Hibru 6:1 - Kaa n Kəzə̀ n fəghə mə

¹ Sey, saa ndow kə n sə kə ni zoʼlə ghəə ghey a loʼ ni ghəŋə nə̀ saa beyyə tsu, saa ndow soʼo n sə kə ni ghəŋŋə ghəə ghey a tsəghəshinə ghəələ n sə isə mən saa â buʼ zoʼlə kɔʼnə bòʼ Klisto. Saa kəm khə way ni ghɔɔmə zeeli ghəə a kweyyə nuulə bə ghə n ghəə a bəbə ghə nsə nghee saa khə ni bəghəm tə̀ Zə̀ kə.

Hibru 6:1 Mawu Ofanana

Matyo 21:29

U sə isə wey n dza nə̀, ‘N soʼo way na,’ tə n kəm doʼo səə tsu ibam, kweyyə kɔʼ fə̀ŋ ə wi, nuu soʼ i ndòw.

Matyo 21:32

Bòʼ nə̀, Jɔn â bə ni bə dii ghaa n jìi, nə̀ ghaa i loʼ tsətsəghə, ghaa n ka bəghəm tə̀ wi. A n fəd bəghəm kɔʼ ghə̂ a kwɔɔ a màʼlə kə tsow kə nsə gheyzən a kəkpala ghə. Nghee ghaa koʼ tsu kənə sey, ghaa ka nam kweyyə nuu bə fə̀ŋ tə ghaa tə n ghəə a bəbə ghə ni bəghəm tə̀ wi.”

Matyo 3:2

Tə n naʼlə bə nə̀, “Kwey nuu bə na fə̀ŋ tə ghaa tə n ghəə a bəbə ghə, n təŋkey, fɔ̀ɔ wə idəŋ wə n shɔd.”

Matyo 4:17

Ni zey tsu n nəŋə i tii zə, Yeso n kaʼ ndòw ni naʼa tûm Kəzə̀ dza nə̀, “Kwey nuu bə na fə̀ŋ tə ghaa tə n ghəə a bəbə ghə, n təŋkey, fɔ̀ɔ wə idəŋ wə n shɔd.”

Matyo 5:48

I sey dii nə̀, ghaa khə ni loʼ tsətsəghə ighələ tə̀ Bày ghaa idəŋ loʼnə tsətsəghə.”

Matyo 7:25

Ghôw zə n tsu n ndaw tii, dzuu tə n luu tsən bə ndaw tii, zəŋ n tən ndaw tii, ndaw tii n ka tsəm beeli, n təŋkey, ghə â səd tsə̂ kə tii kə nə atay.

Malakus 1:1

À wən loʼ nghee tə tûm i dzuŋu zə bòʼ Yeso Klisto, Waa Kəzə̀ â kaʼnə tii.

Malakus 6:12

Sey, ghə n nuu shi i ndòw naʼlə kaabə tûm Kəzə̀ nə̀ ghə̂ a kweyyə fə̀ŋ tə ghə.

Lukas 6:48

Tə loʼ tə̀ a loʼ wù wey tə a dza i bəghə ndaw, tə n bow dzɔb nyi tsu ndòw tsə kə ndaw, bɔm kɔʼ bə tsə̂ u tii wə nə atay. Ambə dzuu naali tsən bənə ndaw tii, zə n way ni beeli təŋkey ghə â bɔm dzɔbnu.

Tùm i dzuŋu zə kuum Yeso Klisto tə Jɔn â tɔɔnə 12:44

Yeso n dza shi kɔʼ n dzə̀ i taw zə nə̀, “Wù wey tə bəghəm fu tə mə, tə ka kad bəghəm dzə tə̀ mə, tə bəghəm fuu soʼo tə̀ wù wey tə tûmnə mə.

Tùm i dzuŋu zə kuum Yeso Klisto tə Jɔn â tɔɔnə 14:1

Yeso n ndow n sə kə, dza tə̀ ngəd tə̀ wi tə nə̀, “Kə fə̀ŋ tə nə baŋanə ghaa. Keeli na bəghəm i fə̀ŋ zə n kow Zə̀ kə, ghaa keeli soʼo n kow mə.

Tùm i dzuŋu zə kuum Yeso Klisto tə Jɔn â tɔɔnə 5:24

N dza bə isəŋə tə̀ ghaa nə̀, wù wey tə zownə ghɔɔmə zuŋ zə, bəghəm fu bə tə wù wey tə tûmnə mə, î keeli muu zə itsali. Zə̀ kə kəm way ni saʼ ghə boʼnə ghə n nuu shi bə nə ivə, ghə nya khə muu i fəghə zə.

Kəfwaʼ 11:18

Ambə ghə zow tsunə sey, ghə kəm khə way ghəə zə ni khə̂mə wi tii, ghə n zey ndow ni fuu ukali tə Zə̀ kə dza nə̀, “I sey dii nə̀ Zə̀ kə n mbɔŋ fuu soʼo ghə̂ ghən ghə way ghə̂ a Təjuu ghə n bùʼ kə nə̀ ghə kweyyə nuu bə fə̀ŋ tə ghə n ghəə a bəbə ghə, ghə keeli soʼo imuu.”

Kəfwaʼ 17:30

Zə̀ kə ka sə̂ i naŋa n ghəə a bəbə ghey ghə̂ ghə â ghəŋŋə tsənə wɔkey ghə â khə tsə way wi, a sə bə nya, tə tsəʼlə kəlaŋ nə aghə̂ adzəm nə təluʼu tədzəm nə̀ ghə kwey nuu bə fə̀ŋ tə ghə n ghəə a bəbə ghə.

Kəfwaʼ 2:38

Pita n dza tə ghə nə̀, “Kwey nuu bə na fə̀ŋ tə ghaa tə n ghəə a bəbə ghə, ghaa ney mmuu n Kəzə̀ n zəd i Yeso Klisto, tə Zə̀ kə neyzəə ghəə a ghaa a bəbə ghə. Sey, Zə̀ kə i fuu ghaa n naamə kə nə̀ a loʼ Zay kə Zow kə.

Kəfwaʼ 20:21

N mâ kə̂ dza tə Juu tə nsə ghə̂ ghən ghə way ghə̂ a Təjuu ghə adzəm nə ghə ney ighə̂mə, ghə kweyyə nuu bə fə̀ŋ tə ghə n ghəə a bəbə ghə, ghə bəghəm fu ndow tə Zə̀ kə nsə Mûkəbii ə saa, Yeso Klisto.

Kəfwaʼ 26:20

Mə â zey tsu dzə n Damaskus, tsəghə ndow n Yerosalem, ndow ngəə bə mboʼo Judeya idzəm, ndow soʼo n naʼa tə ghə̂ ghey ghə way ghə̂ a Təjuu ghə. Mə â naʼlə nə̀ ghə khə ni teeli kwey nuu bə fə̀ŋ tə ghə n ghəə a bəbə ghə, ghə bəghəm soʼo tə Zə̀ kə. Ghə i ghəŋŋə ndow ghəə ghey a diinə nə̀ ghə n kwey fə̀ŋ tə ghə tə.

Kəfwaʼ 3:19

Kwey nuu bə na fə̀ŋ tə ghaa tə n ghəə a bəbə ghə, ghaa bə n səə Zə̀ kə tə̀ tə neyzəə ghəə a ghaa a bəbə ghə.

1 Kɔrint 13:10

I kee loʼ nə̀, abə nəŋə zə i kpi bənə, saa i keeli aghəə adzəm. Ghəə ghən a khənə kəm ukəm, wə i kəm khə way fwaʼ kə loʼ kə.

1 Kɔrint 2:6

Abə n loʼnə n fəŋŋə kə dzûmə tə Klisto tey tə loʼ nə̀ tə n beyyə n bəghəm i fə̀ŋ i ghə, mə n naʼlə tûm tə̀ ghə n tɔb wən Zə̀ kə fuunə. N kee naʼlə dzə way tûm tə̀ ghə n tɔb wən a khənə ghə̂ ghən ghə muunə fa n mbi nkee ghə̂ ghən ghə saʼanə mbi zən. Ghə̂ a mbi ghən loʼ nə̀ daʼa u ghə u nya may bənu.

2 Kɔrint 7:1

Waazə ghuŋ a dzuŋu ghə, nghee tə̀ Zə̀ kə təb naŋanə ghəə ghən tə̀ saa, saa khə ni sow zowwə tsu wû i saa n wɔ ghəə ghən adzəm a loʼnə ni dzəələ wû i saa n fə̀ŋ nsə nə kəzay, a i muu muu zey i zownə, tsəŋə ndow soʼo Kəzə̀.

2 Kɔrint 7:10

Mow zey i kpiinə n sə̂ K-a-zə̀ ghəŋŋə wù nə̀ tə kweyyə fə̀ŋ ə wi, tə̀ ghə loʼ ni keeli ibəghəshi. Mow i tii i ghəŋŋə way nə̀ wù sɔm. À fəd loʼ mow n ghə̂ a mbi i ney bənə və zə.

Efesus 2:1

Sə̂ i sə, ghaa â loʼ tsə tə̀ a loʼ ghə̂ ghey ghə kpu doʼonə boʼnə ghaa â naŋŋə way laŋ u Kəzə̀ wə, ghəŋŋə soʼo ghəə a bəbə ghə.

Efesus 2:5

Sey, nghee tə̀ saa â loʼnə tə̀ a loʼ ghə̂ ghey ghə kpu doʼonə bòʼ ghəə a saa a bəbə ghə, tə n fuu saa n muu zə nya nghee saa loʼnə nə kəfə kəmɔʼ ghi Klisto. À loʼ bòʼ ndzuŋ ə Kəzə̀, saa keelinə bəghəshi zə n bəb i saa.

Efesus 4:12

Naamə wən u loʼ ni fuu kədaʼa tə̀ ghə̂ a Kəzə̀ ghə. Seynə ghə i loʼ ni fwaʼ fwaʼ kən Zə̀ kə fuu naŋanə tə̀ ghə, ghəŋŋə nə̀ Ndaw Kəzə̀ zən i loʼnə wû u Klisto wə idzəm, i nyim beyyə dzɔb tsu n ghəə a Kəzə̀.

Kolose 1:28

Sey, ghey naʼlə tûm i dzuŋu zə bòʼ Klisto tə ghə̂ ghə adzəm. Kii naŋŋə ndow ghə n ghəə ghən a kpiilə way, də̀ŋ ə kɔʼɔ bə ghə nə təjìi tədzəm, sey nə̀, ghey i loʼ ni ney bə ghə n sə K-a-zə̀, nə̀ ghə n beyyə dzɔb, loʼ nə kəfə kəmɔʼ ghi Klisto.

Kolose 3:14

Ghə i səŋi zə n ghəə ghən adzəm loʼ nə̀ ghaa khə ni ləghə wû i ghaa zə, n təŋkey, a loʼ iləghə i ghəŋŋə nə̀ ghaa doʼo may bə nə kəfə kəmɔʼ.

Kolose 4:12

Epafras wən tə loʼnə wù naʼ i ghaa, loʼ soʼo wù kəfwaʼ a Yeso Klisto tɔŋɔ zow bə ghaa. Tə gɔŋŋə tə ghaa nəŋə tədzəm n fə̀ŋ ə wi idzəm. Gɔŋŋə nə̀ Zə̀ kə ghəŋŋə nə̀ ghaa i tɔʼɔ taw n bəghəm i fə̀ŋ i ghaa, sey nə̀, ghaa loʼ ni tɔʼ zowkeeli ghəə a səŋi ghey Zə̀ kə ləghə nə̀ ghaa ghəŋə.

1 Timoti 3:16

Isəŋə loʼ nə̀, wù loʼ tsəm way ni tuu maʼa ghəə zey i nyi doʼonə n ghəə a Kəzə̀ nə̀, Klisto â bə tə a loʼ wù sɔŋtsuʼ, Zay kə Zow kə n dii bə nə tə loʼ tsətsəghə, Tsətəndəghə tə Kəzə̀ tə koʼ ndow wi, Ghəŋə nə̀ ghə naʼa tûm kùm wi tə ghə̂ ghən ghə ka bəghəm tə Zə̀ kə n naʼa tə mbi tədzəm. Ghə̂ a mbi ghə n bəghəm fuu tə wi. Ni fuu wi n kɔʼləmə, Zə̀ kə n ney kɔʼ ndow wi idəŋ, naŋa ndow wi n kpii u wi u təmə wə.

1 Timoti 6:19

Abə ghə ghəŋŋənə ghəə a dzuŋu ghən, ghə sey bayyə naŋŋə bənə u ghə u dzuŋu n mbi zən i bəghənə, sey ghə i loʼ ni keeli muu zən i ndzəm loʼnə muu zə.

2 Timoti 2:19

Ghə i dzuŋu i loʼ nə tsə kə ndaw key à səd kɔʼ bənə Zə̀ kə, fə kə loʼ kə way ni soʼlə, ghə a tɔ̀ɔ naŋa tsu tii nə̀, “Mûkəbii khənu ghə̂ ghey ghə loʼnə a wi ghə”, Nsə nə̀, “Ghə̂ ghey adzəm ghə dzanə nə̀ ghə loʼ n tənə zəd i Mûkəbii, Ghə khə ni tyi zəghə maʼa ghəə a bəbə ghə.”

Hibru 11:6

Sey, wù loʼ way dzə ni ghəŋə nə̀ Zə̀ kə i duʼlə ghi wi abə tə khə way bəghəm i fə̀ŋ zə, n təŋkey, wù wey tə bəghənə n səə Kəzə̀, tə khə ni teeli khə bəghəm i fə̀ŋ zə nə̀ Zə̀ kə loʼnu nsə nə̀ tə naamənu ghə̂ ghən ghə kəŋənə wi.

Hibru 12:13

Ghaa ghəŋə nə̀ jìi zey ghaa bweynə tii i loʼ tsətsəghə, sey nə̀, ghə̂ ghey ghə bəghənə n baa ghaa, nghee ghə buʼ loʼ kə nə̀ ghə ngɔdlɔ bweynu, ghə i way ni nii bwu, ghə i fədlə taw dzɔbə.

Hibru 7:11

Fɔɔngili tən tə â shinə n sali i kəbii i Levi, â loʼ ni luulə laŋ kən Zə̀ kə â fuunə tə̀ ghə̂ ghə Izree ghə. Abə fɔɔngili tən â fwaʼanə n jìi zey Zə̀ kə ləghənə, Zə̀ kə mə way dzə ni kəm ghəŋə nə̀ ndzoʼo fɔɔngili u nuu u bə tə̀ a loʼ Mekisedek. Mekisedek â way dzə fɔɔngili tə shinə n sali i kəbii i Erɔn.

Hibru 9:14

Abə ghə â loʼ ni sow maʼa ghəə a ghə̂ a bəbə ghə n ghəə ghən ghə â ghəŋŋənə, zə i boʼo doʼlə ngee ghi Klisto wən tə â fuunə wû u wi wə tə̀ a loʼ umaʼlə tə̀ Zə̀ kə n tow u saa. Tə â ghəŋə ghəə ghən n bam i Zay kə Zow kən kə loʼnə nəŋə tədzəm. Kaŋ tə wi tə sow maʼa fə̀ŋ tə saa n ghəə a bəbə ghən saa ghəŋŋənə nə̀ a ney bə ivə n kôw saa. Sey, saa khə ni fwaʼa kə tə̀ Zə̀ kən kə fuunə muu zə.

Jems 1:4

Təmi taw tsu kə n na nə aghəə adzəm sey nə̀ ghaa loʼ ni tɔʼ beyyə n bəghəm i fə̀ŋ i ghaa, laʼa soʼ way fə kə loʼ kə n bəghəm i fə̀ŋ i ghaa.

1 Pita 1:21

À loʼ n bam i Klisto i ghəŋənə nə̀ ghaa bəghəm tə̀ Zə̀ kən kə â zhəm dzəŋŋə bənə wi nə ivə, kɔʼlə naŋa kɔʼ wi idəŋ. À wey loʼ ghə i tii zə ghaa khənə bəghəm i fə̀ŋ zə, ləmmə tənə soʼo nə̀ Zə̀ kə i ghəŋə ghəə a səŋi ghə tə̀ ghaa.

1 Pita 5:10

À kee loʼ nə̀ abə ghaa fəghə tsu n tɔŋɔ fə inəŋə, Zə̀ key kə diinə fə̀ŋ ə wi i dzuŋu zə tə saa nəŋə tədzəm, à loʼ wi tə â tɔŋɔnə ghaa nə̀ ghaa keeli soʼo kɔʼlə n wi mən n may way n təŋkey saa loʼ nə kəfə kəmɔʼ ghi Klisto. Wi n wû u wi wə i ghəŋə nə̀ ghəə a ghaa adzəm a kəm doʼo bə kədzuŋ, tə ghəŋə nə̀ bəghəm i fə̀ŋ i ghaa zə i taw, tə fuu soʼo ghaa n daʼa kə nə̀ ghaa i tɔʼ tey.

1 Jɔn 4:12

Wù loʼ ka kam koʼ koʼ tsə Zə̀ kə. Abə saa fədlə ləghə tiillə wû i saa zə, Zə̀ kə i loʼ nə kəfə kəmɔʼ ghi saa. Sey, ləghə i wi zə i loʼ ghi ndzəmə dii bə n ghəə a saa a ghəŋŋə ghə.