Hibru 4:9 - Kaa n Kəzə̀ n fəghə mə

⁹ I sey dii nə̀ Zə̀ kə n bayyə naŋa nəŋə i zayyə zə tə̀ ghə̂ a wi ghə ighəllə tə̀ tə â zayyənə n tsuʼ inaʼ.

Hibru 4:9 Mawu Ofanana

Matyo 1:21

Tə i jiə bə waa u num wə, wə̀ i tsə̀ tsu zəd i wi nə̀ à loʼ Yeso, n təŋkey, tə i bəghəshiə ghə̂ a wi n ghəə a ghə a bəbə ghə.”

Taytus 2:14

À loʼ wi tə â fuu ndownə wû u wi wə ni kpu n tow u saa ni bəghəshi saa n ghəə a saa a bəbə ghə adzəm nsə ni sow maʼa ghəə a saa a bəbə ghə, sey nə̀, saa doʼo bə ghə̂ a wi, khə tən soʼo zày ni ghəŋŋə ghəə ghey a dzɔbənə.

Hibru 11:25

Tə n sày kɔʼ ni fəghə dzəŋi ghi ghə̂ a Kəzə̀ ghə tsəghəshi ni zow kədzuŋ n ghəə a bəbə ghən gow uwû ləghənə n tɔŋɔ fə inəŋə.

Hibru 3:11

Nghee n fəələ kɔʼnə nəghə wə, mə n kaa i tsu, dza nə̀, ‘Ghə nə nyi koʼ way n luʼu key n bayyə naŋanə tə̀ ghə ni zayyə tii.’”

Hibru 4:1

Nghee Zə̀ kə â təb naŋa dzənə tə saa nə̀ saa i nyiənu n luʼu kə wi kə zayyə kə, i nam loʼ kə sey. Saa khə ni ney ighə̂mə nə̀ kə wù loʼ i bwu khə̂mə nə̀ tə ka ndow nyi fu n luʼu kə zayyə kə tii kə.

Hibru 4:10

I loʼ sey n təŋkey, ghə̂ ghey ghə i ndow nyinə n luʼu kə zayyə key Zə̀ kə â bayyə naŋanə, ghə i zayyə soʼonu wû i ghə zə n fwaʼ kə ghə, ighələ tə̀ Zə̀ kə â zayyənə wû u wi wə n fwaʼ kə wi.

Hibru 4:3

Nyisa, à loʼ kə saa ghən saa bəghəmnə tûm i tii zə, saa i ndow nyiənə n luʼu kə zayyə key Zə̀ kə â təb naŋanə tə̀ saa. I bɔɔmə loʼ tə̀ Zə̀ kə â dzanə nə̀, “Nəghə wə â fə kɔʼnə mə, mə n kâa kɔʼ nə̀, ‘Ghə nə nyi koʼ way n luʼu key mə â bayyə naŋanə nə̀ ghə nə ndow zayyə tii.’” Zə̀ kə a dza ghəə ghən nə̀ tə n buʼ mayyə fwaʼ key tə â bayyə naŋanə ni fwaʼ ni ney nuu bə n nəŋə zey tə â bɔmnə mbi tii.

Hibru 4:8

I loʼ sey n təŋkey, abə i mə loʼ nə̀ Joshwa mâ ney ndow ghə n luʼu key ghə â khə ni zayyə tii, tə Zə̀ kə mə ka kəm bə dzə ibam ni ghɔɔmə bòʼ zayyə i nuu zə.

1 Pita 2:10

Sə isə, ghaa â buʼ way tsə ghə̂ a Kəzə̀, a kee bə nya, ghaa a loʼ ghə̂ a wi ghə. Sə isə, Zə̀ kə â ka dii dzə sî i wi kwɔɔlə zə n kow ghaa, a kee bə nya, tə n kwɔɔlə sî zə n kow ghaa.

Chi dii 14:13

Sey, mə n zow dzə̀ i loʼ zə idəŋ i ghɔɔmə nə̀, “Tɔ̀ɔ naŋa tsu nə̀, ni ney nuu tsu nya, ndow n sə kə, Zə̀ kə i buulə ghə̂ ghən ghə kpunə nə̀ ghə fwaʼa fwaʼ kə Mûkəbii!” Zay kə Zow kə dza nə̀, “Ndzəm ndzəm, ghə i keelinu zayyə zə n fwaʼ kə taw kən ghə fwaʼanə, n təŋkey, ghəə a dzuŋu ghey ghə ghəŋŋənə dii bə fə key ghə loʼnə ghii kə.”

Chi dii 21:4

Tə i zə̀d maʼa tsu sə mey n dzəm n loʼnə n sə a ghə. Ghə̂ ghə i kəm kpuu way. Ghə̂ ghə i kəm mow way, dey way zow soʼo way fɔɔbə zə n təŋkey, mbi i wey zə n tsəghə nuu.”