Hibru 4:2 - Kaa n Kəzə̀ n fəghə mə

² N dza sey n təŋkey, ghə mâ naʼa tûm i dzuŋu zə tə̀ saa ighəllə tə̀ ghə â naʼa soʼonə tə̀ ghə̂ ghə Izree ghə. Ghə â zow tûm tii, zə n ka kee gaamə ghə n ghə i loʼ zə n təŋkey, nghee ghə â zow tsunə tûm tii, ghə n ka bəghəm naŋa n fə̀ŋ tə ghə.

Hibru 4:2 Mawu Ofanana

Kəfwaʼ 13:46

Pɔl nsə Banabas n ka tsəm tsəŋ ni dza tə ghə nə̀, “Zə â ndzəm kpiinu nə ghey naʼa dzə ghɔɔmə i Kəzə̀ tə ghaa. Nya wən ghaa tuu maʼanə ghɔɔmə i tii zə, dza nə̀ ghaa ka kɔʼ kpii dzə ni keeli muu zə itsali, ghey naʼlə ndow kə tə ghə̂ ghey ghə way ghə̂ a Təjuu ghə.

Kəfwaʼ 3:26

Ambə Zə̀ kə sày kɔʼnə wù kəfwaʼ a wi, tə n bùʼ tûm bə dzə wi n səə ghaa nə̀ tə bə buulə ghaa, tə ghəŋə nə̀ ghaa adzəm, ghaa kweyyə nuu bə n ghəə a ghaa a bəbə ghə.”

Roma 2:25

Ni ndzəm səghə kətyi, loʼ abə wə bweynə nghee tə̀ laŋ kə Mushi kə diinə. Abə wù tii kee bwey way nghee tə laŋ kə diinə, tyi kə səghə key maŋ loʼ kənunu.

Roma 3:3

Ney kɔʼ na nə̀ ghə̂ a Təjuu a loʼ ghə a tɔʼɔ naŋŋə way ghɔɔmə i ghə zə, i sey diinu nə̀ Zə̀ kə i ghəŋə way ghəə zey tə â bəghəm naŋa nə̀ tə i ghəŋŋənu ə?

1 Kɔrint 13:3

Abə n mə loʼnə ni fuu may fə wey n khənə tə̀ ghə̂ a laa ghə, bùʼ fuu daŋŋə soʼo wû wuŋ nə̀ ghə kpəghə maʼa n tow u ghə sey nə̀ mə i loʼ ni kɔʼlə uwû tii, loʼ sey nə̀ n kee dii way ləghə zə tə̀ ghə̂ ghə, mə i keeli way naamə kə loʼ kə.

Galeshia 3:2

N dza n bəb bə tə ghaa nə̀, ghaa â keeli Zay kə Zow kə n wɔ Zə̀ kə nə ghaa naŋŋə kəlaŋ nkee â loʼ bòʼ bəghəm i fə̀ŋ i ghaa n tûm i dzuŋu zən ghaa â zownə ə?

Galeshia 3:8

I mâ tɔ̀ɔ doʼo zey n màʼlə K-a-zə̀ nə Zə̀ kə i ghəŋə ghə̂ ghən ghə way ghə̂ a Təjuu ghə, i doʼo bə tsətsəghə n bam i bəghəm i fə̀ŋ. Zə̀ kə mâ dza naŋa zey soʼo tûm i dzuŋu zə tə Abraham nə̀, “N bam zə, naʼa tədzəm tə i keeli ibuulə.”

Galeshia 4:13

Ghaa khənu nə̀ â ghəŋə dzaŋ zuŋ nə n keeli kəbuʼ ni bə naʼa tûm i dzuŋu zə fa tə ghaa n nəŋə i sə isə zə.

1 Tesalonika 1:5

N ghəə ghən dza n tənkey, ghey ka maŋ naʼa dzə tûm i dzuŋu zən tə̀ ghaa nə idzuu. Ghey naʼa n daʼa K-a-zə̀, daʼa kə Zay kə Zow kə, nsə fə̀ŋ tə ghey tə tədzəm. Ghaa khənu jìi zey ghey â muunə tii n nəŋə zey ghey â loʼnə ghi ghaa. Ghey â muu sey n ndzuŋ ə ghaa.

1 Tesalonika 2:13

À wey loʼ ghə i tii zə ghey fuu zeelinə zɔŋŋə kə tə̀ Zə̀ kə n təŋkey ghɔɔmə i wi zən ghaa â zownə n wɔ̂ ghey, ghaa n bəghəm kɔʼ, ghaa â bəghəm naŋa koʼ nə̀ a loʼ ghɔɔmə i Kəzə̀, a way dzə ghɔɔmə i wù sɔŋtsuʼ. À ndzəm loʼ ghɔɔmə i Kəzə̀ n tənkey, ghɔɔmə i tii i fwaʼa n fə̀ŋ tə ghaa ghəŋŋə nə̀ bəghəm i fə̀ŋ i ghaa zə nyîmmə.

1 Timoti 4:8

I dzɔbənu ni dəŋ naŋa wû wə ni naalə wû wə, a kee loʼ nə̀, a dzɔb tsəghəshi ni dəŋ naŋa wû wə n ghəə a Kəzə̀, n təŋkey, ghəə a Kəzə̀ a khə təb key kə khənə muu zən nya nsə i zey zə i nam khə ni bə.

Hibru 11:6

Sey, wù loʼ way dzə ni ghəŋə nə̀ Zə̀ kə i duʼlə ghi wi abə tə khə way bəghəm i fə̀ŋ zə, n təŋkey, wù wey tə bəghənə n səə Kəzə̀, tə khə ni teeli khə bəghəm i fə̀ŋ zə nə̀ Zə̀ kə loʼnu nsə nə̀ tə naamənu ghə̂ ghən ghə kəŋənə wi.

Hibru 3:12

Waazə ghə, ghaa ney ighə̂mə nə̀ kə wù ghaa u loʼ u nə keeli fə̀ŋ i bəbə zə tə̀ tə loʼ ni tuu ni bəghəm tə̀ Zə̀ kə. Wù wey tə khənə ndzoʼo fə̀ŋ zən, way dzə ni ndow n səə Zə̀ kən kə fuunə muu zə.

Hibru 4:6

Ghə̂ a loʼ ghə i nyiə kənu n luʼu kən Zə̀ kə â bayyə naŋanə tə̀ ghə, nghee i buʼ loʼ kənə nə̀ ghə̂ a sə̂ isə ghən ghə â zownə tûm i dzuŋu zən ghə â naʼanə tə̀ ghə, â ka nyi fu, bòʼ nə̀ ghə â tuu ni dzûmə tûm i dzuŋu i tii zə.

Jems 1:21

Sey, ghaa khə ni maʼa mwam u dzəə wə nsə ghəə a bəbə ghən a loʼnə n fəŋŋə kə ghaa. Ghaa bɔɔmə ney naŋa ghɔɔmə i Kəzə̀ zey tə kuu naŋanə n fə̀ŋ tə ghaa, a loʼ i ghii zə i bəghəshiənə ghaa.

1 Pita 1:12

Zə̀ kə mâ dii naŋa zey bə tə̀ tûm tə wi tə nə̀ fwaʼ kə ghə kə â way dzə ni gaamə wû i ghə, â fəd loʼ ni gaamə ghaa. I loʼ soʼo tə̀ nghee tûm tə Kəzə̀ tən â dza naŋa zey bənə ghəə ghey ghaa zownə nya n wɔ ghə̂ ghey ghə naʼlə bə tûm i dzuŋu zən tə̀ ghaa n daʼa kə Zay kə Zow key Zə̀ kə tûm tsu bənə tə̀ ghaa idəŋ. À wən loʼ aghəə nə̀ tsətəndəghə tə Kəzə̀ tə buʼu dəmə soʼo ni zowkeeli.