Hibru 12:1 - Kaa n Kəzə̀ n fəghə mə

¹ Nghee i loʼ nə̀ saa khənu nɔɔ kə aghə̂ kə nii kə, ghə taʼanə ghi saa, saa zəghə maʼa ghəə ghey adzəm a təʼlənə saa n bəghəm i fə̀ŋ i saa nsə ghəə a bəbə ghey a taw doʼo bə n kow saa. Saa nyəŋ n fə̀ŋ tə saa tə tədzəm ni keeli fə key Zə̀ kə təb naŋanə tə̀ saa.

Hibru 12:1 Mawu Ofanana

Matyo 10:22

Ghə̂ adzəm a nə bàa ghaa bòʼ zəd zuŋ. Abə wù wey tə kee kow tsu kə fə̀ŋ, ndòw kûm i ndòw, tə i keeli ibəghəshi.

Matyo 24:13

À kee loʼ nə̀, wù wey tə i kow tsunə fə̀ŋ ndòw kùm i ndòw, tə i keeli ibəghəshi.

Malakus 10:50

Tə n tsɔʼ maʼa ndòw maʼlə kə wi, taa nuu kɔʼ idəŋ, bə n səə Yeso.

Lukas 12:15

Yeso n dza ndòw tə̀ ghə nə̀, “Ney kɔʼ na ghə̂mə zə n ləghə i fə u mbi, n təŋkey ghə muu i wù i taŋa way n ndəmə tə ufə tey tə khənə.”

Lukas 16:28

Təŋkey, N khə awaazə ataa, tə ndòw kpaa naŋa tsu ghə, sey nə̀, kə ghə nə bəghənə fa n luʼu kə uchɔd kən.’

Lukas 21:34

Ney na ghə̂mə zə kə ghəə a zəə ghə, nsə ghəə a məə ghə nsə chɔd u mbi u nə ney nuulənə fə̀ŋ tə ghaa tə. Nə a way sey, tsuʼ fə tii fə nə bə nə̀ ghaa ka keeli.

Tùm i dzuŋu zə kuum Yeso Klisto tə Jɔn â tɔɔnə 3:32

Tə tiilə dza bə ghəə ghey tə koʼnə nsə a ghey tə zownə, ghə̂ ghə a kee bəghəm way ghɔɔmə i wi zə.

Tùm i dzuŋu zə kuum Yeso Klisto tə Jɔn â tɔɔnə 4:39

Ndəmə ghə̂ a Samaria ghey ghə loʼnə n naʼ i tii zə n bəghəm tə̀ Yeso, n təŋkey, weyzən wey â dza tə̀ ghə nə̀, “Tə â tiilə dza bə ghəə ghey n loʼ nə̀ mə n ghəŋə koʼ tsə fa n mbi adzəm.”

Tùm i dzuŋu zə kuum Yeso Klisto tə Jɔn â tɔɔnə 4:44

Yeso n wû u wi u mâ dza nə̀, “Ghə ngɔɔmə tsə way Wù Tûm Kəzə̀ n naʼ i wi.”

Roma 12:12

Ghaa khə ni duʼlə ni ləmə ghəə ghən Zə̀ kə təb naŋanə tə ghaa. Ghaa i kow fə̀ŋ abə ghaa loʼnə nə uchɔd, gɔŋŋə nəŋə tədzəm.

Roma 2:7

Zə̀ kə i fuu muu zə itsali tə̀ ghə̂ ghən ghə buu doʼlə way ni ghəŋŋə ndzuŋ, ləmmə kə tə̀ wi nə̀ tə kɔʼlə naŋŋa kɔʼ ghə.

2 Kɔrint 7:1

Waazə ghuŋ a dzuŋu ghə, nghee tə̀ Zə̀ kə təb naŋanə ghəə ghən tə̀ saa, saa khə ni sow zowwə tsu wû i saa n wɔ ghəə ghən adzəm a loʼnə ni dzəələ wû i saa n fə̀ŋ nsə nə kəzay, a i muu muu zey i zownə, tsəŋə ndow soʼo Kəzə̀.

Galeshia 2:2

Mə â ndow fu, n təŋkey, Zə̀ kə â dii bə tə̀ mə nə̀ n ndow fu. Ambə n ndownə fu, mə n ghɔɔmə tsu kə ghi ngəd tey fu n dzəŋi kə dzûmə tə Klisto, tiilə dza ndow tûm i dzuŋu zən n naʼlənə tə̀ ghə̂ ghən ghə way ghə̂ a Təjuu ghə. Mə â ghəŋə sey təŋkey mə â ghə̂mə nə kə fwaʼ key n fwaʼ naŋanə nsə fwaʼ key n fwaʼanə nə naynə nə kənunu.

Galeshia 5:7

Ghaa â mgbaŋa bwey dzɔbənu n muu i ghaa ghi Klisto. À ghaa â kəm kwu naŋa ndee nə̀ ghaa ka təmi tən kə nə isəŋə zən ghaa â bəghəm nə ə?

Efesus 4:25

A wey loʼ ghə i tii zə, ghaa khənə ni tuu maʼa ghəə a badla ghə. Ghaa i ghɔɔmə isəŋə n wû i ghaa, boʼnə saa dzəŋi loʼ nə kəfə kəmɔʼ n doʼo i saa ghi Klisto.

Filipi 1:30

Ghaa təmə kə tsam i mɔʼɔ zey ghaa â koʼonə mə n təmənə. Ghaa zow soʼonu nə̀ à nam loʼ kə tsam i tii zə n nam təmənə nya.

Filipi 2:16

Kwu keeli taw tsu na ghɔɔmə i Kəzə̀ zən i fuunə muu zə itsali zə, sey nə̀ n tsuʼ fey Klisto î bəghənə tii, mə̀ i ghaŋŋə wû wə nə̀ fwaʼ kən mə fwaʼ ngəə tsəghə bənə, mə â ka fwaʼ maʼa dzə nə kənunu.

2 Timoti 2:4

Sawgoʼ i loʼ i way dzə nə̀ i nam fwaʼanu, i fuu may ndownə wû u wi wə n muu i ghə̂ ghən ghə way sawgoʼ tə. I wi i loʼ kə ni ghəŋə ghəə zey i kpiilənə tə wù nii wi.

2 Timoti 4:7

Mə n təm zə̂ ngəd kuŋ kə, mə u nyəŋ ndow kuum n luʼu key ghə ndow kuumnə tii nə n ka bwu n bəghəm i fə̀ŋ zuŋ.

Hibru 6:15

Sey, nghee Abraham kow tsunə fə̀ŋ ni ləmə, tə n bə keeli kɔʼ fə key Zə̀ kə â təb naŋanə tə̀ wi.

Jems 1:3

n təŋkey chɔd mən mɔm koʼo bəghəm i fə̀ŋ i ghaa sey nə̀, ghaa loʼ ni təmi taw n bəghəm i fə̀ŋ zey ghaa khənə.

1 Pita 2:1

Nghee i loʼ nə̀ Zə̀ kə n fuu ghaa n muu i fəghə zə, i sey dii nə̀ ghaa khə ni kweyyə nuu bə n fə̀ŋ tə ghaa tə n ghəə a bəbə ghə adzəm, ghaa maʼa ghəə a nəbə ghə ityim ghə, ghaa maʼa ghəə a badla ghə, ghaa maʼa kəghoʼ, kə ghaa nə tsayyə soʼonə wù.

1 Pita 4:2

Sey, ni ney nuu tsu nya, ndow n sə kə, ghaa khə ni teeli muu muu i ghaa zə n nəŋə zən ghaa nam khənə fa n mbi n jìi zey Zə̀ kə ləghənə, a way dzə n jìi zey gow uwû ləghənə.

1 Pita 5:1

N loʼ soʼo ngəd, n mâ koʼ Klisto nghee tə â fəʼlənə tii, mə i keeli soʼonu kɔʼlə mey tə khənə idəŋ abə tə i kəm bənə. N buʼu bə kəwɔɔ tə ghaa ngəd tə dzûmə tə Klisto tey tə loʼnə n fəŋŋə kə ghaa nə̀,

1 Pita 5:12

À mə gaamə Saylas ni tɔ̀ɔ bə kəmə fə kəmàʼlə fən. Tə loʼ waazə wuŋ wən n tɔʼ khə nə̀ tə loʼ tsətsəghə n bəghəm i fə̀ŋ i wi. N màʼlə kən tɔ̀ɔ bə tə̀ ghaa ni kuu bə fə̀ŋ tə ghaa nə̀ kə ghaa nə kweyyənə bəghəm i fə̀ŋ zey ghaa khənə n kow Klisto nsə ni təmi tiilə bə nə̀ Zə̀ kə ndzəmə diinu fə̀ŋ ə wi i dzuŋu zə tə̀ ghaa. Ghaa ndow kə n sə kə ni bəghəm tûm i tii zə.

2 Pita 1:6

N ghəə a Kəzə̀ ghey ghaa khənə, ghaa khə soʼo ni kwu keeli wû i ghaa. Nghee ghaa khə ni kwu keeli wû i ghaa, ghaa khə soʼo ni kow fə̀ŋ tə n nəŋə zə uchɔd. Nghee ghaa khə ni kow fə̀ŋ tə n nəŋə zə uchɔd, ghaa khə soʼo ni ghəŋŋə ndow kə ghəə ghey Zə̀ kə ləghənə.

Chi dii 1:9

N loʼ Jɔn waazə ghaa wən tə fəʼlə dzəŋinə ghi ghaa n ghəə a fɔɔ u Kəzə̀, kow soʼonə fə̀ŋ tə̀ aloʼ ghaa n təŋkey saa loʼ nə kəfə kəmɔʼ ghi Yeso. Ghə â kwu naŋa mə n naʼ i loʼ zə dzuu dzəŋ tsəghə kɔʼnə n təŋkey mə â naʼlə ghɔɔmə i Kəzə̀, dza soʼo isəŋə zey Yeso â dza naŋanə. Ghə tɔŋŋə naʼ i tiizə nə̀ à loʼ Patmus.

Chi dii 13:10

Abə wù loʼ nə̀ ghə khə ni kwu fìi naŋa wi n ndaw tsaʼ, ghə i teeli kwɔɔ fìi naŋŋənu wi. Wù wən i loʼ nə̀ ghə khə ni wey wi n kɔb, ghə i teeli weynu wi n kɔb. Ghəə ghən dii bə nə̀ ghə̂ a Kəzə̀ a zow a khə ni kow tsu fə̀ŋ, ghə n təmi taw tsu n bəghəm i fə̀ŋ i ghə n kow Zə̀ kə.

Chi dii 22:16

“Mə Yeso, mə n tûm bə tsəndəghə zuŋ nə tə bə naʼa bə ghəə ghən tə̀ ghaa n dzəŋi u dzûmə tə Klisto. N loʼ waa waa fɔɔ Devid, n loʼ səghəbələ fə n bələbələ tə fən fə nyiəllənə.”

Chi dii 3:10

Nghee wə naŋŋənə laŋ kuŋ kə ni kow fə̀ŋ, mə i bəghəm way nə̀ kaakaa fə mɔm wɔ n nəŋə zə uchɔd. Chɔt u bəghənu fa n mbi ni mɔm koʼ ghə̂ ghey adzəm ghə muunə fa a ghəlitsə.