Hibru 13:1 - Kaa n Kəzə̀ n fəghə mə

¹ Ghaa ndow kə na n sə kə ni ləghə wû i ghaa zə tə̀ a loʼ awaazə.

Hibru 13:1 Mawu Ofanana

Tùm i dzuŋu zə kuum Yeso Klisto tə Jɔn â tɔɔnə 15:17

Laŋ key n fuunə tə̀ ghaa loʼ kə nə̀ ghaa i ləghə wû i ghaa zə.”

Kəfwaʼ 2:1

Ambə tsuʼ fə Pentikɔs fə bənə, dzûmə tə Klisto tədzəm tə n dzəŋi loʼ nə kəluʼu kəmɔʼ.

Kəfwaʼ 4:32

Dzûmə tə Yeso tədzəm tə â loʼ nə kəfə kəmɔʼ n moʼlə tə ghə tədzəm nsə n fə̀ŋ tə ghə tədzəm. Wù ghə umɔʼ n ney way fə kə wi kə tə a loʼ fə kə wi kə ngəŋ kə, ghə â fəd dzəŋi khə fə u ghə udzəm.

Galeshia 5:13

Waazə, ghə Zə̀ kə a say shi bə ghaa nə̀ kə ghaa nə kəm muulənə tə a loʼ ukɔd n tənə kəlaŋ. I kə ghaa nə kee ney kɔʼɔnə nə̀ nghee ghaa kəm way kɔd wə n tənə kəlaŋ, a loʼ kəbùʼ tə ghaa ni ghəŋŋə ghəə a bəbə ghən gow uwû ghaa ləghənə ni ghəŋŋə. Fət ney na buʼ kə tii kə ni gaamə tiilə wû i ghaa nə iləghə.

Galeshia 5:22

Ndzoʼo mwam wey Zay kə Zow kə ləghə nə̀ saa keeli loʼ, iləghə, iduʼlə, ibuulə, ni kow fə̀ŋ, fə̀ŋ i dzuŋu zə, ghəə a dzuŋu ghə, zə̀ələ kə fə̀ŋ,

Galeshia 5:6

Nghee saa doʼo bə dzənə nə kəfə kəmɔʼ ghi Yeso Klisto, abə ghə səghə tyi kə kə̀ mɔ ghə ka səghə ə, i zey khə way ghə i loʼ zə ni ghəŋə ghi muu i ghaa zə. Ghə i səŋi zey i loʼnə tii, loʼ bəghəm i fə̀ŋ zən saa khənə nsə ləghə zən saa khənə n wû i saa.

Efesus 4:3

Zay kə Zow kə n buulə fə̀ŋ tə ghaa tə nə̀ ghaa i loʼ n fə̂ kəmɔʼ. Sey, ndeemi tsu na wû zə ni muu tən kə nə kəfə kəmɔʼ tə̀ ghaa loʼnə nya.

Efesus 5:2

Ghaa khə ni khə ləghə zə n wû i ghaa, ighələ tə̀ Klisto â ləghənə saa, tə n fuu nuu ndow muu i wi ni kpu n tow u saa. Tə n fəələ ndow wû u wi tə a loʼ maʼlə u ləmmə dzɔbə wə tə̀ Zə̀ kə.

2 Tesalonika 1:3

Waazə ghə, ghey fuu kəzɔŋŋə nəŋə tədzəm tə Zə̀ kə bòʼ ghaa. I ndzəmə dzɔbənu ni ghəŋə sey təŋkey, bəghəm i fə̀ŋ i ghaa i ndəŋə nyîmmənu, ləghə zey ghaa khənə n wû i ghaa, zə a nyîmmə soʼo naʼ idzəm.

Hibru 10:24

Saa kəŋ tsu soʼo jìi ni gaamə waazə a saa ghə, nə̀ saa i khə zay ni ləghə wû i saa zə, nsə ni ghəŋŋə ghəə a dzuŋu ghə n wû i saa.

1 Pita 1:22

Nya wən ghaa sow maʼa dzənə wû i ghaa zə nghee ghaa naŋŋənə isəŋə, sey nə̀, ghaa i ndzəmə ləghə wû i ghaa zə tə a loʼ a awaazə, i ndzəmə ləghə na wû i ghaa zə n fə̀ŋ tə ghaa tə tədzəm.

1 Pita 2:17

Ghaa i fuu ngɔɔmə zə tə̀ ghə̂ ghə adzəm, ləghə tillə iwû n fəŋŋə kə ghə̂ ghən ghə bəghəmnə tə̀ Zə̀ kə, fuu ingɔɔmə tə̀ Zə̀ kə nsə tə də̀ŋ kə nii kə inaʼ.

1 Pita 3:8

Ni guŋ kɔʼ, ghaa adzəm khə ni teeli khə mwam wə umɔʼ, khə soʼo fə̀ŋ imɔʼ. Ghaa khə ni ləghə wû i ghaa zə tə a loʼ awaazə, dii fə̀ŋ i dzuŋu zə tə̀ ghə̂ ghə, khə soʼo zuŋ kə umwam n wû i ghaa.

1 Pita 4:8

Ghə i səŋi zey i tsəghəshinə ghəə ghə adzəm loʼ nə̀, ghaa i ləghə wû i ghaa zə n fə̀ŋ tə ghaa tə tədzəm n təŋkey, ghaa khənu nə̀ ləghə i tsədlə naŋŋə ndəmə ghəə a bəbə ghə.

2 Pita 1:7

Nghee ghaa ghəŋŋə kə ghəə ghey Zə̀ kə ləghənə, ghaa khə soʼo ni ləghə ndow waazu ghə. Nghee ghaa ləghənə waazu ghə, ghaa khə ni ləghə ndow soʼo ghə̂ ghə adzəm.

1 Jɔn 3:23

Laŋ kən tə tsəʼlə bənə tə saa loʼ nə̀ saa bəghəm fuu tə waa wi Yeso Klisto nsə nə̀ saa i ləghə tiilə wû i saa zə tə Klisto dzanə tə saa.

1 Jɔn 4:20

Abə saa dzanə nə̀ saa ləghə Kəzə̀, fədlə baa waazə a saa, saa loʼ ghə̂ a badla ghə aghəə ghə, n təŋkey, abə wə way ni ləghə waazu nə̀ wə koʼo ndownu wi, wə i ləghə ngee Zə̀ kə nə̀ wə ka wi kam koʼ koʼ tsə ə?

Chi dii 2:4

À kee loʼ nə̀ ghə i loʼ i loʼnu wə ghəŋŋənə nə̀ n ləghə way. Ghə i tii i loʼ nə̀, wə kəm ləghə way mə nya tə̀ wə â buʼu ləghənə, ləghə soʼo way wû i ghaa zə.