeso Klisto tə Jɔn â tɔɔnə 6:32

Yeso n dza ndòw tə̀ ghə nə̀, “N kuum dza bə isəŋə tə̀ ghaa nə̀, â way dzə Mushi tə â fuunə ghaa n baa kən kə nuu tsuu bənə idəŋ, â loʼ Bày wuŋ tə â fuunə ghaa n ndzəm ndzəm k-a-baa kən kə nuu tsuu bənə idəŋ.

Kəfwaʼ 10:45

Dzuu zə n zum ghə̂ a Təjuu ghən ghə bəghəmnə tə Klisto, ghə â nuu dzəŋi bənə ghi Pita n naʼ i Jopa ni koʼ nə̀, Zə̀ kə n fuu soʼo Zay kə Zow kə tə ghə̂ ghən ghə way ghə̂ a Təjuu ghə.

Kəfwaʼ 11:17

Abə Zə̀ kə â loʼ ni fuu soʼo ghə̂ ghən ghə way ghə̂ a Təjuu ghə n naamə kə mɔʼɔ kən tə â fuunə tə saa ghən â bəghəmnə tə Mûkəbii Yeso Klisto, n laa loʼ ndee ni buu naŋa Kəzə̀ nə ka fwaʼ fwaʼ kə wi kə?”

Kəfwaʼ 15:8

Zə̀ kən kə khənə nghee tə̀ fə̀ŋ ə wù loʼnə tii, n fuu ghə n Zay kə Zow kə, ighələ tə̀ tə â fuunə tə saa ni diinə tə n bəghəm naŋa soʼo ghə tə a loʼ ghə̂ a wi.

Kəfwaʼ 8:20

Pita n beeli ndow wi nə̀, “Wə i ləŋi dzəŋi ghi khəə wə wə̀ nghee tə wə moʼlənə nə̀ wə loʼ ni zuu naamə K-a-zə̀ nə ukhəə!

Roma 1:11

Zuŋ key n mbuŋənə ni bə n səə ghaa loʼnə mə i loʼ ni kuu fəŋ tə ghaa n naamə kən Zay kə Zow kə fuunə tə mə ni ghəŋə nə̀ bəghəm i fə̀ŋ i ghaa zə i taw.

2 Kɔrint 4:4

Nghee tə̀ ghə̂ ghən ka bəghəm tə̀ Zə̀ kə, zə̀ kə mbi kən tɔŋŋə Satan n ghəŋə naŋa ləm kə n fə̀ŋ tə ghə, sey nə̀ kə ghə nə koʼonə tsə u tûm i dzuŋu wey u dii bənə kɔʼlə n Klisto wən tə loʼnə tə̀ a loʼ Kəzə̀.

2 Kɔrint 4:6

À loʼ Kəzə̀ tə â dza tsu nə̀, “Tsə u bàŋ shi bə nə kələm”, à loʼ wi tə ghəŋənə nə̀ tsə u bàŋ n fə̀ŋ tə ghey sey nə̀ ghey koʼ kɔʼlə n Kəzə̀ mən n baŋanə n tûm usə u Klisto.

Galeshia 3:2

N dza n bəb bə tə ghaa nə̀, ghaa â keeli Zay kə Zow kə n wɔ Zə̀ kə nə ghaa naŋŋə kəlaŋ nkee â loʼ bòʼ bəghəm i fə̀ŋ i ghaa n tûm i dzuŋu zən ghaa â zownə ə?

Galeshia 3:5

N dza n bəb kpiʼi bə tə ghaa nə̀, Zay kə Zow kə kən Zə̀ kə â fuunə tə ghaa nsə faalə n mən tə fwaʼnə n fəŋŋə kə ghaa, â loʼ n təŋkey, ghaa naŋŋə ulaŋ nkee â loʼ n təŋkey ghaa â bəghəm tûm i dzuŋu zən ghaa â zownə ə?

Efesus 1:18

N gɔŋŋə soʼo nə̀ fə̀ŋ tə ghaa tə chi kɔʼ ni koʼ tsə ə Kəzə̀, sey nə̀, ghaa i loʼ ni tɔʼ zowkeeli ghəə ghey ghaa gaʼnə fə̀ŋ tii tə̀ a loʼ ghə̂ a Kəzə̀. N ləghə nə̀ ghaa zowkeeli tsu naamə kə nii key nsə buulə zey tə â təb naŋanə ni fu tə̀ ghə̂ a wi ghə.

Efesus 2:8

À loʼ bòʼ ndzuŋ ə Kəzə̀ ghaa keelinə bəghəshi zə n bam i bəghəm i fə̀ŋ. Â ka ghaa ghəŋə dzə, à maŋ loʼ naamə K-a-zə̀.

Efesus 3:7

N bam i ndzuŋ ə Kəzə̀ nsə daʼa kə wi, n loʼ wù kəfwaʼ a wi ni naʼlə tûm i dzuŋu zən.

Efesus 4:7

À kee loʼ nə̀ Klisto dii kay wù saa n ndzuŋ n nəŋ n nəŋ, fuu saa n naamə kə tə̀ tə tsəm tsunə.

1 Timoti 4:14

I kə wə koʼo kìinə daʼa key Zay kə Zow kə â fuunə tə wɔ n nəŋə zey tûm tə Kəzə̀ nsə ngəd tə dzûmə tə Klisto tə â gɔŋŋənə, gaʼ bə wɔɔ a ghə n tow kə.

2 Timoti 2:25

Tə khə ni dii ndow ghə̂ ghey ghə zuulə baalənə wi nyaŋi fənyaŋi, n nəŋə i loʼ zə Zə̀ kə loʼnu ni ghəŋə nə̀ ghə kweyyə nuu bə fə̀ŋ tə ghə n ghəə a bəbə ghə, ghə zowkeeli soʼo isəŋə.

2 Timoti 4:14

Alekzanda wən tə tsəənə nam kə, â ngii ghəŋə mə n ghə i bəbə zə. Mûkəbii i tsəə dzəŋŋənu wi n ghəə ghən tə ghəŋənə.

Hibru 10:32

Moʼlə tsu n na nghee ghaa â buʼ loʼnə tii n nəŋə zey ghaa â bəghəm kɔʼnə tûm i dzuŋu zə bòʼ Klisto. Ghaa n fəghə kɔʼ bə n ndəmə ndəmə tə aghəə, ghəə a tii ghə n ka kee taw tsəghə dzə ghaa.

Hibru 2:4

Zə̀ kə â dii ndəmə tətsəə nsə faalə mə ni dii bə nə̀ ghəə ghey ghə â dzanə loʼ isəŋə. Sey, Zay kə Zow kə n fuu soʼo aghə̂ n naamə kə nghee tə̀ Zə̀ kə ləghənə.

1 Jɔn 5:16

Abə wə koʼ waazu ghəŋŋə bəəbənə ghəə zə n jìi zey zə i sìi ndow way wi nə ivə, wə n gɔŋŋə nə̀ Zə̀ kə fuu wi n muu zə, bòʼ bəb i wi zey i way ni wey wù. Ghɔɔmə zən loʼ tə̀ ghə̂ ghey ghə ghəŋŋənə bəb zey i way ni ghəŋə nə̀ wù kpu. Bəb i loʼ i loʼnu ni ghəŋə nə̀ wù kpu, n kee dza dzə way nə̀ ghaa khə ni gɔŋŋə n ndzoʼo bəb i tii zə.