Hibru 13:8 - Kaa n Kəzə̀ n fəghə mə

⁸ Yeso Klisto loʼ wù wey tə loʼnə ighələ azɔy, na, nsə nə tənəŋə tədzəm.

Hibru 13:8 Mawu Ofanana

2 Kɔrint 1:19

Waa Kəzə̀, Yeso Klisto wən ghey naʼlənə tə̀ ghaa, tɔŋŋə, mə, Sivanus, nsə Timoti, fwɔdlɔ bəghəm dzə way ghəə zə, tə n kəm tuu i tsu. Abə tə bəghəm kɔʼnə ghəə zə, tə n bəghəm, nə̀ tə tuunu, tə n tuu tən tsu.

2 Kɔrint 1:20

I loʼ sey n təŋkey, à loʼ Klisto tə luulənə ghəə ghey Zə̀ kə â təb naŋanə adzəm. À loʼ n bam i wi ghey loʼnə ni bəghəm dzəŋi nə̀, “Zə̀ i loʼ sey.” Fuu ndow nkɔʼlə n dzəm tə̀ Zə̀ kə.

Hibru 1:12

Wə i gɔy nuu kɔʼɔ fə u tii wə tə̀ wù nə gɔy nuulənə ndzə̂ tə wey tə, Fə u tii wə i kwey nuu kɔʼ tə̀ wù nə kwey nuulə kɔʼɔ ndzə̂ tə wey tə ghi tə fəghə tə. A kee bə wɔ, wə nə loʼ tsə kə nə kətə̀ŋ, Muu zə i nə may koʼ way.”

Jems 1:17

Keeli tsu na nə a loʼ Zə̀ kə idəŋ kə, kə fuunə ghəə a dzuŋu ghə nsə fə u dzuŋu wən a keelinə fa n mbi udzəm. À loʼ wi tə khənə daa wən u loʼ idəŋ udzəm. Tə kweyyə koʼo tsə way n doʼo i wi tə a loʼ daa u wi wən u kweyyənə n jìi zey u baŋanə tii.

Màʼlə kə Jud tə̀ ghə̂ a Kəzə̀ ghə 1:25

Saa i fuu kɔʼlə mə tə Zə̀ kə, à loʼ kənə wi Zə̀ kə. À loʼ wi bəghəshi ə saa n bam i Yeso Klisto Mûkəbii saa. Nkɔʼlə n dzəm, udaʼa udzəm nsə fɔ̀ɔ wə udəŋ wən udzəm wə â loʼnə tə̀ mbi ni kaʼ, u wən u loʼnə nya nsə u wey wə i bə doʼlənə tə̀ mbi nə bə may, loʼ tə wi. Zə i loʼ kə sey.

Chi dii 1:11

Zə n dza bə tə̀ mə nə̀, “Tɔ̀ɔ tsu ghəə ghən wə i koʼonə nə̀ kəmàʼlə, wə tûm ndow tə dzəŋi u dzûmə tə Klisto wən usəghəmbəghə. Tum ndow màʼlə kə tii kə tə̀ dzəŋi kə dzûmə tə Klisto key n Efesus, Smayna, Pegamum, Tyatira, Sadis, Filadefya, nsə Lodishya.”

Chi dii 1:4

À loʼ mə Jɔn n tɔɔnə màʼlə kən. N tɔ̀ɔ bə tə̀ dzəŋi u dzûmə tə Klisto wən usəghəmbəghə u loʼnə n mboʼo Eshya. N gɔŋŋə nə̀ Zə̀ kə mə dii ghaa n ndzuŋ ə wi, tə fuu soʼo ghaa n buulə zə. À loʼ wi tə â loʼnə nə nzeyyə, tə loʼnə nyisa, à loʼ soʼo wi tə i bəghənə. N gɔŋŋə soʼo nə̀ zày u Kəzə̀ wən usəghəmbəghə u loʼnə n sə kə ndaŋ ə kədə̀ŋ ə Kəzə̀ dii ghaa n ndzuŋ, u fuu soʼo ghaa n buulə zə.

Chi dii 1:8

Mûkəbii tə loʼnə Zə̀ kə, dza nə̀, “N loʼ ney kəsə̂ nsə fii kəbam. Mə â loʼ nə̀ nzeyyə, mə n loʼ nə nyisa, à loʼ soʼo mə, n khənə ni kəm bə. À khə mə daʼa wə udzəm.”