Hibru 12:3 - Kaa n Kəzə̀ n fəghə mə

³ Moʼlə tsu nghee tə â kownə fə̀ŋ tii ni fəghə n wɔɔ kə ghə̂ a bəbə ghə, sey nə̀ kə ghaa nə buu khə̂mənə, ghaa tuu maʼa soʼo Kəzə̀.

Hibru 12:3 Mawu Ofanana

Matyo 11:19

Waa weynum n ndòw bə, zə̂ə, məə soʼo nlə, ghə̂ adzəm n dza nə̀, ‘Koʼo kə wù wən, tə mèy zə̂ənu, tə məə khəə soʼo nlə, fə̂ a wi a loʼ ghə̂ a kwɔɔ a kəmàʼlə ghə nsə ghə̂ a bəbə ghə!’ A kee loʼ kə nə̀ tɔb u Kəzə̀ u dii bə kə isəŋə n ghəə a wi a ghəŋŋə ghə.”

Matyo 12:24

Nghee tə ghə̂ a tə Falasi a kee zow tsunə sey, ghə n dza, “À teeli loʼ Belzebul, tɔŋŋə də̀ŋ kə zay u bwu wə, kə fuunə ghə̂ fən n daʼa kə nə̀ tə i dzum shiə zay u bəbə wə tii.”

Matyo 15:2

“À loʼ kee dzûmə tə tə̀ naŋŋə way laŋ wə inaʼ u ghey wən ghə bày bày a ghey ghə â səd naŋanə ə? Ghə sow way wɔ ghə tə laŋ kə diinə abə ghə dza i zə̂ nə̀ a loʼ kee?”

Matyo 21:23

Ambə Yeso ndòwnə n Ndaw Kəzə̀ i nii zə n Yerosalem, nghee tə̀ tə diinə ghəə ghə fu, ghə fɔɔngili a nii ghə nsə ngəd tə inaʼ tə n ndòw bə n səə wi, bəb tə̀ wi nə̀, “Wə khə daʼa kə ghaa kə ni ghəŋŋə ghəə ghən ə? Wə saʼ i ney n wɔ̂ ndee?”

Matyo 21:46

Sey, ghə n kəŋə jìi ni kwu wi, kee tsəŋə ghaʼa nɔɔ kə aghə̂ key, n təŋkey, ghə â khə nə̀ Yeso loʼ wù tûm Kəzə̀.

Matyo 22:15

Sey, ghə̂ a tə Falasi ghə n nuu shi ndòw bii, ndòw saalə tsu nghee tə̀ ghə loʼnə ni kwu Yeso n ghɔɔmə i wi.

Lukas 14:1

N tsuʼ inaʼ u ghə̂ a təjuu u loʼ wə, Yeso n bweyyə ndòw n ndaw Falasi u nii u loʼ wə ni ndòw zə, ghə̂ ghə n tɔʼɔ tsìi laalə wi.

Lukas 15:2

sey ghə̂ a tə Falasi nsə ghə̂ ghə ulaŋ ghə n nyuŋŋə ghɔɔmə n wû i ghə dza, “Wù wən təmə dzəŋi ghi ghə̂ a bəbə ghə, zəə dzəŋi soʼo ghi ghə.”

Lukas 16:14

Ambə ghə̂ a tə Falasi a zow tsunə sey, ghə n tsoʼ maʼa Yeso, n təŋkey, ghə a ngii ləghə ukhəə.

Lukas 2:34

Sey Shimiɔŋ n buulə tsu ghə, dza ndòw tə̀ Maria nə̀, “waa wən, a tûm bə Kəzə̀. Bòʼ wi, ghə̂ a loʼ ghə î keeli tsɔɔmə i bəbə zə, a loʼ ghə i keeli ibəghəshi n naʼ zə Izree. Tə î loʼ tsəə ə Kəzə̀, seykə, ndəmə aghə̂ ghə i kɔɔbə wi,

Lukas 5:21

Ghə̂ a tə Falasi nsə ghə̂ a dii ghə ulaŋ ghə n kaʼ ni dza n wû i ghə nə̀, “À wən lòʼ fə ndee fə tsayyənə Zə̀ kə? A kəm lòʼ ndee ni neyzəə bəb i wù ə, tsəghəshiə way Zə̀ kə ə?”

Tùm i dzuŋu zə kuum Yeso Klisto tə Jɔn â tɔɔnə 10:20

Ndəmə ghə n dza, “Zay kə bəbə kə loʼ n kow wù wən, tow kə kpiilə way, a loʼ kee ghaa zəllə zeelinə ghɔɔmə i wi zə ə?”

Tùm i dzuŋu zə kuum Yeso Klisto tə Jɔn â tɔɔnə 18:22

Ambə Yeso beeli ndow wi n jii zən, bwoli u loʼ wə fu n saa wi nə kəsali n tùm usə̂, bəb tə wi nə̀, “À wən loʼ jìi zey wə khə ni beeli fɔɔngili u nii nii wə tii?”

Tùm i dzuŋu zə kuum Yeso Klisto tə Jɔn â tɔɔnə 5:16

À wən loʼ i ghi ghə̂ a Təjuu ghə â kaʼ ni fuu kaabə Yeso n chɔd wə, bòʼ nə̀, tə â baŋŋə wù n tsuʼ inaʼ.

Tùm i dzuŋu zə kuum Yeso Klisto tə Jɔn â tɔɔnə 7:12

Ndəmə aghə̂ ghə n tsɔŋɔ ghɔɔmə n wû i ghə bòʼ wi. Ghə̂ a loʼ ghə n dza nə̀, “Tə loʼ wù dzuŋu wə.” À loʼ ghə n kee dza nə̀, “Ngaŋ! Tə sìi ndzəŋŋə aghə̂.”

Tùm i dzuŋu zə kuum Yeso Klisto tə Jɔn â tɔɔnə 8:13

Ghə̂ a tə Falasi ghə n dza ndòw tə̀ wi nə̀, “Wə nya tiilə dza aghəə bòʼ wû wə n nəŋə wɔ, ghey way ni bəghəm dzə nə̀ ghəə zey wə dzanə loʼ isəŋə.”

Tùm i dzuŋu zə kuum Yeso Klisto tə Jɔn â tɔɔnə 8:52

Ghə̂ a Təjuu ghey n dza tə̀ wi nə̀ “Ghey n ndzəm keeli nya nə̀ zay kə bəbə kə loʼ n kow wɔ. Abraham mâ khə kpu, tûm tə Kəzə̀ tə n bə kpu soʼo, wə u kee dzanə nə̀ abə wù naŋŋənə ghɔɔmə zə zə̀ tə nə kpu koʼ way.

Tùm i dzuŋu zə kuum Yeso Klisto tə Jɔn â tɔɔnə 8:59

Nghee ghə zow tsu sey, ghə n kuumə kɔʼ atay ni təmmə wi tii, Yeso n kee nyì doʼo tsu, nyaʼi nii nuu tsu fu n Ndaw Kəzə̀.

Tùm i dzuŋu zə kuum Yeso Klisto tə Jɔn â tɔɔnə 9:40

Ghə̂ a tə Falasi a loʼ ghə ghə â loʼnə fu n zow tsu nghee Yeso dzanə ghəə ghən, ghə n bəb tə̀ wi nə̀, “I sey diinə ghey fəb doʼo soʼonu ə?”

1 Kɔrint 15:58

Sey, waazə ghuŋ a dzuŋu ghə, təmi taw tsu na n bəghəm i fə̀ŋ i ghaa, kə̂ fə̂ kə loʼ kə nə̂ soʼlənə ghaa. Fuu nyi ndòw na wû i ghaa zə n fwaʼ kə Mûkəbii, n təŋkey ghaa khənu nə̀ fwaʼ kən ghaa fwaʼanə tə̀ wi way dzə kənunu.

2 Kɔrint 4:1

Nghee tə Zə̀ kə kwɔɔlənə sî zə n kow ghey, fuu ghey n fwaʼ kə kən, fə̂ kə loʼ kə way kə loʼ ni ghəŋə nə̀ ghey buu səə.

2 Kɔrint 4:16

À wən loʼ ghə i tii zə, fə̀ŋ tə ghey tə way ni buu doʼo, abə i loʼ kənə nə̀ ghey lay may ndow nə uwû, Zə̀ kə n ghəŋə nə̀ zay kə ghey kə i fədlə taw doʼlə bə tsuʼu ndzəm.

Galeshia 6:9

Sey, i kə saa nə buu doʼlənə ni ghəŋŋə ghəə a dzuŋu ghə nəŋə tədzəm, n təŋkey abə saa ka buu doʼo ni ghəŋŋə ghəə a dzuŋu ghə, nəŋə i bəghənu, saa i keelinə naamə.

2 Tesalonika 3:13

Abə ghaa waazə ghə i khə ghaa nə̂ buu doʼonə ni ghəŋə ghəə a dzuŋu ghə.

Hibru 12:2

Saa bɔɔmə naŋa ndow kə sə a saa n kow Yeso wən tə â ghəŋə nə̀ saa bəghəm tə̀ Zə̀ kə, gaamə soʼo saa nə̀ bəghəm i fə̀ŋ i saa zə i taw. Tə n kow tsu kə fə̀ŋ ni fəghə, tə bə kpu n zat kə fəkaʼ. Tə n ka dədlə kətow n ghə i tii zə n təŋkey, tə â khənu duʼlə zey tə i keelinə isə. Tə nya doʼ n kpii kə təmə kə n kuu kə fɔɔ K-a-zə̀.

Hibru 12:5

À loʼ nə̀ ghaa n neyzəə ghɔɔmə i dzuŋu zey Zə̀ kə â fuunə tə̀ ghaa tə̀ a loʼ waa a wi ə? Ghaa neyzəənu nghee tə â dzanə tə̀ ghaa nə̀, “N waa, i naŋŋə tsu tuŋŋə kə abə Mûkəbii fɔɔlənə wɔ, Kə wə nə fəələ soʼonə n fə̀ŋ abə tə kpaa bənə wɔ,

Hibru 3:1

Waazə ghuŋ a zow ghə, ghaa ghən Zə̀ kə tɔŋɔnə nə̀ ghaa dzəŋi doʼo ghə̂ a wi idəŋ, gaʼ ndow na fə̀ŋ tə ghaa n kow Yeso wən Zə̀ kə tûm bənə nə̀ tə bə doʼo fɔɔngili u nii nii wə tə̀ saa.

1 Pita 2:23

Ambə ghə kpaalənə wi, tə ka kpaalə dzəŋŋə dzə ghə. Ambə tə fəghənə n wɔ ghə tə n ka bii naŋa dzə ghə. Tə n fəd zəghə maʼa ndow saʼ a wi tə̀ Zə̀ kən kə saʼanə ghə̂ ghə n jìi zey i kpiinə.

Chi dii 2:3

N khənu nə̀ wə mâ ngii fəghə, kow soʼo fə̀ŋ bòʼ mə, wə n ka kam tsəm buu doʼo koʼ.