Hibru 10:4 - Kaa n Kəzə̀ n fəghə mə

⁴ I loʼ sey n təŋkey, kaŋ tə mbɔŋ nsə kaŋ tə ji tey ghə fəələnə, way ni sow maʼa ghəə a bəbə ghə.

Hibru 10:4 Mawu Ofanana

Malakus 12:33

Wə dza dzɔb soʼnu nə̀, saa khə ni ləghə wi n fə̀ŋ idzəm, n tɔb wə udzəm, nsə n daʼa kə kədzəm nsə nə̀ wù khə ni ləghə wù wey tə kuʼlə loʼnə n səə wi tə̀ tə ləghənə wû u wi. I zən tsəghəshi kaŋ tə nyam tən saa fəələnə nsə nyam tən saa nyɔʼɔ tə a loʼ umaʼlə tə̀ Zə̀ kə.”

Tùm i dzuŋu zə kuum Yeso Klisto tə Jɔn â tɔɔnə 1:29

Tsətsə wey, Jɔn n koʼ ndòw Yeso tə bəghənə n səə wi, tə n dza, “Koʼo na! À wən loʼ Waa njì ə Kəzə̀, tə ney nuulənə bəb i ghə̂ a mbi zə.

Roma 11:27

À wən loʼ nkaa mən mə i zə̂ənə ghi ghə, Abə mə i ney nuu kɔʼnə ghəə a ghə a bəbə ghə.”

Hibru 10:1

Laŋ kə maŋa dii bə nyaŋi fə ghəə a dzuŋu ghey ghə i bəghənə, kə dii may bə dzə way nghee tə̀ ghəə a dzuŋu a tii a baa loʼnə tii. À wən loʼ ghə i tii zə maʼlə u mɔʼɔ wən ghə fəələnə num tənum, way ni ghəŋə nə̀ ghə̂ ghən ghə bəghənə n səə Kəzə̀, nə̀ ghə doʼo nə̀ ghə khə way bwù i loʼ zə.

Hibru 10:11

Tsuʼu n dzəm fɔɔngili u nii nii u ghə̂ a Təjuu ghə n fwaʼa fwaʼ kə wi tə̀ a loʼ fɔɔngili. Nəŋə tədzəm tə n fəələ kuulə kə maʼlə u mɔʼɔ wə nə̀ u way ni sow maʼa koʼ ghəə a ghə a bəbə ghə.

Hibru 10:8

Tə n kaʼ tsu ni dza nə̀, “Wə ləghə way maʼlə wən ghə fəələnə nə tənyam, maʼlə u ghəə a bəbə ghə, nyam tey ghə kpəʼlənə n tsə zey ghə fəələnə maʼlə wə tii nkee maʼlə u ghaa wə ghə fəələnə n ghəə a bəbə ghə. Wə tsəmə duʼlə way bòʼ maʼlə u tii wə.” Tə zə â tsəm loʼ kə nə̀ ghə n tɔ̀ɔ naŋa n laŋ kə Mushi.

Hibru 9:9

Dzuu i sə isə zən loʼ tsəə i dii bənə tsuʼu mən saa loʼnə tii nya. I sey dii nə̀ fə wən nsə nyam tən ghə fəələ ndownə maʼlə wə tii tə̀ Zə̀ kə, way dzə ni ghəŋə nə̀ fə̀ŋ ə wù wey tə fuunə kɔʼlə n tii mə i kpii tə̀ Zə̀ kə.

1 Jɔn 3:5

Ghaa khənu nə Klisto a bə fa n mbi ni bə ney nuu ghəə a bəbə ghə, loʼ sey nə̀ tə ka kam ghəŋə koʼ tsə ghə i bəbə i loʼ zə.