Hibru 2:9 - Kaa n Kəzə̀ n fəghə mə

⁹ Saa kee koʼo ndownu Yeso wey Zə̀ kə â ghəŋə tsu nə̀ tsətəndəghə tə Kəzə̀ tə nyaʼi tsəghəshi tsu wi n kəmə fə inəŋə. Nya, Zə̀ kə n tsuʼ naŋa kɔʼ wi nə̀ tə i khə kɔʼlə mə nsə ngɔɔmə zə nghee tə â fəghənə, bə kpu soʼo n tow u saa. À loʼ bòʼ fə̀ŋ i dzuŋu zən Zə̀ kə khənə n kow saa tə â ghəŋənə nə̀ Yeso bə kpu n tow wə aghə̂ adzəm.

Hibru 2:9 Mawu Ofanana

Matyo 16:28

N dza bə isəŋə tə̀ ghaa nə̀, ghə̂ a loʼ a loʼ fa ghə i koʼ way və zə nə̀ ghə ka koʼ Waa Weynum tə bəghənə n wû u Kədə̀ŋ.”

Matyo 6:28

Ghaa wû i ghaa baa fəmmə i kee zə bòʼ ghəə a təndzə̂ ə? Koʼo ndòw na nghee tə ghìi u nyîmmə tii, ghə fwaʼa way ni keeli təndzə̂, ghə taŋi soʼo way ndzə̂ tə ghə tə.

Malakus 9:1

Tə n ndòw n sə kə, dza tə̀ ghə nə̀, “N dza bə isəŋə tə̀ ghaa nə̀, ghə̂ a loʼ fa nə̀ ghə i kpu way nə̀ ghə ka koʼ fɔɔ u Kəzə̀ wə u bəghənə n daʼa kə.”

Lukas 9:27

N dza bə isəŋə tə ghaa, nghee saa teynə fa, ghə̂ a loʼ a loʼnu ghə i koʼonə fɔɔ u Kəzə̀ wə nə ghə ka kpu.”

Tùm i dzuŋu zə kuum Yeso Klisto tə Jɔn â tɔɔnə 1:29

Tsətsə wey, Jɔn n koʼ ndòw Yeso tə bəghənə n səə wi, tə n dza, “Koʼo na! À wən loʼ Waa njì ə Kəzə̀, tə ney nuulənə bəb i ghə̂ a mbi zə.

Tùm i dzuŋu zə kuum Yeso Klisto tə Jɔn â tɔɔnə 10:17

Bày wuŋ ləghə mə n təŋkey n bəghəmnu ni kpu, sey nə̀, mə i kəm keeli dzəŋŋə bə muu zuŋ ibam.

Tùm i dzuŋu zə kuum Yeso Klisto tə Jɔn â tɔɔnə 12:32

Abə ghə̂ ghə i ney nuu kɔʼnə mə fa aghəd, kɔʼlə naŋa kɔʼ mə n zat kə fəkaʼ, mə i zuŋŋə bə aghə̂ adzəm n tənə mə.”

Tùm i dzuŋu zə kuum Yeso Klisto tə Jɔn â tɔɔnə 3:16

Kuumnə, Zə̀ kə â ngii ləghənu mbi ni ney fuu bə sɔʼi fə Waa wi, nə̀ wù wey tə bəghəmnə tə wi, tə i ka kpu, tə i fəd keeli muu zə itsali.

Tùm i dzuŋu zə kuum Yeso Klisto tə Jɔn â tɔɔnə 8:51

N dza bə isəŋə tə̀ ghaa nə̀, wù wey tə ney naŋanə ghɔɔmə zuŋ zə, nə kpu koʼ way.”

Tùm i dzuŋu zə kuum Yeso Klisto tə Jɔn â tɔɔnə 8:52

Ghə̂ a Təjuu ghey n dza tə̀ wi nə̀ “Ghey n ndzəm keeli nya nə̀ zay kə bəbə kə loʼ n kow wɔ. Abraham mâ khə kpu, tûm tə Kəzə̀ tə n bə kpu soʼo, wə u kee dzanə nə̀ abə wù naŋŋənə ghɔɔmə zə zə̀ tə nə kpu koʼ way.

Kəfwaʼ 2:33

Zə̀ kən kə loʼnə Bày wi n kɔʼlə naŋa wi n kpii u wi u təmə wə, fuu wi n Zay kə Zow kə tə̀ tə â təb naŋanə. Ghəə ghən ghaa koʼonə fa nsə ghəə ghən ghaa zownə à loʼ Zay kə Zow kən Yeso fuu bənə tə ghey naʼ idzəm.

Kəfwaʼ 3:13

Zə̀ kə Abraham, Zə̀ kə Ayzik nsə Zə̀ kə Yakɔb kə, tɔŋɔ Zə̀ kən ghə bày a saa ghə â kɔʼlənə, n kɔʼlə naŋa wù kəfwaʼ a wi Yeso. À loʼ Yeso wən ghaa â fuu tsəʼlə ndownə nə̀ ghə wey wi. Ghaa mâ wi tuu maʼa n sə kə Pilato loʼ sey nə̀ Pilato mâ tsə̀m ni zəghə maʼa wi.

Roma 5:18

Nghee tə i loʼ nə̀ à loʼ ghə i bəbə zən imɔʼ i ghəŋənə nə̀ Zə̀ kə dza nə̀ aghə̂ adzəm n bwu saʼ, a loʼ soʼo ighələ ghə i dzuŋu zən imɔʼ Klisto â ghəŋənə i ghəŋənə nə̀ aghə̂ adzəm a doʼo tsətsəghə n sə K-a-zə̀, ghə keeli soʼo muu zən i nə may way.

Roma 5:8

Zə̀ kə n kee dii bə nə̀ tə ngii ləghə saa nghee tə̀ tə â tûm bənə Klisto nə̀ tə bə kpu n tow u saa nə̀ saa nam loʼ tsə ghə̂ a bəbə ghə.

Roma 8:3

Zə̀ kə mâ ghəŋə ghəə ghey laŋ kə Mushi kə â way ni ghəŋə n kow ghey təŋkey gow uwû ləghə way ni ghəŋŋə ghəə ghey laŋ kə dzanə. Tə n ney kɔʼ waa wi tûm bə fa n mbi n wû u wù sɔŋtsuʼ tə a loʼ umaʼlə ni ghəŋə nə̀ kə bəb i nə kəm keelinə daʼa kə n kow saa.

Roma 8:32

Abə Zə̀ kə â loʼ ni ney fuu ndow waa wi nə̀ tə kpuu n tow u saa adzəm, ghaa moʼlə nə̀ tə i fuu way saa n fə u loʼ wən udzəm naʼ idzəm ə?

2 Kɔrint 5:15

Tə â kpu n tow u ghə̂ adzəm, sey nə̀ ghə̂ ghey ghə muunə, ghə i muu tə̀ wi, à kəm way dzə tə̀ wû i ghə zə̀, n təŋkey, tə â kpunu, Zə̀ kə n kəm zhəm dzəŋŋə bə wi nə̀ ivə n tow kə ghə.

2 Kɔrint 5:21

Klisto â khə way bəb i loʼ zə, Zə̀ kə n ghəŋə tsu nə̀ tə̀ doʼo bə tə̀ a loʼ wù bəbə wə bòʼ saa, sey nə̀ abə saa loʼnə nə kəfə kəmɔʼ ghi wi, saa i loʼ tsətsəghə n sə̂ K-a-zə̀.

Galeshia 4:4

Ambə nəŋə i kpi tsunə, Zə̀ kə n tûm bə waa wi. Waa tii n nyi bə fa n mbi nə a wi ji bə weyzən, tə n nyim kɔʼ bə tə laŋ kə ghə̂ Təjuu kə diinə.

1 Timoti 2:6

À loʼ wi tə â fuunə wû u wi wə ni kùmshi tow u ghə̂ adzəm. Yeso â bə kpu n tow u ghə̂ adzəm tə a loʼ tsəə ni dii tsu nə̀ nəŋə zey Zə̀ kə â bayyə naŋa ni bəghəshi aghə̂ tii n kpii.

Hibru 1:9

Wə ləghə kə ghəə ghey ghə̂ a ghəŋŋə nə̀ a kpiinu, bàa ghəə a bəbə ghey ghə̂ a ghəŋŋənə. À wey loʼ ghə i tii zə, Zə̀ kən kə loʼnə Zə̀ kə kə̀ sày naŋa kɔʼnə wɔ Ghəŋə nə̀ wə tsəghəshi ghə̂ ghey ghə dzəŋi loʼnə ghi wi adzəm, nghee tə tsoʼlənə wɔ n mbvə mey n ghəŋŋənə nə̀ wə i ngii khə duʼlə zə.”

Hibru 10:5

À wən loʼ ghə i tii zə nghee wù wən Zə̀ kə â dza naŋa nə̀ i tûm bənu â dza i bə fa n mbi, tə n dza tə̀ Zə̀ kə nə̀, “Wə ləghə way maʼlə wə nsə naamə kə, Wə fədlə bayyə naŋŋə vən fə uwû fuŋ tə̀ a loʼ umaʼlə.

Hibru 11:5

À loʼ bəghəm i fə̀ŋ zə â ghəŋənə nə̀ kə Enɔk i kpu. Zə̀ kə n ney nuu kɔʼ ndow wi idəŋ nə̀ tə ka kpu. I loʼ n màʼlə K-a-zə̀ nə̀, “Ghə â kəŋ kìi wi n təŋkey Zə̀ kə mâ ney nuu wi.” I loʼ sey n təŋkey, tə̀ Zə̀ kə ni ney nuu Enɔk, à n loʼ nə̀ tə n dza nə̀ Enɔk â ghəŋə nə̀ tə ngii duʼlə.

Hibru 12:2

Saa bɔɔmə naŋa ndow kə sə a saa n kow Yeso wən tə â ghəŋə nə̀ saa bəghəm tə̀ Zə̀ kə, gaamə soʼo saa nə̀ bəghəm i fə̀ŋ i saa zə i taw. Tə n kow tsu kə fə̀ŋ ni fəghə, tə bə kpu n zat kə fəkaʼ. Tə n ka dədlə kətow n ghə i tii zə n təŋkey, tə â khənu duʼlə zey tə i keelinə isə. Tə nya doʼ n kpii kə təmə kə n kuu kə fɔɔ K-a-zə̀.

Hibru 2:7

Wə â bɔm wù nə̀ tsətəndəghə tə Kəzə̀ tə nyaŋ təd tsəghə kɔʼ wi n kəmə fə inəŋə, Wə n fuu tsu wù n daʼa wə nsə kɔʼlə mə.

Hibru 7:25

À wey loʼ ghə i tii zə tə loʼ ni bəghəshiə ghə̂ ghey ghə bəghənə n səə Zə̀ kə nəŋə tədzəm nə̀ ghə tsəghə n baa wi n təŋkey, muu i wi i loʼ tən tsə kə ni buʼu wɔɔ kə tə̀ Zə̀ kə n tow u ghə.

Hibru 8:3

Nghee ghə â bəghə ghə n sày kɔʼ fɔɔngili u nii nii wə nə tə i fuu naamə kə, fəələ soʼo umaʼlə tə̀ Zə̀ kə n tow u ghə̂ adzəm, fɔɔngili saa u nii nii wən teeli khə ni khə soʼo fə kə ni fuu tə̀ Zə̀ kə.

1 Pita 1:21

À loʼ n bam i Klisto i ghəŋənə nə̀ ghaa bəghəm tə̀ Zə̀ kən kə â zhəm dzəŋŋə bənə wi nə ivə, kɔʼlə naŋa kɔʼ wi idəŋ. À wey loʼ ghə i tii zə ghaa khənə bəghəm i fə̀ŋ zə, ləmmə tənə soʼo nə̀ Zə̀ kə i ghəŋə ghəə a səŋi ghə tə̀ ghaa.

1 Jɔn 2:2

À loʼ wi Zə̀ kə â fuunə tə̀ a loʼ umaʼlə nə tə kpu n tow u saa ni sow maʼa bəb i saa. Tə â kad sow maʼa kə bəb i saa zə, tə â sow maʼa soʼo bəb i ghə̂ adzəm fa n mbi.

Chi dii 19:12

Sə̂ a wi a loʼ tə a loʼ uvələ u bəʼlənə, nə̀ tə n dzəŋə keeli soʼo taŋŋə u fɔɔ wə n ndəm n tow kə wi. Tə khə izəd ghə tɔ̀ɔ naŋa n kow wi nə̀ wù loʼ khə way zəd i tii zə, a may kə wi.

Chi dii 5:9

Ghə n zhim ndzaŋ i fəghə zə nə̀, “Wə kɔʼ kpiinu ni ney màʼlə kə nəmi kən, nsə ni zhweyyə nuu kɔʼ mə̀ŋ tən tii, n təŋkey, ghə mâ wɔ wey, wə n ney kaŋ tə, kuum shi tsu tow wə aghə̂ tii fuu bə tə̀ Zə̀ kə. Wə â kuum nuu shi bə aghə̂ n sali ndaw tədzəm, təghɔɔmə tədzəm, təluʼu tədzəm nsə naʼa tə tədzəm.