Hibru 3:1 - Kaa n Kəzə̀ n fəghə mə

¹ Waazə ghuŋ a zow ghə, ghaa ghən Zə̀ kə tɔŋɔnə nə̀ ghaa dzəŋi doʼo ghə̂ a wi idəŋ, gaʼ ndow na fə̀ŋ tə ghaa n kow Yeso wən Zə̀ kə tûm bənə nə̀ tə bə doʼo fɔɔngili u nii nii wə tə̀ saa.

Hibru 3:1 Mawu Ofanana

Tùm i dzuŋu zə kuum Yeso Klisto tə Jɔn â tɔɔnə 17:3

Muu zə itsali zən loʼ tə̀ ghə ni khə wɔ, nə̀ a may kə wɔ wə ndzəm loʼnə Zə̀ kə, nsə ni keeli soʼo Yeso Klisto wən wə â tûm bənə fa n mbi.

Tùm i dzuŋu zə kuum Yeso Klisto tə Jɔn â tɔɔnə 20:21

Yeso n dza kpiʼi ndow tə̀ ghə nə̀, “Buulə zə i loʼ ghi ghaa. Nghee Bày â tûm bənə mə, à loʼ soʼo ighələ n tûm shiənə ndow ghaa.”

Tùm i dzuŋu zə kuum Yeso Klisto tə Jɔn â tɔɔnə 20:27

Tə n daŋŋə dza tə̀ Tɔmɔs nə̀, “Koʼo wɔɔ ghuŋ ghə, gaʼ bə waa kəwɔɔ wə fa. Naalə shi bə wɔɔ kə kə̀, wə mɔm bə teybow zuŋ. Ka i səmə, keeli tsu bəghəm i fə̀ŋ zə.”

Kəfwaʼ 1:15

N tsuʼ fə loʼ fə n tsuʼu mən ghə â dzəŋi doʼonə, ghə̂ ghən ghə bəghəm nə tə Yeso n loʼ fu tə a loʼ aghə̂ fəbɔm nsə ghə̂ ghə nghəm n bəghə. Pita n nuu təmi kɔʼ n fəŋŋə kə ghə, ghɔɔmə ndow tə ghə.

Roma 11:17

Ney kɔʼ n na kpìi kə kaʼ fə loʼ fə ghə tɔŋɔ nə̀ à loʼ oliv, ghə khəm nuu shi bənə n kaʼ fə oliv fə inaʼ fə, ghə a ndow ney bə kpìi kə n kaʼ fə oliv fə mbvən fə, bə zuŋ naŋa dzəŋi nyi bə n kaʼ fə oliv fə inaʼ fən, kə a nyîmmənə, məə bə utam nə̀ à loʼ ghaŋ tə kaʼ fən. Ghaa ghə̂ ghən ghə way ghə̂ a Təjuu ghə, ghaa loʼ tə a loʼ kpìi tə kaʼ fə oliv fə mbvən fə. Zə̀ kə n ghəŋə nə̀ ghaa keeli buulə zey tə â buulənə ghə̂ a Təjuu ghə a tii ighələ tə a loʼ kpìi kə kaʼ fə oliv fə mbvən fən ghə â zuŋ dzəŋi bənə ghi kaʼ fə oliv fə inaʼ fə.

Roma 15:27

Ghə â duʼlənu ni ghəŋə sey n təŋkey, ghə â koʼ tsu nə̀ ghə ndzəm khə ghə̂ a Təjuu n ndaŋ kə. Ghə â koʼ sey n təŋkey, tûm i dzuŋu zə â kaʼ nuu bə n wɔ ghə̂ a Təjuu ghə tə tûm tii ni bə tə̀ ghə̂ ghey ghə way ghə̂ a Təjuu ghə, ghə a loʼ dzɔbnə nya tə a loʼ ghə̂ a Kəzə̀. Nghee ghə loʼ dzɔbnə nya bòʼ ghə̂ a Təjuu, ghə a koʼ tsu nə̀ i dzɔbənu ni tsow tsu ufə ni gaamə ndow ghə̂ a Təjuu tii.

Roma 15:8

N ləghə nə̀ ghaa keeli tsu nə̀ Klisto â doʼo bə wù kəfwaʼ tə̀ ghə̂ a Təjuu ghə ni dii tsu nə̀ Zə̀ kə dza tsə kə isəŋə. Tə n ghəŋə nə̀ ghəə ghey tə â təb naŋanə tə̀ ghə bày bày a ghə ghə, a bə shi tə̀ tə â təb naŋanə.

Roma 9:24

Saa loʼ soʼonu n taŋ a ghə̂ ghey Zə̀ kə â say naŋa nə̀ ghə i keeli kɔʼlə mən, a kad way kə ghə̂ a Təjuu ghə i keelinə kɔʼlə n tii mə, ghə̂ ghən ghə way ghə̂ a Təjuu ghə keeli soʼonu kɔʼlə n tii mə.

1 Kɔrint 1:2

N tɔ̀ɔ bə màʼlə kən tə ghə̂ a Kəzə̀ ghey n naʼ i Kɔrint, ghə̂ ghən Zə̀ kə sày naŋanə nə̀ ghə doʼo ghə̂ a wi a zow ghə nsə ghə̂ ghən adzəm ghə loʼnə nə kəfə kəmɔʼ ghi Mûkəbii Yeso Klisto nə təluʼu tədzəm. Tə loʼ Mûkəbii ə ghə, loʼ soʼo Mûkəbii ə saa.

1 Kɔrint 10:17

Nghee baa kə loʼnə kəmɔʼ, saa u loʼnə n ndəm ni dzəŋi zə̂ baa kə tii, i sey diinə saa loʼ vən fə uwû fəmɔʼ, n təŋkey saa dzəŋi zə̂ə kə kəbaa kəmɔʼ.

1 Kɔrint 9:23

Zuŋ key n ghəŋŋənə ghəə ghən adzəm loʼ nə̀ tûm i dzuŋu zə i zam ndow, sey nə̀, mə i mbɔŋ keeli soʼo ibuulə tii.

2 Kɔrint 1:7

Fə kə loʼ kə way kə loʼnə ni təʼlə maʼa fə̀ŋ zey ghey gaʼnə n kow ghaa n təŋkey, ghey khənu nə̀ nghee tə̀ ghaa fəʼlə dzəŋinə ghi ghey n chɔd mən ghey koʼonə, abə Zə̀ kə i tsəmmənə ghey, tə tsəmmə soʼonu ghaa.

2 Kɔrint 9:13

Fwaʼ kə ghaa kən i ghəŋŋə nə̀ ndəm aghə̂ i fuu kɔʼləmə tə Zə̀ kə. Ghə i fuu nkɔʼlə tə̀ Zə̀ kə n təŋkey nghee ghaa buunə n wɔɔ kə ni gaamə ghə nsə dzûmə tə Klisto tə tədzəm dii bənu nə̀ ghaa dzûmənu tûm i dzuŋu zə bòʼ Klisto.

Efesus 3:6

Ghəə zey Zə̀ kə â nyi naŋanə loʼ nə̀, n bam i tûm i dzuŋu zə, ghə̂ ghən ghə way ghə̂ a Təjuu ghə, nya loʼ nə kəfə kəmɔʼ ghi ghə̂ a Təjuu ghə. Ghə nya loʼ tə̀ a loʼ wù umɔʼ. Sey, ghə i dzəŋi keelinu fə̂ key Zə̀ kə təb naŋanə tə̀ ghə̂ a wi ghə n bam i Yeso Klisto.

Efesus 4:1

Mə wən n loʼnə wù ndaw tsaʼ boʼnə n fwaʼa tə̀ Mûkəbii, n buʼu bə kəwɔɔ tə̀ ghaa nə̀ ghaa i muu muu zey i kpiilənə tə̀ ghə̂ ghey Zə̀ kə sàynə ghə.

Efesus 4:4

Saa dzəŋi loʼ tə̀ a loʼ wû u wù u loʼnə nə kəfə kəmɔʼ, Zay kə Zow kə u loʼnə kə kəmɔʼ tə̀ saa adzəm, ighələ tə̀ saa ghən adzəm Zə̀ kə tɔŋɔnə saa, saa ləmmənə fə kə mɔʼɔ kə.

Filipi 3:14

N dəmə ndow kə n sə kə, nə̀ n keeli kɔʼ kənaamə, tɔŋɔ naamə key kə loʼ idəŋ, kə key Zə̀ kə naŋanə tə̀ mə n bam i Yeso Klisto.

Kolose 1:12

Ghey gɔŋŋə nə̀ ghaa i khə duʼlə zə n fə̀ŋ tə ghaa naʼ idzəm, fuu kəzɔŋŋə tə Zə̀ kə nəŋə tədzəm, n təŋkey tə n ghəŋə nə̀ ghaa doʼo n taŋ a ghə̂ ghən ghə i zə̂ənə fə wən tə təb naŋanə tə̀ ghə̂ ghən ghə loʼnə n fɔ̀ɔ u kədaa.

Kolose 1:22

A kee loʼ nə̀, Zə̀ kə n ghaa ghəŋə nə̀ ghaa doʼo fə a wi bòʼ və i waa wi wən tə a kpunə n zat kə fəkaʼ, sey nə̀ muu i ghaa zə i zow khə way bwu i loʼ zə, ghaa i loʼ tsətsəghə n sə kə wi.

Kolose 3:12

Zə̀ kə n sày ghaa nə ghaa doʼo ghə̂ a wi a zow ghən tə ngii ləghənə, sey, ghaa khə teeli khə sî i kwɔɔlə zə, fə̀ŋ i dzuŋu zə, zuŋ kə umwam, ni buulə nsə ni kow fə̀ŋ.

1 Tesalonika 2:12

Ghey n kuu fə̀ŋ tə ghaa tə, tsəmmə ghaa, buʼu ghaa n wɔɔ kə nəŋə tədzəm nə̀ ghaa i muu muu zey i kpiilənə tə̀ Zə̀ kə, n təŋkey a loʼ wi tə tɔŋɔ naŋa bənə ghaa nə̀ ghaa zə̂ fɔɔ u wi nsə n ghaʼ i wi.

1 Tesalonika 5:27

N tsəʼlə bə kəlaŋ n zəd i Mûkəbii nə̀ ghaa i tɔŋɔ màʼlə kən n sə kə dzûmə tə Klisto tədzəm.

2 Tesalonika 1:11

À wən loʼ ghə i tii zə ghey gɔŋŋənə tə̀ ghaa nəŋə tədzəm. Ghey gɔŋŋə nə̀ muu i ghaa zə i loʼ n jìi zey Zə̀ kə tɔŋɔnə ghaa nə̀ ghaa muu tii. Ghey gɔŋŋə soʼo nə̀ tə fuu ghaa n daʼa kə sey nə̀, ghaa loʼ ni ghəŋə ghəə a dzuŋu ghey tə ləghənə nə̀ ghaa ghəŋə, ni ndow soʼo n sə kə ni fwaʼa fwaʼ key kə kpiilənə nghee i loʼ nə̀ ghaa khə bəghəm i fə̀ŋ n kow Klisto.

2 Tesalonika 2:14

Zə̀ kə â tɔŋɔ naŋa ghaa n muu i zən n bam i tûm i dzuŋu zən ghey naʼanə tə ghaa. Tə tɔŋɔ ghaa nə ghaa i loʼ dzəŋi ghi Mûkəbii saa Yeso Klisto n ghaʼ i wi.

1 Timoti 6:12

Kwu keeli taw tsu bəghəm i fə̀ŋ zə zə̀. Abə wə ghəŋənə sey, wə i keeli muu zə itsali tə a loʼ naamə kə. Zə̀ kə â sày wɔ nə wə keeli ndzoʼo muu i tii zə n nəŋə zey wə â dzanə nə wə bəghəm tə Klisto n sə kə ndəmə aghə̂.

1 Timoti 6:2

Kɔd wey ghə mûkəbii a ghə a loʼ nə̀ ghə n bəghəm fuu tə Klisto, khə way ni tsayyə ghə mûkəbii a ghə ghə a dza ghə bəghəm fuu tə Klisto tə a loʼ ghə. Ghə fəd khə ni ngii fwaʼa dzɔbə n təŋkey, ghə fwaʼa n tənə ghə̂ ghey ghə bəghəm fuunə tə Zə̀ kə tə a loʼ ghə, ghə a khə soʼo ləghə zə n kow ghə mûkəbii a ghə ghə. Wə khə ni teeli fuu ndow laŋ wən udzəm n dii kɔʼ bənə tə wɔ tə dzûmə tə Klisto tə, wə ghəŋə soʼo nə̀ ghə i dzûmə kɔʼɔ bə laŋ u tii wə.

2 Timoti 1:9

Zə̀ kə â bəghəshi saa, sày soʼo saa nə saa doʼo ghə̂ a wi. Tə â ka sey ghəŋə dzə bòʼ ghə i dzuŋu i loʼ zə saa â ghəŋə nə̀ tə wi, â fəd loʼ n təŋkey, à loʼ ghəə ghey tə â khə bayyə naŋa zeynə bòʼ ndzuŋ ə wi tə saa. Tə â tsəghə n kow Yeso Klisto ni fuu saa n ndzuŋ zən nə̀ mbi ka kam kaʼ.

2 Timoti 2:7

I tɔʼɔ moʼlə tsu ghəə ghən n dza kɔʼɔ bənə fa tə wɔ, n təŋkey, Mûkəbii i ghəŋənu nə̀ wə tɔʼ zowkeeli ghəə a tii ghə adzəm.

Hibru 10:19

Sey, waazə ghuŋ ghə, saa khə tənnu nə̀ saa i nyiənu n Luʼu kən kə Zow tsəghənə Luʼu tə tədzəm n bam i kaŋ tən Yeso â fəələnə.

Hibru 10:21

Nghee saa khənə fɔɔngili u səŋi wə tə loʼnə tow kə n ndaw Kəzə̀,

Hibru 10:23

Saa khə ni ndow kə n sə kə ni tɔʼ kwu keeli taw tsu ghəə ghən saa bəghəmnə tii, n təŋkey, saa khə ni gaʼ fə̀ŋ n kow Zə̀ kə nə̀ tə i ghəŋŋənu ghəə zən tə â təb naŋanə.

Hibru 13:22

Waazə ghuŋ ghə, n buʼu bə kəwɔɔ tə̀ ghaa nə̀ ghaa kow tsu fə̀ŋ ni zəllə tûm zən n tɔ̀ɔ bənə ni kuu bə fə̀ŋ tə ghaa. A wey loʼ ghə i tii zə n tɔ̀ɔ bənə sə fə aghəə fən tə̀ ghaa.

Hibru 2:11

Yeso ghi ghə̂ ghey tə â sow maʼa tsunə bəb i ghə zə, dzəŋi khə bày umɔʼ. À wey loʼ ghə i tii zə Yeso dədlə way n tow kə ni tɔŋɔ ghə nə̀ a loʼ waazə a wi.

Hibru 2:17

À wən loʼ ghə i tii zə Zə̀ kə a khə ni ghəŋə tsu nə̀ tə doʼo bə tə̀ a loʼ saa waazə a wi nə təjìi tədzəm sey nə̀, tə loʼ ni doʼo bə fɔɔngili u nii nii wə. Tə wən ghə loʼ ni gaʼ fə̀ŋ n kow wi, tə khə soʼonə sî i kwɔɔlə zə. Sey nə̀ tə loʼ ni ney fuu ndow wû u wi tə̀ a loʼ umaʼlə ni sow maʼa ghəə a bəbə ghən ghə̂ a ghəŋŋənə.

Hibru 3:12

Waazə ghə, ghaa ney ighə̂mə nə̀ kə wù ghaa u loʼ u nə keeli fə̀ŋ i bəbə zə tə̀ tə loʼ ni tuu ni bəghəm tə̀ Zə̀ kə. Wù wey tə khənə ndzoʼo fə̀ŋ zən, way dzə ni ndow n səə Zə̀ kən kə fuunə muu zə.

Hibru 3:14

Abə saa təmi taw tsunə n bəghəm i fə̀ŋ zən saa â keelinə nə nzeyyə ni ndow kuum ndow, saa i keeli soʼo fə wey Klisto khənə.

Hibru 6:20

Yeso mâ nyi doʼo fu isə n tow u saa tə̀ saa ni ndow fu, tə u doʼo tən fɔɔngili u nii nii wə tə̀ saa tə̀ a loʼ Mekisedek.

Hibru 7:26

Yeso sey loʼ fɔɔngili u nii nii wən tə kɔʼ kpiinə ni laalə ghəə a saa ghə. Tə u zow, khə way bwu zə nkee bəb i loʼ zə n kow wi. Zə̀ kə a ney nuu shi kɔʼ wi n fəŋŋə kə ghə̂ a bəbə ghə, kɔʼlə naŋa kɔʼ wi idəŋ.

Hibru 7:28

Laŋ kə Mushi kə â say kɔʼɔ ghə fɔɔngili a nii nii ghə n fəŋŋə kə aghə̂, nə̀ aghə̂ adzəm loʼ ni ghəŋə bəəbə. À kee loʼ nə̀ kaa mən mə â bənə n bàa kəlaŋ â tsuʼ naŋa kɔʼ waa Kəzə̀ wən tə ghəŋŋə bəəbə koʼo tsə way.

Hibru 9:11

Klisto n kee bə tə̀ a loʼ fɔɔngili u nii nii wən tə fuunə fə u dzuŋu wən u loʼ zeynə fa. Fəə key tə fwaʼanə ghəə a wi ghə tii, tsəghəshinu, kpii tsəghəshi soʼo fəə u loʼ wən. À way dzə wù sɔŋtsuʼ tə khəmnə fəə fə tii fə, dii tsuu nə̀ fə way dzə n fə wey Zə̀ kə â bɔmnə fa n mbi.

Hibru 9:15

À wən loʼ ghəə zən i ghəŋənə nə̀ Klisto doʼo wù wey tə bayyənə kaa n fəghə mən sey nə̀, ghə̂ ghey Zə̀ kə â tɔŋɔnə ghə, i loʼ ni keeli ibuulə nəŋə tədzəm tə Zə̀ kə â təb naŋanə. Ghəə ghən i neynu bənə kə n təŋkey, Klisto mâ kpu ni kuum nuu shi bə tow u ghə n ghəə ghey ghə â ghəŋŋə tsənə nə̀ a kpiilə way n nəŋə zey kaa n sə isə mey â nam khə tsənə daʼa kə n kow ghə.

1 Pita 2:9

A kee bə ghaa, ghaa loʼ ghə̂ ghən ghə sày kɔʼnə, ghaa loʼ ghə fɔɔngili tə̀ də̀ŋ kə, kə loʼnə Zə̀ kə, ghaa loʼ naʼ i zow zə, ghaa loʼ ghə̂ a Kəzə̀, ghaa loʼ ghə̂ ghən tə sày kɔʼ nə̀ ghə naʼa ghəə a wi a dzuŋu ghən tə ghəŋŋənə. Tə tɔŋɔ nuu shi bə ghaa nə kələm, naŋa bə ghaa n dzɔbə dzɔbə kə tsə kə wi.

1 Pita 3:5

N dza sey n təŋkey à wən loʼ mwam wən gheyzən a wey wey ghey ghə â gaʼnə fə̀ŋ ə ghə n kow Zə̀ kə â khə tsənə tə̀ ghə ni dzɔbə. Ghə n zow tsə soʼo tə̀ num a ghə ghə.

1 Pita 5:1

N loʼ soʼo ngəd, n mâ koʼ Klisto nghee tə â fəʼlənə tii, mə i keeli soʼonu kɔʼlə mey tə khənə idəŋ abə tə i kəm bənə. N buʼu bə kəwɔɔ tə ghaa ngəd tə dzûmə tə Klisto tey tə loʼnə n fəŋŋə kə ghaa nə̀,

1 Pita 5:10

À kee loʼ nə̀ abə ghaa fəghə tsu n tɔŋɔ fə inəŋə, Zə̀ key kə diinə fə̀ŋ ə wi i dzuŋu zə tə saa nəŋə tədzəm, à loʼ wi tə â tɔŋɔnə ghaa nə̀ ghaa keeli soʼo kɔʼlə n wi mən n may way n təŋkey saa loʼ nə kəfə kəmɔʼ ghi Klisto. Wi n wû u wi wə i ghəŋə nə̀ ghəə a ghaa adzəm a kəm doʼo bə kədzuŋ, tə ghəŋə nə̀ bəghəm i fə̀ŋ i ghaa zə i taw, tə fuu soʼo ghaa n daʼa kə nə̀ ghaa i tɔʼ tey.

1 Jɔn 1:3

À loʼ ghə i zən ghey â ndzəm koʼnə, sə i zow, ghey naʼlə bənə tə ghaa. Sey nə̀ ghaa i təmdzəŋi ghey ni keeli muu zən ghey khənə ghi Bày, tɔŋŋə Kəzə̀ ghi waa wi Yeso Klisto.

Màʼlə kə Jud tə̀ ghə̂ a Kəzə̀ ghə 1:1

À màʼlə kən tɔ̀ɔ bə mə Jud wən n loʼ waazə Jems nsə wù kəfwaʼ a Yeso Klisto. N màʼlə kən tɔ̀ɔ bə tə̀ ghə̂ ghən adzəm, Zə̀ kən kə loʼnə Bày saa ləghənə, sày naŋa nə̀ ghə doʼo n tənə Yeso Klisto.

Chi dii 17:14

Ghə i zuu ballə Waa Nji zey. Waa njì zey i kee təm zə̂ kɔʼ ghə n təŋkey tə loʼ Mûkəbii tə̀ ghə mûkəbii adzəm, loʼ Kədəŋ tə̀ də̀ŋ wə udzəm. Ghə̂ ghey ghə i təmə dzəŋinə wi ni təm zə̂ wi, à i loʼ ghə̂ ghey tə â tɔŋɔnə, ghə̂ ghey tə â sàynə nsə ghə̂ ghey ghə dzûmənə wi n fə̀ŋ tə ghə tə tədzəm.”

Chi dii 18:20

Duʼlə n na a bikighow kə, duʼlə n na bòʼ və i weyzən wən! Ghaa ghən ghaa loʼnə ghə̂ a Kəzə̀, duʼlə n na! Ghaa ngəd tə Yeso nsə tûm tə Kəzə̀ tə, duʼlə n na! Ghaa duʼlə n təŋkey Zə̀ kə n wi saʼ Ghəŋə nə̀ tə fəghə ighələ tə̀ tə â ghəŋənə nə̀ ghaa fəghə.’”