Hibru 10:10 - Kaa n Kəzə̀ n fəghə mə

¹⁰ I loʼ sey n təŋkey, Yeso Klisto a ghəŋə ghəə zey Zə̀ kə ləghənə, nghee tə â fuu ndownə wû u wi wə tə̀ a loʼ umaʼlə, ni sow maʼa tən ghəə a saa a bəbə ghə.

Hibru 10:10 Mawu Ofanana

Tùm i dzuŋu zə kuum Yeso Klisto tə Jɔn â tɔɔnə 17:19

Mə n ghəŋə wû wuŋ wə nə̀ wə i zow n sə̂ kə n tow u ghə, sey nə̀ ghə i loʼ soʼo ni ndzəmə zow.”

Tùm i dzuŋu zə kuum Yeso Klisto tə Jɔn â tɔɔnə 19:34

Sawgoʼ imɔʼ n sawgoʼ tə tii tə n ney kɔʼ ighɔŋ, saw nyi kɔʼ ndow teybow i Yeso tii, mmuu mə n daŋŋə shi tsu bə n kaŋ tə tii n fəŋ i tii zə.

Tùm i dzuŋu zə kuum Yeso Klisto tə Jɔn â tɔɔnə 6:51

N loʼ baa key kə fuunə muu zə, kə key kə shi tsu bənə idəŋ. Wù wey tə zə̂nə baa kə tii kə î keeli muu zə itsali. Baa kən n fuunə loʼ wû wuŋ. N fuu ni kùmshi tow u ghə̂ a mbi nə̀ ghə keeli muu zə itsali.”

1 Kɔrint 1:30

À loʼ Kəzə̀ kə ghəŋənə nə̀ ghaa i loʼ nə kəfə kəmɔʼ ghi Yeso Klisto. Zə̀ kə n ghəŋə nə̀ saa i khə tɔb wə n bam i Klisto. Klisto n ghəŋə nə̀ saa i loʼ tsətsəghə n sə K-a-zə̀, ghəŋə soʼo nə̀ saa i loʼ ghə̂ a Kəzə̀ a zow ghə. À loʼ wi tə bəghəshinə saa n ghəə a saa a bəbə ghə.

1 Kɔrint 6:11

À wən bɔɔmə loʼ ndzoʼo ghəə ghey ghaa a loʼ ghə â buʼu ghəŋŋə tsənə. Mûkəbii Yeso Klisto nsə Zay kə Zow kə n kee sow maʼa tsu ghaa n ghəə a ghaa a bəbə ghə, ghəŋə nə̀ ghaa i zow n sə K-a-zə̀, ghəŋə soʼo nə̀ ghaa i loʼ tsətsəghə n sə̂ K-a-zə̀.

Efesus 5:2

Ghaa khə ni khə ləghə zə n wû i ghaa, ighələ tə̀ Klisto â ləghənə saa, tə n fuu nuu ndow muu i wi ni kpu n tow u saa. Tə n fəələ ndow wû u wi tə a loʼ maʼlə u ləmmə dzɔbə wə tə̀ Zə̀ kə.

Efesus 5:26

Tə â ghəŋə ghə i zən ni ghəŋə nə̀ ghə̂ a ndaw Kəzə̀ ghə i zow n sə̂ kə wi. Tə n sow maʼa tsu bəb i ghə n ghɔɔmə i Kəzə̀ tə̀ tə nə sownə nə mmuu.

Hibru 10:12

A kee bə fɔɔngili u nii nii wən tɔŋŋə Klisto, â fuu wû u wi tə̀ a loʼ umaʼlə nəŋə imɔʼ ni sòw maʼa tən ghəə a bəbə ghə. Sey Zə̀ kə n kɔʼlə naŋa kɔʼ wi n kpii u wi u təmə wə.

Hibru 10:14

I loʼ sey n təŋkey, tə â fəələ kə umaʼlə nəŋə imɔʼ, wə n ghəŋə nə̀ ghə̂ ghən ghə sow maʼa dzənə ghəə a ghə a bəbə ghə, ghə zow may tsu n sə K-a-zə̀.

Hibru 10:20

Saa i tsəghə nyiə fu n jìi i fəghə zən i ghəŋŋənə nə̀ saa keeli muu zən i may way. Yeso n chi fuu jìi zən i nyiə ndownə fu n baa kə̀ŋ kən n bam i və zən tə â kpunə.

Hibru 10:29

ghaa moʼlə nə̀ Zə̀ kə i boʼo chɔdlɔ ngee wù wey tə koʼo kiinə waa Kəzə̀, ngɔɔmə way kaŋ tən tə â fəələnə n kaa mən mə â sow maʼanə ghəə a wi a bəbə ghə, kpaalə soʼo Zay kə Zow kən kə ney bənə ndzuŋ ə?

Hibru 10:5

À wən loʼ ghə i tii zə nghee wù wən Zə̀ kə â dza naŋa nə̀ i tûm bənu â dza i bə fa n mbi, tə n dza tə̀ Zə̀ kə nə̀, “Wə ləghə way maʼlə wə nsə naamə kə, Wə fədlə bayyə naŋŋə vən fə uwû fuŋ tə̀ a loʼ umaʼlə.

Hibru 13:12

À loʼ soʼo sey Yeso â fəghənə a bii n fuʼu mbàa wə inaʼ ni sow maʼa tsu ghəə a ghə̂ a bəbə ghə n kaŋ tə wi.

Hibru 2:11

Yeso ghi ghə̂ ghey tə â sow maʼa tsunə bəb i ghə zə, dzəŋi khə bày umɔʼ. À wey loʼ ghə i tii zə Yeso dədlə way n tow kə ni tɔŋɔ ghə nə̀ a loʼ waazə a wi.

Hibru 2:14

Nghee waa a Kəzə̀ a loʼnə ghə̂ ghə, ghə khə gow uwû, khə soʼo təkaŋ. À wey loʼ ghə i tii zə Yeso n wû u wi wə â doʼo bə soʼonə wù sɔŋtsuʼ sey nə̀, abə tə i bə kpu tsunə, tə i wey maʼa daʼa key kə ghəŋŋənə nə̀ ghə̂ ghə i kpuulə tɔŋŋə daʼa kə avəətsəə.

Hibru 5:7

Nghee Yeso â muunə fa n mbi, tə n gɔŋŋə, buʼ soʼo kəwɔɔ nə idey nsə sə̂ mə tə̀ Zə̀ kə, tə loʼnə ni bəghəshi vən fə uwû fə wi n wɔɔ kə ivə. Sey, Zə̀ kə n zow gɔŋŋə i wi n təŋkey, tə â zow tə̀ Zə̀ kə ngɔɔmə soʼo wi.

Hibru 7:27

Tə way dzə tə a loʼ ghə fɔɔngili a nii nii a loʼ ghey ni fəələ maʼlə wə tsuʼu ndzəm bòʼ ghəə a wi bəbə ghə isə nsə bòʼ bəb i ghə̂ a loʼ ghə. Tə mâ fəələ tən maʼlə wə nghee tə â fuunə wû u wi wə bòʼ bəb zə aghə̂.

Hibru 9:12

Tə â ka nyi dzə n luʼu kə zow kən n kaŋ tə ji tə nkee kaŋ tə mbɔŋ tə ni ndow fəələ umaʼlə tii, tə â fəd nyi ndow n kaŋ tə wi tə. Sey, tə n fuu saa n bəghəshi zən i nə may way.

Hibru 9:14

Abə ghə â loʼ ni sow maʼa ghəə a ghə̂ a bəbə ghə n ghəə ghən ghə â ghəŋŋənə, zə i boʼo doʼlə ngee ghi Klisto wən tə â fuunə wû u wi wə tə̀ a loʼ umaʼlə tə̀ Zə̀ kə n tow u saa. Tə â ghəŋə ghəə ghən n bam i Zay kə Zow kən kə loʼnə nəŋə tədzəm. Kaŋ tə wi tə sow maʼa fə̀ŋ tə saa n ghəə a bəbə ghən saa ghəŋŋənə nə̀ a ney bə ivə n kôw saa. Sey, saa khə ni fwaʼa kə tə̀ Zə̀ kən kə fuunə muu zə.

Hibru 9:26

Abə i mə loʼ sey, Klisto a sey khə ni fəghə n ndəmə tənəŋə ni ney nuu bə tə̀ mbi a kaʼnə. À kee loʼ nə̀ num tə nya bəghə ni bə may, tə u dii tən bənə wû u wi wə, ni ney nuu ghəə a bəbə ghə n bam i wû u wi wən tə fuu ndownə tə̀ a loʼ umaʼlə.

Hibru 9:28

Sey, Klisto a fəələ kə wû u wi nəŋə imɔʼ ni ney nuu ghəə a bəbə ghə n tow u ndəmə aghə̂. Tə i kəm bəghə kpiʼinu, a i way dzə ni ney nuu ghəə a bəbə ghə, a i loʼ ni ney bə ibəghəshi tə̀ ghə̂ ghən adzəm ghə ləmmənə wi.

1 Pita 2:24

Yeso n wû u wi wə mâ boʼo bəb i saa zə n zat kə fəkaʼ, sey nə̀, saa i way ni kəm ghəŋə ghəə a bəbə ghey saa khənə zày ni ghəŋŋə, saa i muu muu zey i loʼnə tsətsəghə. A loʼ fəŋ ghən tə â keelinə, a baŋŋənə ghaa.

1 Pita 3:18

N dza sey n təŋkey, Klisto â kpu kə nəŋə imɔʼ ni ney nuu tən ghəə a ghə̂ a bəbə ghə adzəm. Tə â ka ghəŋə koʼ tsə ghə i bəbə i loʼ zə, tə n kee bə kpu n tow u ghə̂ a bəbə ghə, sey nə̀ tə loʼ ni ney bə saa tə̀ Zə̀ kə. Ghə â wey wi nə̀ tə loʼ wù sɔŋtsuʼ, Zay kə Zow kə n kee ghəŋə nə̀ tə doʼo dzəŋŋə bə utaw,

1 Jɔn 5:6

Yeso Klisto wən tə â dii bənə wû u wi wə nə̀ tə loʼ waa Kəzə̀, tə â ney mmuu n Kəzə̀ nə mmuu, fəələ soʼo kaŋ tə wi n tow u saa. Â way dzə kə n mmuu n Kəzə̀ mən tə â neynə nə mmuu, tə â fəələ soʼo kaŋ tə wi n tow u saa. Zay kə Zow kə n tiilə dza bə nə̀ a loʼ isəŋə, n təŋkey, Zay kə Zow kə taw dza tsə isəŋə.