Hibru 10:5 - Kaa n Kəzə̀ n fəghə mə

⁵ À wən loʼ ghə i tii zə nghee wù wən Zə̀ kə â dza naŋa nə̀ i tûm bənu â dza i bə fa n mbi, tə n dza tə̀ Zə̀ kə nə̀, “Wə ləghə way maʼlə wə nsə naamə kə, Wə fədlə bayyə naŋŋə vən fə uwû fuŋ tə̀ a loʼ umaʼlə.

Hibru 10:5 Mawu Ofanana

Matyo 11:3

Ghə n ndòw bəb tə̀ Yeso nə̀, “À loʼ wɔ Klisto wən Jɔn â dza nə̀ tə khə ni bə ə, nkee a ləmə tsu wù nuu ə?”

Lukas 1:35

Tsəndəghə ə Kəzə̀ zey n beeli ndòw wi nə̀, “Zay kə Zow kə î tsuu bə n kow wɔ, daʼa K-a-zə̀ kə i tsət bə wɔ. À wey loʼ ghə i tii zə ghə î tɔŋɔnə waa u zow wey wə̀ i jiənə nə̀ a loʼ Waa Kəzə̀.

Lukas 7:19

tûm ndòw ngəd tə tii tə nə̀ ghə ndòw bəb tə̀ Yeso nə̀, “À loʼ wɔ ghey â ləmmənə ə nkee ghey khə ni nam ləmə wù tii?”

Tùm i dzuŋu zə kuum Yeso Klisto tə Jɔn â tɔɔnə 1:14

Sey Ghɔɔmə zə n doʼo bə wù sɔŋtsuʼ, bə muu bə n fəŋŋə kə saa. Tə n dii bə ndzuŋ nsə isəŋə bòʼ Kəzə̀. Saa n koʼ ghaʼ i wi, ghaʼ zən i dii bənə nə̀ a loʼ wi sɔʼi fə Waa fə, Bày khənə.

Galeshia 4:4

Ambə nəŋə i kpi tsunə, Zə̀ kə n tûm bə waa wi. Waa tii n nyi bə fa n mbi nə a wi ji bə weyzən, tə n nyim kɔʼ bə tə laŋ kə ghə̂ Təjuu kə diinə.

1 Timoti 3:16

Isəŋə loʼ nə̀, wù loʼ tsəm way ni tuu maʼa ghəə zey i nyi doʼonə n ghəə a Kəzə̀ nə̀, Klisto â bə tə a loʼ wù sɔŋtsuʼ, Zay kə Zow kə n dii bə nə tə loʼ tsətsəghə, Tsətəndəghə tə Kəzə̀ tə koʼ ndow wi, Ghəŋə nə̀ ghə naʼa tûm kùm wi tə ghə̂ ghən ghə ka bəghəm tə Zə̀ kə n naʼa tə mbi tədzəm. Ghə̂ a mbi ghə n bəghəm fuu tə wi. Ni fuu wi n kɔʼləmə, Zə̀ kə n ney kɔʼ ndow wi idəŋ, naŋa ndow wi n kpii u wi u təmə wə.

Hibru 1:6

I loʼ soʼo n màʼlə K-a-zə̀ nə̀ nghee Zə̀ kə â tûm bənə Waa wi u sə isə wə fa n mbi, tə n dza tsu nə̀, “Tsətəndəghə tə Kəzə̀ tədzəm tə khə ni teeli ngɔɔmə wi.”

Hibru 10:10

I loʼ sey n təŋkey, Yeso Klisto a ghəŋə ghəə zey Zə̀ kə ləghənə, nghee tə â fuu ndownə wû u wi wə tə̀ a loʼ umaʼlə, ni sow maʼa tən ghəə a saa a bəbə ghə.

Hibru 10:7

Sey, mə n daŋŋə dza tsu nə̀, ‘Zə̀ kə, koʼo mə wənə, Ni fwaʼ tə wə ləghənə, Tə i tɔ̀ɔ doʼo n màʼlə K-a-zə̀ bòʼ mə.’”

Hibru 10:8

Tə n kaʼ tsu ni dza nə̀, “Wə ləghə way maʼlə wən ghə fəələnə nə tənyam, maʼlə u ghəə a bəbə ghə, nyam tey ghə kpəʼlənə n tsə zey ghə fəələnə maʼlə wə tii nkee maʼlə u ghaa wə ghə fəələnə n ghəə a bəbə ghə. Wə tsəmə duʼlə way bòʼ maʼlə u tii wə.” Tə zə â tsəm loʼ kə nə̀ ghə n tɔ̀ɔ naŋa n laŋ kə Mushi.

Hibru 2:14

Nghee waa a Kəzə̀ a loʼnə ghə̂ ghə, ghə khə gow uwû, khə soʼo təkaŋ. À wey loʼ ghə i tii zə Yeso n wû u wi wə â doʼo bə soʼonə wù sɔŋtsuʼ sey nə̀, abə tə i bə kpu tsunə, tə i wey maʼa daʼa key kə ghəŋŋənə nə̀ ghə̂ ghə i kpuulə tɔŋŋə daʼa kə avəətsəə.

Hibru 5:7

Nghee Yeso â muunə fa n mbi, tə n gɔŋŋə, buʼ soʼo kəwɔɔ nə idey nsə sə̂ mə tə̀ Zə̀ kə, tə loʼnə ni bəghəshi vən fə uwû fə wi n wɔɔ kə ivə. Sey, Zə̀ kə n zow gɔŋŋə i wi n təŋkey, tə â zow tə̀ Zə̀ kə ngɔɔmə soʼo wi.

Hibru 8:3

Nghee ghə â bəghə ghə n sày kɔʼ fɔɔngili u nii nii wə nə tə i fuu naamə kə, fəələ soʼo umaʼlə tə̀ Zə̀ kə n tow u ghə̂ adzəm, fɔɔngili saa u nii nii wən teeli khə ni khə soʼo fə kə ni fuu tə̀ Zə̀ kə.

1 Pita 2:24

Yeso n wû u wi wə mâ boʼo bəb i saa zə n zat kə fəkaʼ, sey nə̀, saa i way ni kəm ghəŋə ghəə a bəbə ghey saa khənə zày ni ghəŋŋə, saa i muu muu zey i loʼnə tsətsəghə. A loʼ fəŋ ghən tə â keelinə, a baŋŋənə ghaa.

2 Jɔn 1:7

Ndəm aghə̂ n shi ndow n mbi ni nəb kaabə tsə aghə̂ nə̀, Yeso â ka bə dzə n wû u wù sɔŋtsuʼ. Ndzoʼo wù wən loʼ wù nəbə wə aghə̂ wə, loʼ soʼo wù təngəmə ə Klisto.