Hibru 13:7 - Kaa n Kəzə̀ n fəghə mə

⁷ Kə ghaa nə neyzəənə ghə̂ ghey ghə â diinə ghaa n jìi, tɔŋŋə ghə̂ ghən ghə a khəənə ghəə a Kəzə̀ ghə tə̀ ghaa. Moʼlə tsuu n na jìi zey ghə â muunə tii, ghaa dzûmə ndow ghow kə ibwey kə ghə n bəghəm i fə̀ŋ zey ghə â khənə n kow Zə̀ kə.

Hibru 13:7 Mawu Ofanana

Matyo 24:45

Yeso n dza kpiʼi ndow tə̀ ghə nə̀, “À loʼ wù kəfwaʼ u ghaa wə wù loʼnə ni gaʼ fə̀ŋ n kow wi, tə u khə soʼonə tɔb wə ə? À loʼ tə wey, mûkəbii wi fuu naŋanə wi n fwaʼ kə nə̀ tə i laalə ghə̂ a kəfwaʼ à loʼ ghey, fuu ghə n fəzəə wə nə inəŋə.

Lukas 12:42

Mûkəbii n beeli ndòw wi nə̀, “Wù kəfwaʼ u sə̀ŋi u loʼ wù wey tə khənə tow kə, tə̀ mûkəbii wi loʼ ni gaʼ fə̀ŋ n kow wi, tə ney naŋa wi tə a loʼ wù kətow nə tə i nyaŋə fə u ghə̂ a kəfwaʼ a loʼ ghə, nsə ni fu soʼo ghə n fəzəə wə n nəŋə i ghə i zə̂ə zə.

Lukas 5:1

Ambə n tsuʼ fə loʼ fə, Yeso n tey n nguŋə nyi i Jenesalet, nɔɔ kə aghə̂ kə n loʼ fu, tənə ndòw iwùu n səə wi ni zəllə ghɔɔmə i Kəzə̀.

Lukas 8:11

À wən lòʼ ghəə zey ghɔɔmə i fənkəfən zən dii nə̀, ndzoʼ tey lòʼ ghɔɔmə i Kəzə̀.

Kəfwaʼ 13:46

Pɔl nsə Banabas n ka tsəm tsəŋ ni dza tə ghə nə̀, “Zə â ndzəm kpiinu nə ghey naʼa dzə ghɔɔmə i Kəzə̀ tə ghaa. Nya wən ghaa tuu maʼanə ghɔɔmə i tii zə, dza nə̀ ghaa ka kɔʼ kpii dzə ni keeli muu zə itsali, ghey naʼlə ndow kə tə ghə̂ ghey ghə way ghə̂ a Təjuu ghə.

Kəfwaʼ 14:23

Ghə n sày naŋa tsəghə ndow təngəd n dzəŋi dzûmə tə Klisto tən tədzəm ghə â bweyyə koʼnə. Ghə n gɔŋŋə tə ghə, bam idzuu, fu naŋa ndow ghə n wɔɔ kə Mûkəbii wən ghə â bəghəmnə tə̀ wi.

Kəfwaʼ 4:31

Ambə ghə gɔŋŋə may tsunə, luʼu tə n noʼlə tsu n luʼu key ghə â təmdzəŋi doʼonə tii. Zay kə Zow kə n nyi bə n kow ghə, ghə n zey ni naʼlə tûm Kəzə̀ nə ghə tsəŋə way.

Roma 10:17

Sey, wù bəghəm kə tûm nə̀ tə n zow tûm tii. À loʼ abə ghə naʼlənə tûm i dzuŋu zə bòʼ Klisto wù zow soʼonə tûm i tii zə.

1 Kɔrint 10:13

Keeli tsu na nə̀ ghə i loʼ i way zə i bə mɔm koʼonə ghaa nə̀ i ka kam mɔm koʼ tsə ghə̂ a nuu ghə. A kee loʼ nə̀ Zə̀ kə naŋŋənu ghɔɔmə i wi zə. Sey tə î way dzə ni bəghəm nə̀ ghə i loʼ i mɔm koʼ ghaa nə̀ ghaa i taw tsəghə way ghə i tii zə. Abə ghə i loʼ i kee mɔm koʼnə ghaa, tə i diinu ghaa n jìi tə̀ ghaa loʼ tyi shi tii, sey nə̀ ghaa loʼ ni kow fə̀ŋ n ghə i tii zə.

1 Kɔrint 11:1

Ney na ghow kə ibwey kuŋ kə nghee tə n neynə ghow kə ibwey kə Klisto kə.

1 Kɔrint 4:16

Sey, n buʼu bə kəwɔɔ tə̀ ghaa nə̀ ghaa ney ghow kə ibwey kuŋ.

Filipi 3:17

Waazə ghuŋ ghə, ghaa khə ni dzəŋi dzûmə bə kə ghow kə ibwey kuŋ, koʼo ney soʼo aghəə n wɔ̂ ghə̂ ghey ghaa koʼnə nə̀ ghə dzûmənu muu zey ghey diinə tə̀ ghaa.

1 Tesalonika 1:6

Nghee ghaa â buʼu fəʼlə kənu, Zay kə Zow kə n ghəŋə nə̀ ghaa bəghəm tûm i dzuŋu zə nə iduʼlə. Sey, ghaa n bɔɔmə ney ndow ghow kə ibwey kə ghey dii tsu nə̀ ghaa mâ ney soʼo ghow kə ibwey kə Mûkəbii kə.

1 Tesalonika 2:13

À wey loʼ ghə i tii zə ghey fuu zeelinə zɔŋŋə kə tə̀ Zə̀ kə n təŋkey ghɔɔmə i wi zən ghaa â zownə n wɔ̂ ghey, ghaa n bəghəm kɔʼ, ghaa â bəghəm naŋa koʼ nə̀ a loʼ ghɔɔmə i Kəzə̀, a way dzə ghɔɔmə i wù sɔŋtsuʼ. À ndzəm loʼ ghɔɔmə i Kəzə̀ n tənkey, ghɔɔmə i tii i fwaʼa n fə̀ŋ tə ghaa ghəŋŋə nə̀ bəghəm i fə̀ŋ i ghaa zə nyîmmə.

2 Tesalonika 3:7

N dza sey n təŋkey, ghaa khənu n wù i ghaa nə̀ ghaa khə ni dzûmə kɔʼɔ bə ghôw kə ibwey kə ghey. Ghey â lay way n muu i ghey n nəŋə zey ghey loʼ ghi ghaa.

2 Tesalonika 3:9

 loʼ buʼ kə ghaa ni laalə tə̀ ghey kənunu. À kee loʼ nə̀ ghey â ləghə ni moʼ dii bə ghaa n jìi zey ghaa khənə ni muu ti.

1 Timoti 3:5

I loʼ sey n təŋkey abə wù way ni kwu keeli ndaw wi, tə i loʼ ngee ni kwu keeli ghə̂ a Kəzə̀ ə?

Hibru 13:17

Ghaa i zow tə̀ ghə̂ ghey ghə diinə ghaa n jìi, ghəŋŋə ndow ghəə ghey ghə dzanə. À loʼ ghə, ghə laalənə tow u ghaa wə, à i tiilə dza soʼo ghə tə̀ Zə̀ kə ghəə ghey adzəm ghə â fwaʼnə tə̀ ghaa. Abə ghaa zownə tə̀ ghə, ghə i fwaʼa fwaʼ kə ghə kə tə̀ ghaa nə iduʼlə. Abə ghaa zow way tə̀ ghə, ghə i fwaʼa fwaʼ kə ghə kə nə imow. Abə ghə fwaʼanə nə imow, zə i gaamə way ghaa n ghə i loʼ zə.

Hibru 13:24

Ghaa tɔŋɔ zow ghə̂ ghey ghə diinə jìi tə̀ ghaa nsə ghə̂ a Kəzə̀ ghə adzəm. Waazə a saa ghən n naʼ i Itali tûm bə itɔŋɔ zow tə̀ ghaa.

Hibru 6:12

Ghey ləghə way nə̀ ghaa doʼo bə ghə̂ a lay ghə, ghey fədlə ləghə nə̀ ghaa i dzûmə ndow ghow kə ibwey kə ghə̂ ghən ghə khənə bəghəm i fə̀ŋ zə, kow soʼo fə̀ŋ ni bə keeli fə key Zə̀ kə â təb naŋanə tə̀ ghə.

1 Pita 4:11

Wù wey tə naʼlənə ghɔɔmə i Kəzə̀ zə, tə khə ni bɔɔmə naʼlə kə ghəə ghey Zə̀ kə dzanə. Wù wey tə fwaʼanə tə̀ ghə̂ ghə, tə khə ni fwaʼa n daʼa key Zə̀ kə fuunə tə̀ wi, sey nə̀, nə aghəə adzəm, ghə̂ ghə i loʼ ni fuu kɔʼlə mə tə̀ Zə̀ kə n bam i Yeso Klisto. À loʼ tə̀ wi tə khənə kɔʼlə mə n dzəm, a loʼ soʼo wi tə khənə daʼa wə udzəm saʼa nəŋə tədzəm. Zə i loʼ sey.

Chi dii 1:9

N loʼ Jɔn waazə ghaa wən tə fəʼlə dzəŋinə ghi ghaa n ghəə a fɔɔ u Kəzə̀, kow soʼonə fə̀ŋ tə̀ aloʼ ghaa n təŋkey saa loʼ nə kəfə kəmɔʼ ghi Yeso. Ghə â kwu naŋa mə n naʼ i loʼ zə dzuu dzəŋ tsəghə kɔʼnə n təŋkey mə â naʼlə ghɔɔmə i Kəzə̀, dza soʼo isəŋə zey Yeso â dza naŋanə. Ghə tɔŋŋə naʼ i tiizə nə̀ à loʼ Patmus.

Chi dii 20:4

Mə n koʼ ndow kuu wə udəŋ nə ghə̂ ghey ghə â doʼonə tii, ghə n fuu ghə n daʼa kə ni saʼ. Mə n koʼ ndow soʼo zay u ghə̂ ghən ghə â gboo tôw u ghə wə boʼnə ghə â tiilə dza aghəə bòʼ Yeso tiilə dza soʼo aghəə bòʼ ghɔɔmə i Kəzə̀. Mə n koʼ ndow soʼo ghə̂ ghey ghə â ka ngɔɔmə faalə kə nyam mbvən key, muʼu fey fə fiilənə wi, ka ney tsə̀ə faalə kə nyam mbvən key n kaʼ usə u ghə nkee n wɔɔ kə ghə. Ghə n doʼo bə utaw, saʼ soʼo tə a loʼ udəŋ ghi Klisto nə tənum kam.

Chi dii 6:9

Sey, Waa Nji zey n zhwey nuu kɔʼ mə̀ŋ zey nə ulii utaa. Mə n koʼ ndow n tənə tsə zey ghə fəələnə maʼlə wə tii, zay u ghə̂ ghən ghə â weynə ghə bòʼ bəghəm i fə̀ŋ i ghə təŋkey ghə a naʼlə ghɔɔmə i Kəzə̀, təmi taw tsu soʼo ni dza ghəə a Kəzə̀.