Hibru 5:9 - Kaa n Kəzə̀ n fəghə mə

⁹ Ambə Zə̀ kə ghəŋə tsunə nə̀ tə kɔʼ kpii, tə n ghəŋə soʼo wi nə̀ tə doʼo wù wey tə fuunə bəghəshi zən i may way tə̀ ghə̂ ghən ghə zownə tə̀ wi.

Hibru 5:9 Mawu Ofanana

Matyo 17:5

Nghee tə̀ tə nam ghɔɔmənə, mbaʼ tə fəmə tə n tsəd bə ghə, dzə̀ i loʼ zə n shi bə fu tii nə təmbaʼ dza, “À wən loʼ waa wuŋ u tsuʼu wə, à loʼ wi tə i ghəŋŋənə nə̀ mə i ngii duʼlə. I zow na tə̀ wi.”

Lukas 13:32

Yeso n dza, “Ndow dza na tə̀ wù wən tə tsiilə ghəŋŋə ghəə ghə tə̀ a loʼ kəkəŋ nə̀, n nam dzùm shiə avəətsəə n kow ghə̂ ghə, baŋŋə soʼo ghə̂ a dzaŋa ghə, n nam khə ni fwaʼ na nsə tsətsə, abə təfu mə i mayyə tsu fwaʼ kuŋ.”

Tùm i dzuŋu zə kuum Yeso Klisto tə Jɔn â tɔɔnə 19:30

Yeso n sɔɔlə mə̂ kɔʼ nlə n tii mə, daŋŋə dza nə̀, “Zə n may nya.” Tə n kùm tsu kətow, daŋŋə zay may kɔʼ i bə.

Kəfwaʼ 3:15

Ghaa â wey maʼa wù wən tə fuunə muu zə, Zə̀ kə n kee zhəm dzəŋŋə bə wi nə ivə. Ghey mâ koʼ ghəə a tii ghə adzəm, ghey a dza bənə nya tə ghaa.

Kəfwaʼ 4:12

À loʼ kə n bam i Yeso wù keelinə bəghəshi zə, wù loʼ kəm way fa n mbi Zə̀ kə fuu naŋanə tə loʼ ni bəghəshi saa n ghəə a saa a bəbə ghə.”

Kəfwaʼ 5:32

Ghey loʼ ghə təmi tiilə n ghəə ghən, ghey nsə Zay kə Zow kə, kə loʼnə naamə K-a-zə̀ kə tə ghə̂ ghey ghə zownə tə wi.”

Roma 1:5

À loʼ bòʼ wi, Zə̀ kə diinə mə n ndzuŋ ə wi, sày naŋa kɔʼ mə nə̀ n doʼo ngəd ə wi, sey nə̀, mə i loʼ ni ghəŋə nə̀ aghə̂ adzəm n naʼa tə mbi tədzəm, a bəghəm tə wi, ghə i zow soʼo tə wi.

Roma 10:16

À kee loʼ nə̀, à way dzə aghə̂ adzəm ghə â bəghəmnə tûm i dzuŋu zən n təŋkey, wù tûm Kəzə̀ Ayzaya mâ dza nə̀, “Mûkəbii, a loʼ ndee tə â bəghəmnə tûm ghey ə?”

Roma 15:18

N ndɔm way ni kɔʼlə uwû n ghə i loʼ zə tsəghəshiə way ghəə ghey Klisto ghəŋənə nə̀ n ghəŋə. Tə ghəŋə nə̀ ghə̂ ghən ghə way ghə̂ a Təjuu ghə i zow tə Zə̀ kə n tûm i dzuŋu zən n naʼlənə tə ghə nsə ghəə ghey n ghəŋŋənə n fəŋŋə kə ghə.

Roma 2:8

A kee bə ghə̂ ghey ghə â muunə nə̀ ghə laalə tsuu kə wû i ghə zə, tuu maʼa isəŋə, fədlə dzûmə ndow ghəə a bəbə ghə, Zə̀ kə i chɔdlə ghə, ghə i koʼ nəghə u fəə u wi.

Roma 6:17

N fuu kəzɔŋŋə tə̀ Zə̀ kə nə̀ ghaa ghən ghaa â bùʼ loʼ tsənə tə a loʼ ukɔd ni ghəŋŋə ghəə a bəbə ghə, ghaa n fə̀ŋ tə ghaa tə kweyyə. Ghaa nay dzûmə isəŋə zey ghə â diinə tə̀ ghaa.

2 Kɔrint 10:5

Ghey saʼa maʼlə bə ghə̂ ghey adzəm ghə maŋa buʼunə dzuu zə, sìi ndzəŋŋə soʼo aghə̂ nə̀ kə ghə nə keelinə Zə̀ kə. Ghey kwɔɔ naŋŋə bə moʼlə tə ghə̂ ghey adzəm ghə ləghə way ni zow ghɔɔmə i Kəzə̀, ghey n ghəŋə nə̀ ghə̂ a tii ghə i zow tə̀ Klisto.

Filipi 2:12

Waazə ghuŋ a dzuŋu ghə, nghee tə̀ ghaa naŋŋə tsənə laŋ u Kəzə̀ wən mə â diinə ghaa tii n nəŋə zey saa â nam dzəŋi loʼ tsənə. Sey nya, abə n loʼ ghi ghaa nkee n way, dzɔb loʼ nə̀, ghaa ndow kə n sə kə ni naŋŋə laŋ u tii wə. Ghaa khə ni fwaʼa kɔʼɔ ndow n tsəŋ i Kəzə̀ n jìi zey ghaa loʼ ni keeli ibəghəshi tii.

2 Tesalonika 1:8

Tə i bəghə ghi vələ u bəʼlə wə ni bə chɔd ghə̂ ghən ghə tuu maʼanə Zə̀ kə nsə ghə̂ ghən ghə ka bəghəm tûm i dzuŋu zə bòʼ Mûkəbii saa Yeso Klisto.

2 Tesalonika 2:16

Ghey gɔŋŋə ndow tə̀ Mûkəbii saa Yeso Klisto nsə tə̀ Zə̀ kə tə loʼnə Bày saa. Zə̂ kən kə ləghənə saa, tə tsəmmənə fəŋ tə saa nəŋə tədzəm, ghəŋə nə̀ saa i ləmə tənnə tə wi n bam i ndzuŋ ə wi.

2 Timoti 2:10

À wey loʼ i ghii n kownə fə̀ŋ nə aghəə adzəm n tow u ghə̂ ghən Zə̀ kə sàynə ghə, sey nə̀, ghə loʼ ni keeli soʼo ibəghəshi n bam i Yeso Klisto, ghə keeli soʼo kɔʼlə mən n nə may way.

Hibru 1:14

Tsətəndəghə tə Kəzə̀ tə baa loʼ ghə ndee? Ghə loʼ zay wən Zə̀ kə â tûm bənə nə̀ ghə bə fwaʼ tə̀ ghə̂ ghey tə i bəghəshiənə ghə.

Hibru 11:40

Zə̀ kə â ka fuu fə key tə â təb naŋanə tə̀ ghə n təŋkey, tə â bayyə naŋa ghəə ghey a dzɔb tsəghənə a ghən tə̀ saa. Tə â ləghə nə̀ bəghəm i fə̀ŋ i saa i teeli doʼo bə soʼo tə̀ a loʼ i ghə zə tə̀ ghə ni doʼo may bə ndzoʼo ghə̂ ghey tə ləghənə nə̀ ghə doʼo.

Hibru 11:8

A loʼ bəghəm i fə̀ŋ zən Abraham â khənə n kow Zə̀ kə, zə â ghəŋənə nə̀ tə zow tə̀ Zə̀ kə nghee Zə̀ kə â tɔŋɔnə wi nə̀ tə̀ ndow n luʼu key tə â təb naŋanə ni fuu tə̀ wi. Tə n zəghə tsu naʼ i wi, nuu ndow ni ndow nə kəluʼu nə̀ tə khə way luʼu key tə ndownə tii.

Hibru 12:2

Saa bɔɔmə naŋa ndow kə sə a saa n kow Yeso wən tə â ghəŋə nə̀ saa bəghəm tə̀ Zə̀ kə, gaamə soʼo saa nə̀ bəghəm i fə̀ŋ i saa zə i taw. Tə n kow tsu kə fə̀ŋ ni fəghə, tə bə kpu n zat kə fəkaʼ. Tə n ka dədlə kətow n ghə i tii zə n təŋkey, tə â khənu duʼlə zey tə i keelinə isə. Tə nya doʼ n kpii kə təmə kə n kuu kə fɔɔ K-a-zə̀.

Hibru 2:10

Ufə udzəm, à bɔm Kəzə̀, à loʼ soʼo wi tə ghəŋŋənə nə̀ fə u tii wə i loʼ n jìi zey u loʼnə tii. Zə̀ kə â ghəŋə nə̀ Yeso fəghə sey nə̀ tə i ndzəm loʼ wù sə isə wey tə kpiinə ni ghəŋə nə̀ ndəmə aghə̂ a keeli kɔʼlə n wi. À wən loʼ ghəə zey i ghəŋənə nə̀ Yeso i ndzəm loʼ wù wey tə kpiinə ni bəghəshi aghə̂.

Hibru 2:3

Saa i nɔbə shiə ngee abə saa tsayyənə bəghəshi i nii zən ə? A loʼ Mûkəbii n wû u wi wə tə a naʼa bənə bəghəshi zən isə. Ghə̂ ghən ghə a zownə, ghə dii bə tə̀ saa nə̀ à loʼ isəŋə.

Hibru 9:12

Tə â ka nyi dzə n luʼu kə zow kən n kaŋ tə ji tə nkee kaŋ tə mbɔŋ tə ni ndow fəələ umaʼlə tii, tə â fəd nyi ndow n kaŋ tə wi tə. Sey, tə n fuu saa n bəghəshi zən i nə may way.

Hibru 9:15

À wən loʼ ghəə zən i ghəŋənə nə̀ Klisto doʼo wù wey tə bayyənə kaa n fəghə mən sey nə̀, ghə̂ ghey Zə̀ kə â tɔŋɔnə ghə, i loʼ ni keeli ibuulə nəŋə tədzəm tə Zə̀ kə â təb naŋanə. Ghəə ghən i neynu bənə kə n təŋkey, Klisto mâ kpu ni kuum nuu shi bə tow u ghə n ghəə ghey ghə â ghəŋŋə tsənə nə̀ a kpiilə way n nəŋə zey kaa n sə isə mey â nam khə tsənə daʼa kə n kow ghə.

Hibru 9:28

Sey, Klisto a fəələ kə wû u wi nəŋə imɔʼ ni ney nuu ghəə a bəbə ghə n tow u ndəmə aghə̂. Tə i kəm bəghə kpiʼinu, a i way dzə ni ney nuu ghəə a bəbə ghə, a i loʼ ni ney bə ibəghəshi tə̀ ghə̂ ghən adzəm ghə ləmmənə wi.

1 Pita 1:22

Nya wən ghaa sow maʼa dzənə wû i ghaa zə nghee ghaa naŋŋənə isəŋə, sey nə̀, ghaa i ndzəmə ləghə wû i ghaa zə tə a loʼ a awaazə, i ndzəmə ləghə na wû i ghaa zə n fə̀ŋ tə ghaa tə tədzəm.

1 Jɔn 5:20

Ghey khənu nə̀ waa Kəzə̀ n bə, tə u fuunə ghey n zowkeeli zə, nə̀ ghey keeli Zə̀ kən kə loʼ nə isəŋə. Saa loʼ nə kəfə kəmɔʼ ghi Zə̀ kən kə loʼnə isəŋə nghee saa loʼnə nə kəfə kəmɔʼ ghi waa wi Yeso Klisto. À wən loʼ Zə̀ kən kə loʼnə isəŋə kə fuu soʼonə saa n muu zə itsali zə.

Màʼlə kə Jud tə̀ ghə̂ a Kəzə̀ ghə 1:21

Keeli tsu na nə̀ Zə̀ kə ləghənu ghaa nghee ghaa ləmmənə nə̀ Mûkəbii saa Yeso Klisto kwɔɔlə isî n kow ghaa, tə fuu ghaa n muu zən i nə may way.