Hibru 5:12 - Kaa n Kəzə̀ n fəghə mə

¹² Ghaa mə khə ni loʼ ghə̂ a dii ghə nya. À fa kee loʼ nə̀ wù loʼ khə ni bə faalə dii kpiʼi bə ghaa n ghəə a sə isə ghə n ghɔɔmə i Kəzə̀. Ghaa fa nam loʼ kə tə̀ a loʼ waa a buu ghə, ghə nam nyɔŋɔnə ghii zə, loʼ sey nə̀ ghaa mə khə ni zə̂ə fəzəə u taw wə.

Hibru 5:12 Mawu Ofanana

Matyo 17:17

Yeso n beeli ndòw wi dza nə̀, “Ghaa ghə̂ a num tə tən, ghaa khə way bəghəm i fə̀ŋ zə, ghaa khə kə ghəə a bəbə ghə. Mə i boʼo muulə ghi ghaa ni ndòw kùm zeeli? Mə i kow fə̀ŋ ghi ghaa ni ndow kùm zeeli? Ney bə na waa tii fa.”

Malakus 9:19

Yeso n dza ndòw tə̀ ghə nə̀, “Ghaa sey laʼa bəghəm i fə̀ŋ nə̀ a loʼ kee? Mə i kow fə̀ŋ ghi ghaa n ndow kuum ghee? Mə î boʼo doʼlə ghi ghaa ni ndòw kùm zeeli? Ney bə na waa tii fa.”

Kəfwaʼ 7:38

À loʼ wi tə â loʼnə ghi ghə̂ ghə Izree ghə n nəŋə zey ghə â zuŋŋə doʼonə n mbvən ə ntsaŋ. Tə â loʼ fu, ghə bày bày a saa ghə n loʼ fu, tsəndəghə zey zə â ghɔɔmənə tə wi n kaʼ u Sinay n loʼ soʼo fu. Â loʼ fu n Kaʼ u Sinay tə â ney kɔʼnə ghɔɔmə i Kəzə̀ zən i ghəŋŋə nə̀ ghə̂ a keeli muu zə itsali ni fuu bə tə saa.

Roma 3:2

Ndəmə ndəmə tə aghəə tə tsəm loʼnu wù keelinə abə tə loʼnə wù Juu. Ghə i səŋi zə n ghəə a tii ghə loʼ nə̀, Zə̀ kə â fuu naŋa ghɔɔmə i wi tə ghə̂ a Təjuu ghə.

1 Kɔrint 14:19

A kee loʼ nə̀, abə n khə ni ghɔɔmə n dzəŋi kə dzûmə tə Klisto, à kpii nə̀ n ghɔɔmə shi bə kə aghəə ataa ni tsə̀ aghə̂ nə̀ ghə zowkeeli tsəghəshi ni ghɔɔmə aghəə təkam ighəm n ghɔɔmə i loʼ zə nə̀ ghə̂ a zowkeeli way.

1 Kɔrint 14:20

Waazə ghə, kə ghaa nə moʼlə nə̀ ghəə ghə tə̀ a loʼ aghinətəghə. Abə i bənə ni ghəŋə ghəə a bəbə ghə, ghaa khə ni loʼ tə a loʼ aghinətəghə. A kee bə n jìi zey ghaa zowkeelinə ghəə ghə tii, ghaa khə ni loʼ tə a loʼ agheynyim.

Galeshia 4:3

Nghee saa â nam loʼ tsə nə̀ saa kam khə way Klisto, saa â loʼ soʼo tə a loʼ aghinətəghə, loʼ ukɔd tə daʼa wən u saʼanə mbi.

Filipi 3:1

Ni guŋ kɔʼ a waazə ghuŋ ghə, n dza bə tə ghaa nə̀ ghaa khə ni saŋŋə nghee ghaa loʼnə nə kəfə kəmɔʼ ghi Mûkəbii. À way dzə chɔd u loʼ wə tə̀ mə ni tɔ̀ɔ kuulə kə ghə i mɔʼɔ zə tə̀ ghaa, n sey ghəŋŋə ni keyyə ghaa nə ghaa i loʼ kədzuŋ n bəghəm i fə̀ŋ i ghaa.

Kolose 3:16

Ghaa ghəŋə nə̀ ghɔɔmə i Klisto i bəghə doʼo n fə̀ŋ tə ghaa naʼ idzəm. Ghaa i dii nduŋŋə ndow ghəə a tii ghə n wû i ghaa, dəŋŋə kɔʼɔ bə wû i ghaa nə utɔb. Zhim dzaŋa tən tə fuu kɔʼləmə tə Zə̀ kə, zhim dzaŋa tə Zay kə Zow kə nsə dzaŋa tən ghaa bəghə kɔʼɔ bənə n fə̀ŋ tə ghaa, zhim ndow ndzaŋa tə Kəzə̀ n fə̀ŋ idzəm.

Hibru 10:32

Moʼlə tsu n na nghee ghaa â buʼ loʼnə tii n nəŋə zey ghaa â bəghəm kɔʼnə tûm i dzuŋu zə bòʼ Klisto. Ghaa n fəghə kɔʼ bə n ndəmə ndəmə tə aghəə, ghəə a tii ghə n ka kee taw tsəghə dzə ghaa.

Hibru 5:11

Ghey khənu ndəmə aghəə ni dza bòʼ ghəə zən, à kee loʼ nə̀ i tawnu ni tiilə dza bə tə̀ ghaa n təŋkey, ghaa way ni mbad zow tɔb ighəə.

Hibru 5:13

Wù wən tə nam nyɔŋɔnə ghii zə, tə sey nam loʼ tə̀ a loʼ waa, tə ka kam tɔʼ keeli dzə ghəə zey i ghəŋŋənə nə̀ tə doʼo tsətsəghə n sə̂ K-a-zə̀.

Hibru 6:1

Sey, saa ndow kə n sə kə ni zoʼlə ghəə ghey a loʼ ni ghəŋə nə̀ saa beyyə tsu, saa ndow soʼo n sə kə ni ghəŋŋə ghəə ghey a tsəghəshinə ghəələ n sə isə mən saa â buʼ zoʼlə kɔʼnə bòʼ Klisto. Saa kəm khə way ni ghɔɔmə zeeli ghəə a kweyyə nuulə bə ghə n ghəə a bəbə ghə nsə nghee saa khə ni bəghəm tə̀ Zə̀ kə.

1 Pita 2:2

Ghaa i mbuŋŋə ni nyɔŋ ghii n Zay kə Zow kə n loʼnə ghɔɔmə i Kəzə̀ zə tə̀ waa nə mbuŋŋənə ni nyɔŋ ghii n nay wi, sey nə̀, abə ghaa məənə ghii n tii mə, ghaa i loʼ ni tɔʼ beyyə taw tsu n bəghəm i fə̀ŋ i ghaa, Zə̀ kə i bəghəshi soʼo ghaa.

1 Pita 4:11

Wù wey tə naʼlənə ghɔɔmə i Kəzə̀ zə, tə khə ni bɔɔmə naʼlə kə ghəə ghey Zə̀ kə dzanə. Wù wey tə fwaʼanə tə̀ ghə̂ ghə, tə khə ni fwaʼa n daʼa key Zə̀ kə fuunə tə̀ wi, sey nə̀, nə aghəə adzəm, ghə̂ ghə i loʼ ni fuu kɔʼlə mə tə̀ Zə̀ kə n bam i Yeso Klisto. À loʼ tə̀ wi tə khənə kɔʼlə mə n dzəm, a loʼ soʼo wi tə khənə daʼa wə udzəm saʼa nəŋə tədzəm. Zə i loʼ sey.