Hibru 5:7 - Kaa n Kəzə̀ n fəghə mə

⁷ Nghee Yeso â muunə fa n mbi, tə n gɔŋŋə, buʼ soʼo kəwɔɔ nə idey nsə sə̂ mə tə̀ Zə̀ kə, tə loʼnə ni bəghəshi vən fə uwû fə wi n wɔɔ kə ivə. Sey, Zə̀ kə n zow gɔŋŋə i wi n təŋkey, tə â zow tə̀ Zə̀ kə ngɔɔmə soʼo wi.

Hibru 5:7 Mawu Ofanana

Matyo 27:46

Ambə nə tənəŋə tətəghə, Yeso n dey shi bə n dzə̀ i taw zə dza nə̀, “Eli, Eli, lama sabadani?” I dii tsunə nə̀, “Zə̀ kuŋ, Zə̀ kuŋ, a loʼ kee wə̀ tûmmə naŋanə mə ə?”

Matyo 27:50

Yeso n kəm dey kpiʼi shi kɔʼ, zay kə wi kə n daŋŋə may i tsu.

Malakus 15:34

Nə tənəŋə tətəghə, Yeso n dey shi kɔʼ n dzə i taw zə dza nə̀, “Elɔi, Elɔi, lama sabadani?” I diinə nə̀, “Zə̀ kuŋ, Zə̀ kuŋ, a loʼ kee wə maʼa naŋanə mə sa a?”

Malakus 15:37

Yeso n dey shi kpiʼi kɔʼ n dzə i taw zə, daŋŋə kpu i kɔʼ.

Lukas 23:46

Yeso n dey shi kɔʼ n dzə̀ i taw zə dza, “Bày, zay kuŋ wɔɔ ghə.” Ambə tə dza tsunə sey, tə n tsəmə i tsu.

Tùm i dzuŋu zə kuum Yeso Klisto tə Jɔn â tɔɔnə 1:14

Sey Ghɔɔmə zə n doʼo bə wù sɔŋtsuʼ, bə muu bə n fəŋŋə kə saa. Tə n dii bə ndzuŋ nsə isəŋə bòʼ Kəzə̀. Saa n koʼ ghaʼ i wi, ghaʼ zən i dii bənə nə̀ a loʼ wi sɔʼi fə Waa fə, Bày khənə.

Tùm i dzuŋu zə kuum Yeso Klisto tə Jɔn â tɔɔnə 11:35

Yeso n dey.

Tùm i dzuŋu zə kuum Yeso Klisto tə Jɔn â tɔɔnə 11:42

N khənu nə̀ wə zow tsənu gɔŋŋə zuŋ zə, n kee dza bə i zən bòʼ ghə̂ ghən ghə teynə fa, nə ghə bəghəm nə̀ a loʼ wɔ wə tûmnə mə.”

Tùm i dzuŋu zə kuum Yeso Klisto tə Jɔn â tɔɔnə 17:1

Ambə Yeso ghɔɔmə may tsu ghəə ghən, tə n bwùm laalə kɔʼ ndow kədəŋ, kaʼ ndow ni gɔŋŋə nə̀, “Bày, nəŋə zə n kpi nya tə̀ wɔ ni ghəŋə nə̀ ghə̂ a koʼ kɔʼlə mey waa wə khənə, tə̀ tə ney bə wɔ n kɔʼlə mə a Bày.

Roma 8:3

Zə̀ kə mâ ghəŋə ghəə ghey laŋ kə Mushi kə â way ni ghəŋə n kow ghey təŋkey gow uwû ləghə way ni ghəŋŋə ghəə ghey laŋ kə dzanə. Tə n ney kɔʼ waa wi tûm bə fa n mbi n wû u wù sɔŋtsuʼ tə a loʼ umaʼlə ni ghəŋə nə̀ kə bəb i nə kəm keelinə daʼa kə n kow saa.

Galeshia 4:4

Ambə nəŋə i kpi tsunə, Zə̀ kə n tûm bə waa wi. Waa tii n nyi bə fa n mbi nə a wi ji bə weyzən, tə n nyim kɔʼ bə tə laŋ kə ghə̂ Təjuu kə diinə.

1 Timoti 3:16

Isəŋə loʼ nə̀, wù loʼ tsəm way ni tuu maʼa ghəə zey i nyi doʼonə n ghəə a Kəzə̀ nə̀, Klisto â bə tə a loʼ wù sɔŋtsuʼ, Zay kə Zow kə n dii bə nə tə loʼ tsətsəghə, Tsətəndəghə tə Kəzə̀ tə koʼ ndow wi, Ghəŋə nə̀ ghə naʼa tûm kùm wi tə ghə̂ ghən ghə ka bəghəm tə Zə̀ kə n naʼa tə mbi tədzəm. Ghə̂ a mbi ghə n bəghəm fuu tə wi. Ni fuu wi n kɔʼləmə, Zə̀ kə n ney kɔʼ ndow wi idəŋ, naŋa ndow wi n kpii u wi u təmə wə.

Hibru 10:10

I loʼ sey n təŋkey, Yeso Klisto a ghəŋə ghəə zey Zə̀ kə ləghənə, nghee tə â fuu ndownə wû u wi wə tə̀ a loʼ umaʼlə, ni sow maʼa tən ghəə a saa a bəbə ghə.

Hibru 10:5

À wən loʼ ghə i tii zə nghee wù wən Zə̀ kə â dza naŋa nə̀ i tûm bənu â dza i bə fa n mbi, tə n dza tə̀ Zə̀ kə nə̀, “Wə ləghə way maʼlə wə nsə naamə kə, Wə fədlə bayyə naŋŋə vən fə uwû fuŋ tə̀ a loʼ umaʼlə.

Hibru 11:7

A loʼ bəghəm i fə̀ŋ zə â ghəŋənə nə̀ Noa zow tsə̂ i Kəzə̀ n chɔd wən wə â khə ni bə shi nə̀ tə koʼo way. Tə n bɔɔmə zow ndow ghəə ghey Zə̀ kə dzanə, bəghə kɔʼ fə̀n kən kə â bəghəshinə wi ghi sali ndaw i wi zə. À loʼ bəghəm i fə̀ŋ zən Noa â khənə, tə a dii ndownə tə̀ ghə̂ ghə nə̀ ghə̂ a mbi a loʼ ghə̂ a bəbə ghə. Zə̀ kə â ney Noa nə̀ tə loʼ wù wən tə loʼnə tsətsəghə n təŋkey, tə â bəghəm tə̀ Zə̀ kə.

Hibru 12:28

Sey, saa fuu kəzɔŋŋə tə̀ Zə̀ kə nghee saa təmə dzəŋi ndownə ghə̂ ghey ghə loʼnə n fɔɔ u Kəzə̀ wən ghə i way ni noʼlə. Saa fuu kəzɔŋŋə tə̀ Zə̀ kə, saa ngii ngɔɔmə soʼo wi n jìi zey zə i ghəŋŋə nə̀ tə duʼlə,

Hibru 13:20

N gɔŋŋə nə̀ Zə̀ kən kə fuunə buulə zə, tə wən tə â zhəm dzəŋŋə bənə Mûkəbii saa Yeso nə ivə, wù baʼa u tənjì u səŋi wə, tə wən tə â ney kɔʼnə kaŋ tə wi tə, zə̂ kɔʼ kaa mən n nə may koʼ way,

Hibru 2:14

Nghee waa a Kəzə̀ a loʼnə ghə̂ ghə, ghə khə gow uwû, khə soʼo təkaŋ. À wey loʼ ghə i tii zə Yeso n wû u wi wə â doʼo bə soʼonə wù sɔŋtsuʼ sey nə̀, abə tə i bə kpu tsunə, tə i wey maʼa daʼa key kə ghəŋŋənə nə̀ ghə̂ ghə i kpuulə tɔŋŋə daʼa kə avəətsəə.

1 Jɔn 4:3

Abə wù dza bənə tə ghaa nə̀ tə nuu bə n səə Zə̀ kə nə̀ tə ka bəghəm kɔʼ dzə isəŋə kuum Yeso, wù tii khə dzə way zay key kə nuu bənə n wɔ Zə̀ kə. Ndzoʼo wù tii khə zay kə wù təngəmə ə Klisto wən ghaa zow dzənə nə̀ tə i bəghənu fa n mbi, zə a loʼ nə̀ tə ndzəm loʼnu fa n mbi.

2 Jɔn 1:7

Ndəm aghə̂ n shi ndow n mbi ni nəb kaabə tsə aghə̂ nə̀, Yeso â ka bə dzə n wû u wù sɔŋtsuʼ. Ndzoʼo wù wən loʼ wù nəbə wə aghə̂ wə, loʼ soʼo wù təngəmə ə Klisto.