Hibru 3:5 - Kaa n Kəzə̀ n fəghə mə

⁵ Mushi â fwaʼ dzɔbnu fwaʼ kə wi kə tə̀ a loʼ wù kəfwaʼ n dzəŋi kə dzûmə tə Klisto, tə n dza naŋa zey bə ghəə ghən Zə̀ kə â khə ni nam bə dza.

Hibru 3:5 Mawu Ofanana

Matyo 24:45

Yeso n dza kpiʼi ndow tə̀ ghə nə̀, “À loʼ wù kəfwaʼ u ghaa wə wù loʼnə ni gaʼ fə̀ŋ n kow wi, tə u khə soʼonə tɔb wə ə? À loʼ tə wey, mûkəbii wi fuu naŋanə wi n fwaʼ kə nə̀ tə i laalə ghə̂ a kəfwaʼ à loʼ ghey, fuu ghə n fəzəə wə nə inəŋə.

Matyo 25:21

Mûkəbii wey n dza ndòw tə̀ wi nə̀, ‘Wə n fwaʼ dzɔb, wə loʼ wù kəfwaʼ u dzuŋu wə, wù loʼnu ni gaʼ fə̀ŋ n kow wɔ. Wə n kwu keeli dzɔb nyaŋi fən n mə fuunə tə̀ wɔ, sey mə î kɔʼlə naŋa kɔʼɔ wɔ, wə i laalə ndəmə ufə̂. Bə̀ doʼo tsu, wə i saŋŋə ghi mûkəbii wə.’

Lukas 12:42

Mûkəbii n beeli ndòw wi nə̀, “Wù kəfwaʼ u sə̀ŋi u loʼ wù wey tə khənə tow kə, tə̀ mûkəbii wi loʼ ni gaʼ fə̀ŋ n kow wi, tə ney naŋa wi tə a loʼ wù kətow nə tə i nyaŋə fə u ghə̂ a kəfwaʼ a loʼ ghə, nsə ni fu soʼo ghə n fəzəə wə n nəŋə i ghə i zə̂ə zə.

Lukas 24:27

Sey, ni zey tsu n laŋ wey Mushi â tɔ̀ɔ naŋa nə̀, ney may bə tûm tə Kəzə̀ tədzəm, tə n tiilə kɔʼ bə ghəə ghey ghə â tɔ̀ɔ naŋŋənə n màʼlə K-a-zə̀ kûm wi.

Lukas 24:44

Sey tə n dza ndòw tə̀ ghə nə̀, “À wən loʼ ghəə ghey mə â dza naŋanə tə̀ ghaa n nəŋə zey mə â nam loʼnə ghi ghaa nə̀, aghəə adzəm khə ni bə doʼo tə̀ ghə â tɔ̀ɔ naŋanə kûm mə n laŋ u Mushi, ghəə ghey tûm tə Kəzə̀ tə̀ â naʼanə, nsə n maʼlə kə Sams.”

Tùm i dzuŋu zə kuum Yeso Klisto tə Jɔn â tɔɔnə 5:39

Ghaa ndəmi iwû ni tɔŋɔ màʼlə K-a-zə̀ n təŋkey, ghaa moʼlə nə̀ abə ghaa ndəŋ tɔŋɔ kɔʼnə sey ghaa i keeli ghəə zey ghaa khə ni teeli ghəŋə ni keeli muu zə itsali zə, loʼ sey nə̀ màʼlə K-a-zə̀ kən ghaa tɔŋŋənə baa tiilə dza bə aghəə bòʼ mə.

Kəfwaʼ 28:23

Ambə ghə̂ ghey ndzɔʼ bəghəm naŋa kɔʼ tsuʼ fə, ndəmə ghə n bə koʼ bə soʼo wi n luʼu key tə â muunə tii. Tə n tiillə ghə i tii zə tə ghə ni zey tsu n bələbələ tə ndow kuum ndow n nəŋə i fənə tə. Tə n tiillə dza ghəə a fɔɔ u Kəzə̀ tə ghə, tə n ney bə soʼo aghəə n laŋ kə Mushi nsə n ghəə ghey tûm tə Kəzə̀ tə â tɔ̀ɔ naŋanə ni dii ndow tə ghə nə̀ ghəə ghey tə dzanə bòʼ Yeso loʼ isəŋə.

Kəfwaʼ 7:37

À wən loʼ Mushi wən tə â dza tə ghə̂ ghə Izree ghə nə̀, ‘Zə̀ kə i tûm bə ghaa n wù tûm Kəzə̀ ighələ tə̀ tə â tûm bənə mə. Wù tûm Kəzə̀ ə tii i shiə kɔʼɔ kə n fəŋŋə kə ghaa.’

Roma 3:21

Zə̀ kə n kee dii bə jìi zey i ghəŋŋənə nə̀ ghə̂ a doʼo tsətsəghə n sə kə wi. Jìi zən dii bə nə̀ wù doʼlə way tsətsəghə n sə K-a-zə̀ a dza tə naŋŋə kəlaŋ, nghee i buʼ loʼ kə nə̀ laŋ kə Mushi nsə tûm tə Kəzə̀ tə mâ tiilə dza ghəə ghə bòʼ jii tii.

1 Kɔrint 4:2

Ghəə zey ghə ləghənə n wɔ wù wey ghə fuunə wi n daʼa kə ni fwaʼ kəfwaʼ, loʼ nə̀, tə khə ni teeli fwaʼa kə tə̀ mûkəbii ə wi n fə̀ŋ ə wi idzəm.

1 Timoti 1:12

N fuu kəzɔŋŋə tə Yeso Klisto Mûkəbii saa, tə fuunə mə n daʼa kə nə n fwaʼ fwàʼ kuŋ. N fuu zɔŋŋə kə wi nghee tə koʼ tsu nə̀ n loʼnu tsətsəghə, tə u say kɔʼnə mə nə̀ n fwaʼ tə wi.

Hibru 1:1

Sə̂ isə, Zə̀ kə â ghɔɔmə tə̀ ghə bày bày a saa ghə n ndəmə tə tənəŋə nsə n ndəmə tə təjìi n bam i tûm tə Kəzə̀.

Hibru 3:2

Yeso â fwaʼ dzɔbnu tə̀ Zə̀ kən kə â sày naŋanə wi, ighələ tə̀ Mushi â fwaʼ dzɔbnə n dzəŋi kə dzûmə tə Klisto.

Hibru 3:4

I loʼ sey n təŋkey, təndaw tədzəm, à loʼ wù tə bəghənə, à kee loʼ nə̀ à loʼ Kəzə̀ kə bɔmnə fə wə udzəm.

Hibru 8:5

Fwaʼ key ghə fwaʼanə tə̀ a loʼ ghə fɔɔngili maŋa fiilə ghəə ghey a loʼnə idəŋ, a baa way dzə ghəə ghey a loʼ idəŋ. À wey loʼ ghə i tii zə nghee Mushi a dza i khəm kɔʼ fəə fə tii fə, Zə̀ kə n dza tə̀ wi nə̀, “Tɔʼɔ laalə nyi tsu ni koʼ nə̀ ufə udzəm u bɔɔmə loʼ tə̀ a loʼ u wey wə â koʼnə nə ukaʼ.”

Hibru 9:24

I loʼ sey n təŋkey, Klisto â ka nyi dzə n luʼu kə zow kə nə̀ à faalə wù sɔŋtsuʼ, kə maŋa fiilənə luʼu kə zow key kə loʼnə idəŋ. Tə â ndzəm nyi ndow n dzəŋi kə dzûmə tə Klisto key kə loʼnə n bikighow. Tə nya loʼ n sə K-a-zə̀ ni buʼu wɔɔ kə tə wi n tow u saa.

Chi dii 15:3

Ghə n zhim dzaŋ ə Mushi wən tə loʼnə wù kəfwaʼ a Kəzə̀ nsə ndzaŋ ə Waa Nji zey. Ghə â zhim nə̀ “Mûkəbii Zə̀ kə, wə khə udaʼa udzəm, Ghəə ghey wə ghəŋŋənə loʼ ghəə a səŋi ngii dzɔbə soʼo! Wə loʼ də̀ŋ kə tənaʼa tədzəm, Wə ghəŋŋə ghəə ghey a kpiilənə, dza soʼo isəŋə nəŋə tədzəm!