Hibru 5:1 - Kaa n Kəzə̀ n fəghə mə

¹ Zə̀ kə sày shiə bə tsə kə fɔɔngili u nii nii wə n fəŋŋə kə waazə a wi. Ghə n tsuʼ naŋa kɔʼ nə̀ tə i ghɔɔmə tə Zə̀ kə n tow u ghə, fuu kənaamə tə̀ Zə̀ kə n tow u ghə, fəələ soʼo umaʼlə tə̀ Zə̀ kə nə̀ tə neyzəə ghəə a ghə a bəbə ghə.

Hibru 5:1 Mawu Ofanana

Roma 15:17

Nghee n loʼ dzənə nə kəfə kəmɔʼ ghi Yeso Klisto, n loʼnu ni kɔʼlə uwû n fwaʼ kən n fwaʼanə tə̀ Zə̀ kə.

1 Kɔrint 15:3

Ghə i səŋi zey i loʼnə n tûm i dzuŋu zey mə â fuu nduŋŋə bənə tə̀ ghaa loʼ nə̀, Klisto â kpu n tow u saa ni ney nuu ghəə a saa a bəbə ghə tə̀ i tɔ̀ɔ doʼonə n màʼlə K-a-zə̀.

Hibru 10:11

Tsuʼu n dzəm fɔɔngili u nii nii u ghə̂ a Təjuu ghə n fwaʼa fwaʼ kə wi tə̀ a loʼ fɔɔngili. Nəŋə tədzəm tə n fəələ kuulə kə maʼlə u mɔʼɔ wə nə̀ u way ni sow maʼa koʼ ghəə a ghə a bəbə ghə.

Hibru 10:12

A kee bə fɔɔngili u nii nii wən tɔŋŋə Klisto, â fuu wû u wi tə̀ a loʼ umaʼlə nəŋə imɔʼ ni sòw maʼa tən ghəə a bəbə ghə. Sey Zə̀ kə n kɔʼlə naŋa kɔʼ wi n kpii u wi u təmə wə.

Hibru 11:4

A loʼ bəghəm i fə̀ŋ zən Ebel â khənə, zə â ghəŋənə nə̀ tə fəələ maʼlə wən u dzɔb tsəghəshinə u Ken wə. À loʼ n bam i bəghəm i fə̀ŋ i wi, Zə̀ kə â neynə wi nə̀ tə loʼ wù wən tə loʼnə tsətsəghə n təŋkey, Zə̀ kə n wû u wi wə â ney maʼlə wey tə â fəələnə nə̀ a loʼ maʼlə u dzuŋu wə. Nghee i buʼ loʼ kə nə̀ Ebel mâ kpu, saa nam zoʼlənu ghəə ghə na n wɔ wi kuum bəghəm i fə̀ŋ i wi n kow Zə̀ kə.

Hibru 2:17

À wən loʼ ghə i tii zə Zə̀ kə a khə ni ghəŋə tsu nə̀ tə doʼo bə tə̀ a loʼ saa waazə a wi nə təjìi tədzəm sey nə̀, tə loʼ ni doʼo bə fɔɔngili u nii nii wə. Tə wən ghə loʼ ni gaʼ fə̀ŋ n kow wi, tə khə soʼonə sî i kwɔɔlə zə. Sey nə̀ tə loʼ ni ney fuu ndow wû u wi tə̀ a loʼ umaʼlə ni sow maʼa ghəə a bəbə ghən ghə̂ a ghəŋŋənə.

Hibru 7:27

Tə way dzə tə a loʼ ghə fɔɔngili a nii nii a loʼ ghey ni fəələ maʼlə wə tsuʼu ndzəm bòʼ ghəə a wi bəbə ghə isə nsə bòʼ bəb i ghə̂ a loʼ ghə. Tə mâ fəələ tən maʼlə wə nghee tə â fuunə wû u wi wə bòʼ bəb zə aghə̂.

Hibru 8:3

Nghee ghə â bəghə ghə n sày kɔʼ fɔɔngili u nii nii wə nə tə i fuu naamə kə, fəələ soʼo umaʼlə tə̀ Zə̀ kə n tow u ghə̂ adzəm, fɔɔngili saa u nii nii wən teeli khə ni khə soʼo fə kə ni fuu tə̀ Zə̀ kə.

Hibru 8:4

Abə tə mə loʼ fa n mbi, tə mə way ni doʼo koʼ fɔɔngili nghee i loʼ nə̀ laŋ kən ghə̂ a Təjuu a dzûmənə, khənu fɔɔngili tey tə ney fuunə naamə wey ghə̂ a bə fuunə tə̀ Zə̀ kə.

Hibru 9:9

Dzuu i sə isə zən loʼ tsəə i dii bənə tsuʼu mən saa loʼnə tii nya. I sey dii nə̀ fə wən nsə nyam tən ghə fəələ ndownə maʼlə wə tii tə̀ Zə̀ kə, way dzə ni ghəŋə nə̀ fə̀ŋ ə wù wey tə fuunə kɔʼlə n tii mə i kpii tə̀ Zə̀ kə.