Hibru 2:10 - Kaa n Kəzə̀ n fəghə mə

¹⁰ Ufə udzəm, à bɔm Kəzə̀, à loʼ soʼo wi tə ghəŋŋənə nə̀ fə u tii wə i loʼ n jìi zey u loʼnə tii. Zə̀ kə â ghəŋə nə̀ Yeso fəghə sey nə̀ tə i ndzəm loʼ wù sə isə wey tə kpiinə ni ghəŋə nə̀ ndəmə aghə̂ a keeli kɔʼlə n wi. À wən loʼ ghəə zey i ghəŋənə nə̀ Yeso i ndzəm loʼ wù wey tə kpiinə ni bəghəshi aghə̂.

Hibru 2:10 Mawu Ofanana

Lukas 13:32

Yeso n dza, “Ndow dza na tə̀ wù wən tə tsiilə ghəŋŋə ghəə ghə tə̀ a loʼ kəkəŋ nə̀, n nam dzùm shiə avəətsəə n kow ghə̂ ghə, baŋŋə soʼo ghə̂ a dzaŋa ghə, n nam khə ni fwaʼ na nsə tsətsə, abə təfu mə i mayyə tsu fwaʼ kuŋ.”

Lukas 2:14

“kɔʼlə n loʼ tə Zə̀ kə tə loʼ idəŋ, buulə i Kəzə̀ zə i loʼ tə̀ ghə̂ ghey ndzuŋ ə wi loʼ kow ghə fa n mbi.”

Lukas 24:26

N dza i mâ dii may nə̀ Wù wən Zə̀ kə â dza naŋa nə̀ i tûm bənu î khə ni koʼ ndəmə uchɔd tə̀ wi ni kəm ndòw dzəŋŋə n nkɔʼlə n wi ə?”

Lukas 24:46

Tə n dza tə̀ ghə nə̀, “Ghə tɔ̀ɔ naŋa n màʼlə K-a-zə̀ nə̀ wù wən Zə̀ kə â dza naŋa nə̀ i tûm bənu, teeli khə ni koʼ uchɔd, ghə i wey wi, tə i zhəm dzəŋŋə bə nə ivə n bam zə ntsuʼu ntəghə.

Tùm i dzuŋu zə kuum Yeso Klisto tə Jɔn â tɔɔnə 11:52

Tə n dza zey soʼo nə̀, Yeso i kad kpu kə way n tow kə naʼ i Təjuu, a i loʼ soʼo ni zuŋŋə dzəŋŋə bə waa a Kəzə̀ ghey ghə saŋŋə doʼo kaabənə n badla tə mbi tədzəm.

Tùm i dzuŋu zə kuum Yeso Klisto tə Jɔn â tɔɔnə 19:30

Yeso n sɔɔlə mə̂ kɔʼ nlə n tii mə, daŋŋə dza nə̀, “Zə n may nya.” Tə n kùm tsu kətow, daŋŋə zay may kɔʼ i bə.

Kəfwaʼ 3:15

Ghaa â wey maʼa wù wən tə fuunə muu zə, Zə̀ kə n kee zhəm dzəŋŋə bə wi nə ivə. Ghey mâ koʼ ghəə a tii ghə adzəm, ghey a dza bənə nya tə ghaa.

Kəfwaʼ 5:31

Zə̀ kə n wi kɔʼlə naŋa kɔʼ n kpi u wi u təmə wə tə a loʼ kətow nsə bəghəshi, nə̀ tə loʼ ni fuu ghə̂ ghə Izree n bùʼ kə tə ghə kweyyə fə̀ŋ tə ghə, nsə nə Zə̀ kə neyzəə ghəə a ghə a bəbə ghə.

Roma 11:36

I loʼ sey n təŋkey, à loʼ Kəzə̀ kə fwaʼnə fə wə udzəm. À naŋŋə wi fə wə udzəm, à loʼ wi tə khənə fə wə udzəm. Saa khə ni fuu kɔʼləmə tə Zə̀ kə nəŋə tədzəm. Zə i loʼ sey.

Roma 9:23

Zə̀ kə â dii sî i wi i kwɔɔlə zə tə̀ ghə̂ ghey tə â sàynə, ghəŋə nə̀ ghə keeli kɔʼlə n wi ni ghəŋə nə̀ aghə̂ adzəm a keeli nə̀ tə ngii khə sî i kwɔɔlə zə.

1 Kɔrint 2:7

Tûm zən n naʼlə bənə loʼ tɔb wən u nuu bənə n wɔ Zə̀ kə. Zə̀ kə â nyi naŋa tɔb wən, ghə̂ ghə u khə way. Zə̀ kə â təb naŋa tɔb u tii wə tə saa nə̀ mbi ka kam kaʼ nə̀ saa i keeli nkɔʼlə tii.

1 Kɔrint 8:6

A kee bə saa, saa khə kə Kəzə̀ kəmɔʼ. À loʼ Bày saa tə bɔmnə fə wə udzəm, saa fa muu bòʼ wi. I loʼ soʼo nə̀ saa khə kə Mûkəbii umɔʼ. À loʼ Yeso Klisto wən Zə̀ kə â bɔmnə fə wə udzəm fa n mbi n bam i wi, à loʼ soʼo n bam i wi saa muunə.

2 Kɔrint 3:18

Saa ghən adzəm saa loʼnə nya n tûm n təsə mə təghə, saa n koʼ nghee Mûkəbii nyiəllənə tii. Nghee tə̀ saa koʼonə sey, Zay kə Zow kə nya kweyyə nuulə bə saa nyaŋi fənyaŋi nə̀ saa doʼo bə tə̀ a loʼ Mûkəbii sey nə̀, ghə̂ a loʼ ni tɔʼ koʼ nghee tə nyiəllə tii.

2 Kɔrint 4:17

Sey, nyaŋi mə nchɔd mən saa koʼonə nyisa, n fədlə bayyə naŋa bə saa nə̀ saa i keeli kɔʼlə mən n nə may way, n tsəghəshinə chɔd mən n dzəm a keelinə.

2 Kɔrint 5:18

Ghəə ghən adzəm, à ghəŋŋə Kəzə̀, tə təmdzəŋi bə ghey ghi wi n bam i Klisto. À fuu wi fwaʼ kən tə̀ ghey nə̀ ghey i təmə dzəŋi bə ghə̂ ghə ghi wi.

2 Kɔrint 6:18

Zə̀ kə, tə khənə daʼa wə udzəm dza soʼo nə̀, “Mə i doʼlə Bày ghaa, Ghaa i loʼ waa ghuŋ a num ghə nsə a zən ghə.”

Galeshia 3:26

Nya, à loʼ bəghəm i fə̀ŋ zən ghaa khə n kow Yeso Klisto, i ghəŋŋənə nə̀ ghaa doʼo waa a Kəzə̀.

Efesus 2:7

Zə̀ kə â ghəŋə sey, sey nə̀, n num tən tə bəghənə, tə i loʼ ni dii ndzuŋ ə wi naʼ idzəm tə̀ ghə̂ ghə nsə ləghə i wi zən i ghəŋŋə nə̀ saa i loʼ nə kəfə kəmɔʼ ghi Yeso Klisto.

Efesus 3:10

Moʼlə i wi zə â loʼ nə̀ ghə̂ a dzəŋi kə dzûmə tə Klisto ghə i loʼ ni dii tɔb u Kəzə̀ u nii wə tə̀ daʼa wey u saʼanə ghə̂ ghey ghə loʼnə n tənə ghə n luʼu tə idəŋ tə.

Kolose 3:4

Abə Zə̀ kə i dii bənə Klisto wən tə baa khənə muu i ghaa zə tə mbi, ghaa i loʼ dzəŋi ghi wi n ghaʼ i wi.

2 Timoti 2:10

À wey loʼ i ghii n kownə fə̀ŋ nə aghəə adzəm n tow u ghə̂ ghən Zə̀ kə sàynə ghə, sey nə̀, ghə loʼ ni keeli soʼo ibəghəshi n bam i Yeso Klisto, ghə keeli soʼo kɔʼlə mən n nə may way.

Hibru 12:2

Saa bɔɔmə naŋa ndow kə sə a saa n kow Yeso wən tə â ghəŋə nə̀ saa bəghəm tə̀ Zə̀ kə, gaamə soʼo saa nə̀ bəghəm i fə̀ŋ i saa zə i taw. Tə n kow tsu kə fə̀ŋ ni fəghə, tə bə kpu n zat kə fəkaʼ. Tə n ka dədlə kətow n ghə i tii zə n təŋkey, tə â khənu duʼlə zey tə i keelinə isə. Tə nya doʼ n kpii kə təmə kə n kuu kə fɔɔ K-a-zə̀.

Hibru 6:20

Yeso mâ nyi doʼo fu isə n tow u saa tə̀ saa ni ndow fu, tə u doʼo tən fɔɔngili u nii nii wə tə̀ saa tə̀ a loʼ Mekisedek.

Hibru 7:26

Yeso sey loʼ fɔɔngili u nii nii wən tə kɔʼ kpiinə ni laalə ghəə a saa ghə. Tə u zow, khə way bwu zə nkee bəb i loʼ zə n kow wi. Zə̀ kə a ney nuu shi kɔʼ wi n fəŋŋə kə ghə̂ a bəbə ghə, kɔʼlə naŋa kɔʼ wi idəŋ.

Hibru 7:28

Laŋ kə Mushi kə â say kɔʼɔ ghə fɔɔngili a nii nii ghə n fəŋŋə kə aghə̂, nə̀ aghə̂ adzəm loʼ ni ghəŋə bəəbə. À kee loʼ nə̀ kaa mən mə â bənə n bàa kəlaŋ â tsuʼ naŋa kɔʼ waa Kəzə̀ wən tə ghəŋŋə bəəbə koʼo tsə way.

1 Pita 1:12

Zə̀ kə mâ dii naŋa zey bə tə̀ tûm tə wi tə nə̀ fwaʼ kə ghə kə â way dzə ni gaamə wû i ghə, â fəd loʼ ni gaamə ghaa. I loʼ soʼo tə̀ nghee tûm tə Kəzə̀ tən â dza naŋa zey bənə ghəə ghey ghaa zownə nya n wɔ ghə̂ ghey ghə naʼlə bə tûm i dzuŋu zən tə̀ ghaa n daʼa kə Zay kə Zow key Zə̀ kə tûm tsu bənə tə̀ ghaa idəŋ. À wən loʼ aghəə nə̀ tsətəndəghə tə Kəzə̀ tə buʼu dəmə soʼo ni zowkeeli.

1 Pita 5:1

N loʼ soʼo ngəd, n mâ koʼ Klisto nghee tə â fəʼlənə tii, mə i keeli soʼonu kɔʼlə mey tə khənə idəŋ abə tə i kəm bənə. N buʼu bə kəwɔɔ tə ghaa ngəd tə dzûmə tə Klisto tey tə loʼnə n fəŋŋə kə ghaa nə̀,

1 Pita 5:10

À kee loʼ nə̀ abə ghaa fəghə tsu n tɔŋɔ fə inəŋə, Zə̀ key kə diinə fə̀ŋ ə wi i dzuŋu zə tə saa nəŋə tədzəm, à loʼ wi tə â tɔŋɔnə ghaa nə̀ ghaa keeli soʼo kɔʼlə n wi mən n may way n təŋkey saa loʼ nə kəfə kəmɔʼ ghi Klisto. Wi n wû u wi wə i ghəŋə nə̀ ghəə a ghaa adzəm a kəm doʼo bə kədzuŋ, tə ghəŋə nə̀ bəghəm i fə̀ŋ i ghaa zə i taw, tə fuu soʼo ghaa n daʼa kə nə̀ ghaa i tɔʼ tey.

Chi dii 4:11

“Mûkəbii ghey nsə Zə̀ kə ghey kə, wə kɔʼ kpiinu nə̀ ghə̂ ghə i fuu wɔ n kɔʼlə mə, ngɔɔmə soʼo wɔ n daʼa key wə khənə. Â bɔm wɔ fə wə udzəm, â tsəm soʼo wɔ nə̀ fə wən i loʼ, u keeli soʼo imuu.”

Chi dii 7:9

Ambə jim wən i tsəghə tsunə, mə n koʼ ndow n sə̂ kuŋ nɔɔ kə aghə̂ kən wù way ni taŋ ghə shinə n sali ndaw tədzəm, naʼa tədzəm, nə təluʼu tədzəm nsə n ghɔɔmə tə naʼa tə tətûm tədzəm. Ghə n tey n sə kə kuu kə fɔɔ key nsə Waa Nji zey nə̀ ghə n dzəŋə keeli ndzə̂ tə fəmə tə nə uwû, khə soʼo utsəghə nə awɔɔ.