Hibru 3:6 - Kaa n Kəzə̀ n fəghə mə

⁶ Klisto kee loʼ waa Kəzə̀ wən tə â fwaʼ dzɔbnə n dzəŋi kə dzûmə tə Klisto. Saa loʼ tə a loʼ ndaw wi abə saa ndownə n sə kə ni kow fə̀ŋ nsə ni ləmə fə key saa ləmmənə nə̀ saa tsəŋə way.

Hibru 3:6 Mawu Ofanana

Matyo 10:22

Ghə̂ adzəm a nə bàa ghaa bòʼ zəd zuŋ. Abə wù wey tə kee kow tsu kə fə̀ŋ, ndòw kûm i ndòw, tə i keeli ibəghəshi.

Matyo 16:18

N dza bə tə̀ wɔ a Pita nə̀ wə loʼ kənaa, a loʼ n naa kən mə i səd ə kɔʼɔnə dzəŋi kə dzûmə tuŋ tə tii, kasə ivə, i nə̂ way ni taw tsəghə koʼ ndaw tii.

Matyo 24:13

À kee loʼ nə̀, wù wey tə i kow tsunə fə̀ŋ ndòw kùm i ndòw, tə i keeli ibəghəshi.

Roma 11:22

Ghaa n koʼ nghee tə Zə̀ kə khənə fə̀ŋ i dzuŋu zə a tii, nsə ghee tə nyeynə tii. Tə chɔdlɔ ghə̂ ghey ghə ghəŋə bəəbənə, kee dii ghaa n ndzuŋ ə wi abə ghaa ghəŋŋə dzənə ghəə ghey tə ləghənə nə̀ ghaa i ghəŋŋə, nə̀ à way sey, tə i khəm maʼa shi bə soʼo ghaa tə̀ a loʼ kpìi kə fəkaʼ.

Roma 12:12

Ghaa khə ni duʼlə ni ləmə ghəə ghən Zə̀ kə təb naŋanə tə ghaa. Ghaa i kow fə̀ŋ abə ghaa loʼnə nə uchɔd, gɔŋŋə nəŋə tədzəm.

Roma 15:13

N gɔŋŋə nə̀ Zə̀ kən kə ghəŋŋənə nə̀ ghaa i ləmmə fə key tə â təb naŋanə tə ghaa, kə fuu ghaa n duʼlə zə nsə buulə zə nghee ghaa gaʼnə fə̀ŋ n kow wi, sey nə̀, n daʼa kə Zay kə Zow kə, ghaa i laalə kɔʼɔ ndow tə wi n fə̀ŋ tə ghaa tə tədzəm.

Roma 5:2

À loʼ bəghəm i fə̀ŋ zən saa khənə n kow Yeso Klisto, i ghəŋənə nə̀ saa keeli ndzuŋ ə Kəzə̀ zən saa muunə tii nya. Saa khə ni duʼlə n təŋkey saa ləmmə tənə nəŋə zey saa i loʼnə ghi Zə̀ kə, tə i ghəŋə nə̀ saa keeli soʼo kɔʼlə mən tə khənə.

1 Kɔrint 3:16

Ghaa khə way nə̀ ghaa loʼ Ndaw Kəzə̀ ə? Ghaa khə way nə̀ Zay K-a-zə̀ kə muu n kow ghaa ə?

1 Kɔrint 6:19

Ghaa khə way nə̀ wû i ghaa i loʼ Ndaw Kəzə̀ zey Zay kə Zow kə muunə tii nə̀ a fuu bə Kəzə̀ tə ghaa ə? À way dzə ghaa, ghaa khənə wû i ghaa zə, à loʼ Kəzə̀ kə khənə wû i ghaa zə.

2 Kɔrint 6:16

Muʼu n khə way ghə i loʼ zə ni ghəŋə ghi dzəŋi kə dzûmə tə Klisto kə. N dza sey n təŋkey saa loʼ ndaw Zə̀ kən kə loʼnə utaw, tə̀ Zə̀ kə dzanə nə̀, “Mə i muulə ghi ghə Mə i bwey soʼo n fəŋŋə kə ghə, Mə i loʼ Zə̀ kə ghə kə, Ghə i loʼ soʼo ghə̂ ghuŋ ghə.”

Galeshia 6:10

À wən loʼ zuŋ key, saa khə ni ghəŋŋə ghəə a dzuŋu ghə tə ghə̂ ghə adzəm abə saa keeli kɔʼ buʼ kə tii kə. A ka ndɔm dza dzə ghə̂ ghən ghə bəghəm nə tə Klisto.

Galeshia 6:9

Sey, i kə saa nə buu doʼlənə ni ghəŋŋə ghəə a dzuŋu ghə nəŋə tədzəm, n təŋkey abə saa ka buu doʼo ni ghəŋŋə ghəə a dzuŋu ghə, nəŋə i bəghənu, saa i keelinə naamə.

Efesus 3:12

Sey, saa loʼnu nyisa ni ndow n səə Kəzə̀ nə̀ saa khə way tsəŋ zə, tə i kpiney saa nghee saa loʼnə nə kəfə kəmɔʼ ghi Klisto nsə bəghəm i fə̀ŋ zən saa khənə n kow wi.

Kolose 1:23

A kee loʼ kə nə̀, ghaa təmi taw tsu n bəghəm i fə̀ŋ i ghaa n tûm i dzuŋu zən ghaa zownə. Kə ghaa nə bəghəmnə nə wù loʼ kəm soʼlə ghaa n tûm i dzuŋu zən ghaa â zownə, ghaa n gaʼ fə̀ŋ tii. À loʼ bòʼ tûm i dzuŋu zən, mə Pɔl, n loʼnə wù kəfwaʼ ə Klisto tɔŋŋə tûm i dzuŋu zən ghə naʼlənə tə mbi idzəm.

1 Tesalonika 5:16

Ghaa i duʼlə nəŋə tədzəm.

2 Tesalonika 2:16

Ghey gɔŋŋə ndow tə̀ Mûkəbii saa Yeso Klisto nsə tə̀ Zə̀ kə tə loʼnə Bày saa. Zə̂ kən kə ləghənə saa, tə tsəmmənə fəŋ tə saa nəŋə tədzəm, ghəŋə nə̀ saa i ləmə tənnə tə wi n bam i ndzuŋ ə wi.

1 Timoti 3:15

abə n kpaʼi loʼlənə ni bə, màʼlə kən kə i ghəŋə nə̀ ghaa keeli nghee dzûmə tə Klisto tə khə ni muu tii n wû i ghə. Dzəŋi kən loʼ dzəŋi kə Zə̀ kən kə loʼnə utaw. À loʼ dzûmə tən tə tɔɔmənə nə̀ ghɔɔmə i Kəzə̀ zə i loʼ tsətsəghə ighələ tə̀ tsə kə ndaw nsə nyəllə u tɔɔmənə ndaw nə̀ kə i nə bwunə.

Hibru 1:2

Abə nya n num tə tən, Zə̀ kə ghɔɔmə bə aghəə tə̀ saa n bam i waa wi. À loʼ waa wi wən Zə̀ kə â bɔmnə fə wə udzəm n bam i wi, à loʼ soʼo wi Zə̀ kə â sày naŋanə nə̀ à i zə̂ wi fə wə udzəm fa n mbi.

Hibru 10:19

Sey, waazə ghuŋ ghə, saa khə tənnu nə̀ saa i nyiənu n Luʼu kən kə Zow tsəghənə Luʼu tə tədzəm n bam i kaŋ tən Yeso â fəələnə.

Hibru 10:21

Nghee saa khənə fɔɔngili u səŋi wə tə loʼnə tow kə n ndaw Kəzə̀,

Hibru 10:23

Saa khə ni ndow kə n sə kə ni tɔʼ kwu keeli taw tsu ghəə ghən saa bəghəmnə tii, n təŋkey, saa khə ni gaʼ fə̀ŋ n kow Zə̀ kə nə̀ tə i ghəŋŋənu ghəə zən tə â təb naŋanə.

Hibru 10:35

Sey, kə ghaa nə kəm ney nuulənə fə̀ŋ zey ghaa gaʼnə n kow Mûkəbii, n təŋkey, abə ghaa ndow kə n sə kə ni bəghəm tə̀ Zə̀ kə, zə i ney bənu ghaa n naamə kə səŋi kə.

Hibru 11:1

Ni keeli bəghəm i fə̀ŋ n kow Zə̀ kə loʼ ghəə zey i ghəŋŋə nə̀ saa i khə tən nə̀ saa i keelinu fə wey saa ləmmənə. À loʼ bəghəm i fə̀ŋ i dii bənə nə̀ fə key saa koʼo way ndzəm loʼnu.

Hibru 3:14

Abə saa təmi taw tsunə n bəghəm i fə̀ŋ zən saa â keelinə nə nzeyyə ni ndow kuum ndow, saa i keeli soʼo fə wey Klisto khənə.

Hibru 4:11

Sey, saa dəm tsu ni ndow nyi n luʼu kə zayyə kə tii kə, sey nə̀, kə wù saa u loʼ u nə bwu khə̂mənə tə̀ ghə bày bày a saa ghə â bwu khə̂mənə a dza ghə â tuu ni bəghəm tə̀ Zə̀ kə.

Hibru 4:14

Sey, nghee i loʼ dzə nə̀ saa khənu taw kə fɔɔngili u nii nii wən tɔŋŋə Yeso, tə loʼnə waa Kəzə̀, nə̀ tə n tsəghə tɔɔlə, ndow nyi n luʼu key Zə̀ kə loʼnə tii idəŋ, saa bɔɔmə təmi tən tsu kə n bəghəm i fə̀ŋ zey saa khənə n kow Zə̀ kə.

Hibru 4:16

Abə saa ləghənə fə kə, saa n ndow bəb ndow tə̀ Zə̀ kə saa kən kə diinə saa n fə̀ŋ ə wi i dzuŋu zə nə̀ saa tsəŋə way. Saa khənu nə̀ tə i kwɔɔlənu sî zə n kow saa, tə fuu saa n fə key kə kpiinə tə̀ saa.

Hibru 6:11

Ghey ləghə nə̀ kay wù ghaa tsəghə ndow kə n sə̂ kə ni ndəmi uwû n fwaʼ kə ghaa ni ndow kuum, sey nə̀, ghaa i loʼ ni ndzəm keeli fə key ghaa ləmmənə.

Hibru 6:18

Sey, Zə̀ kə n dzəŋi fuu bə aghəə abəghə, ghəə zən tə a dza nə̀ tə i ghəŋŋənu nsə kaa n wi mə. Sey, ghəə ghən abəghə a way ni kwey boʼnə Zə̀ kə badla way ghəə ghə. Nsə sey, saa ghən saa nyəŋə ndownə n səə wi nə̀ tə tsəd naŋa saa, khə way tsəŋ zə, abə saa təmi taw tsu dzənə ni ləmə fə kən kə i bəghənə tə̀ saa.

Hibru 7:19

Tə â ghəŋə sey n təŋkey, laŋ kə â way ni ghəŋə ghə i loʼ zə i khə way chɔd wə. Abə nya ghə n dii saa n jii i dzuŋu zey saa khə ni ləmmə, nə̀ saa loʼ ni tsəghə tii ni ndow n səə Kəzə̀.

1 Pita 1:8

Nghee ghaa loʼ kə nə̀ ghaa ka kam buʼ koʼ wi, ghaa a nam ləghə wi. Nghee ghaa koʼo kə way wi ghaa a nam bəghəm fuu kə tə wi, ghaa a khə soʼo duʼlə i nii zə n jìi zey wù way ni buʼ tiilə dza.

1 Pita 2:5

Bə n na n səə Mûkəbii tə a loʼ tay ghey a loʼnə utaw, ghə ney kɔʼ ghaa, ghə bəghə teyyə kɔʼ ndaw Kəzə̀ i nii zə a tii, ghaa i fwaʼa tə a loʼ fɔɔngili tə Zow tə ni fəələ maʼlə u Zay kə Zow kə Zə̀ kə ləghənə n bam i Yeso Klisto.

1 Pita 4:17

N dza sey n təŋkey, nəŋə zə n kpii tə Zə̀ kə ni saʼ mbi. Tə i zey tsu dzə ni saʼ ghə̂ a Kəzə̀ isə. Abə tə khə ni kaʼ nuu tsu ni saʼ saa ghən saa loʼnə waa a Kəzə̀ ghə, zə i boʼo bəbə ngee n kow ghə̂ ghey ghə loʼ nə̀ ghə bəghəm way tûm i dzuŋu zən Zə̀ kə tûm bənə ə?

Chi dii 2:18

Yeso n dza bə tə̀ mə nə̀, “Tɔ̀ɔ ndow tə tsəndəghə ə Kəzə̀ zey i keyyənə dzəŋi kə dzûmə tə Klisto key n Tyatira nə̀, waa Kəzə̀ wən sə̂ a wi a baŋanə tə a loʼ uvəllə, fuu i wi zə u nyiəllənə tə a loʼ vuʼ kən ghə tsoʼlə tsunə, dza nə̀,

Chi dii 2:25

N kee ləghə kə nə̀ ghaa bɔɔmə təmi taw tsu n bəghəm i fə̀ŋ i ghaa ni ndow kuum n nəŋə zey mə i bəghənə tii.

Chi dii 2:26

Wù wey tə i taw tsəghənə ghəə a bəbə ghə, kow tsu soʼo fə̀ŋ ni ghəŋə ghəə ghey n ləghənə ni ndow taa ndow, mə i fuu wi n daʼa kə ni saʼ naʼa tə tii tə.

Chi dii 3:11

Mə i kuʼlə bəghənu. Tɔʼɔ kwu keeli dzɔb tsu fə̂ key wə khənə, kə wù loʼ i bəkeeli naamə kə.