Hibru 13:2 - Kaa n Kəzə̀ n fəghə mə

² I kə ghaa i neyzəə ni kpii ney ghə̂ ghən ghə bwey bəghənə n ndaw tə ghaa. Ghə̂ a loʼ a mâ ghəŋə sey, ghə n kpii ney kɔʼ tsətəndəghə tə Kəzə̀ nə̀ ghə khə way.

Hibru 13:2 Mawu Ofanana

Matyo 25:35

Kuum nə̀, mə â loʼ n dzəŋ, ghaa n fu mə̀ n fəzəə wə, fə̀ŋ ə mmuu n zuʼlə mə, ghaa n fuu mə n mmuu mə, mə n bweyyə bə nə ghaa, ghaa n kpii ney mə n ndaw tə ghaa.

Matyo 25:40

Tə i beeli ndòw ghə nə̀, ‘N kuum dza bə tə̀ ghaa nə̀, ghəə ghey ghaa â ghəŋənə tə̀ waazə wuŋ u ghaa wə, ghaa â sey ghəŋə tə̀ mə̀.’”

Matyo 25:43

mə â bwey bə nə ghaa, ghaa n ka kpii ney mə̀, mə â khə way ndzə̂ tə, ghaa n ka fuu mə n ndzə̂ tə, mə n dzaŋa, loʼ n ndaw tsaʼ, ghaa n ka bə tɔŋɔ zow mə.’”

Kəfwaʼ 16:15

Ambə tə ney kɔʼnə mmuu n Kəzə̀ mə ghi ghə ghey n ndaw wi adzəm, tə n dza tə ghey nə̀, “Abə ghaa koʼnə nə̀ n loʼ wù wey n ndzəm bəghəmnə tə Mûkəbii, ghaa n bə muu bə fa n ndaw zuŋ.” Tə n ghəŋŋə kə sey, kɔŋŋə nuu ndow ghey.

Roma 12:13

Ghaa khə ni buu n wɔɔ kə ni fuu ndow tə dzûmə tə Klisto tey tə laʼanə fə kə n fəŋŋə kə ghaa. Fuʼu n təndaw n ghaa n khə ni loʼ tən kə təghə tə̀ ghə̂ ghən ghə bwey bəghənə.

Roma 16:23

Gayɔs wən n muunə n ndaw wi, dzûmə tə Klisto tə nyiə soʼonə n ndaw wi tûm bə ghaa n tɔŋɔ zow zə. Erastus wən tə naŋŋənə mbəghə kə ukhəə kə inaʼ kə ghi waazə ə saa Kwatus tɔŋŋə zow bə ghaa.

1 Timoti 3:2

Wù wey tə loʼnə tow kə tə dzûmə tə Klisto tə, khə ni loʼ wù wey tə khə way bwu i loʼ zə n doʼo i wi. Tə khə ni loʼ wù wey tə gaʼnə fə̀ŋ n kow wey wi. Tə khə way ni mbadla fəələ n fə̀ŋ. Tə khə ni nyoʼlə ghəŋŋənə ghəə ghə. Tə khə ni loʼ wù wey ghə̂ a fuunə wi n ngɔɔmə zə. Tə khə ni loʼ wù wey tə loʼ ni kpiney ghə̂ ghey ghə bwey bəghənə n ndaw wi. Tə khə ni loʼ soʼo wù wey tə loʼ ni dii nduŋŋə ndow ghə̂ ghən ghə bəghəmnə tə Zə̀ kə.

1 Timoti 5:10

Ghə̂ a khə ni khə wi bòʼ mwam u wi u dzuŋu wə tə a loʼ jìi zey tə ney kɔʼ bənə waa a wi ghə tii, jìi zey tə kpii neynə ghə̂ ghey ghə bwey bəghənə n ndaw wi. Tə u fwaʼa fwaʼ kə dzuŋu kə tə dzûmə tə Klisto tə, fuu soʼo igaamə tə ghə̂ ghən ghə loʼ nə uchɔd. Tə khə ni loʼ nə̀ tə n fuu nyi ndow wû u wi wə ni fuu gaamə zə tə ghə̂ ghə nə təjìi tədzəm.

Taytus 1:8

Tə fəd khə ni loʼ wù wey tə kpiney dzɔbənə ghə̂ ghə, ləghə kə ghəə zey i dzɔbənə. Tə khə ni loʼ wù wey tə loʼ ni kwu keeli wû u wi, loʼ tsətsəghə, zow, khə soʼo nghee tə teyyənə ghow kə ibwey kə wi kə a tii.

1 Pita 4:9

Ghaa i kpii ney ghə̂ ghey ghə bwey bəghənə n səə ghaa nə̀ ghaa sənnə way.

3 Jɔn 1:5

Fə̂ wuŋ u dzuŋu wə, bəghəm i fə̀ŋ zə i loʼ tən kə n ghəə ghən wə ghəŋŋənə tə waazə a saa ghə n dzəŋi kə dzûmə tə Klisto, nsə ni gaamə ghə̂ ghey ghə bwey bənə.